អត្ថបទថ្មីបំផុត
ទំព័រដើម > នីតិវិធី​អាជីវកម្ម > ស្វែងយល់​អំពី​បែបបទ​នៃ​ការបង់ពន្ធ​ប៉ាតង់ (Payment of Patent Tax)

ស្វែងយល់​អំពី​បែបបទ​នៃ​ការបង់ពន្ធ​ប៉ាតង់ (Payment of Patent Tax)

ប្រ​ភព៖​​ maltabuyrent.com

ដូចដែល​លោកអ្នក​បាន​ជ្រាប​រួចមកហើយ​ថា ពន្ធ​ប៉ាតង់ គឺជា​ពន្ធ​ប្រចាំឆ្នាំ ដែល​ត្រូវ​បានកំណត់​លើ​សកម្មភាព អាជីវកម្ម ដោយ​ផ្អែកលើ​ប្រភេទ​អ្នក​ជាប់ពន្ធ (Taxpayer) និង កម្រិត​ផលរបរ (Turnover) ហើយ​ការបង់ពន្ធ​នេះ ត្រូវធ្វើឡើង​នៅក្នុង​អំឡុងពេល​ចាប់ផ្តើម​ពីថ្ងៃ​ទី ០១ ខែ មករា ដល់ ថ្ងៃទី ៣១ ខែ មីនា ជា​រៀងរាល់ឆ្នាំ នៅ​រដ្ឋបាល​សារពើរ​ពន្ធ​ដែល​អាជីវកម្ម​មាន​ទីតាំង​ស្ថិតនៅ​។ នៅក្នុង​អត្ថបទ​នេះ លោកអ្នក​នឹង​បាន​ស្វែង​អំពី​បែបបទ នៃ​ការបង់ពន្ធ​ប៉ាតង់ ព្រមទាំង​អានុភាព និង ការប្រើប្រាស់​ប័ណ្ណ​ប៉ាតង់​ផងដែរ​។​
​ជាការ​ពិតណាស់ ផ្អែកទៅលើ​ប្រកាស​របស់​ក្រសួង​សេដ្ឋកិច្ច និង ហិរញ្ញវត្ថុ លេខ ១៨២១ សហវ​-​ប្រក ចុះ​ថ្ងៃទី ២៥ ខែធ្នូ ឆ្នាំ​២០១៥ ស្តីពី​វិធាន​និង​នីតិវិធី​គ្រប់គ្រង​ប្រមូល​ពន្ធ​ប៉ាតង់ ការបង់ពន្ធ​ប៉ាតង់​ត្រូវធ្វើឡើង​តាមបែប​បទ​ដូច ខាងក្រោម​៖
១. អ្នក​ជាប់ពន្ធ​ដែលមាន​សកម្មភាព​អាជីវកម្ម​ច្រើន ត្រូវ​បង់ពន្ធ​ប៉ាតង់​ផ្សេងគ្នា​ទៅតាម​សកម្មភាព​អាជីវកម្ម​នីមួយៗ​
​ ​ឧទាហរណ៍​៖ អ្នក​ជាប់ពន្ធ​ម្នាក់​ដែលមាន​សកម្មភាព​អាជីវកម្ម​នីហរ័ណ​-​អាហរ័ណ ដឹកជញ្ជូន និង ស​ណ្ឋា គារ ត្រូវ​បង់ពន្ធ​ប៉ាតង់​សម្រាប់ ៣ សកម្មភាព​អាជីវកម្ម​ផ្សេងគ្នា​។​
២. សកម្ម​ភាពជា​ឧបសម្ព័ន្ធ​នានា​នៃ​សកម្មភាព​អាជីវកម្ម​ត្រូវបាន​ចាត់ទុកថា​ជា​សកម្មភាព​អាជីវកម្ម​តែមួយ​។​
​ ​ឧទាហរណ៍​៖ សណ្ឋាគារ​មួយ​ដែលមាន​ក្លឹប​កំសាន្ត ភោជនីយដ្ឋាន កន្លែង​ម៉ាស្សា ក្លឹប​ហាត់ប្រាណ ឬ​សកម្ម ភាព​ដទៃ​ដែលជា​ឧបសម្ព័ន្ធ​នៃ​សកម្មភាព​សណ្ឋាគារ​ដែល​ស្ថិតនៅក្រោម​ការគ្រប់គ្រង​ផ្ទាល់​របស់​អ្នក​ជាប់ពន្ធ​តែមួយ និង ស្ថិតក្នុង​ទីតាំង​រួមជាមួយ​សណ្ឋាគារ ត្រូវ​បង់ពន្ធ​ប៉ាតង់​តែមួយ​។
៣. អ្នក​ជាប់ពន្ធ​ដែលមាន​សាខា ឃ្លាំង រោងចក្រ រោង​ជាង សម្រាប់​សកម្មភាព​អាជីវកម្ម​តែមួយ​នៅក្នុង​រាជធានី​-​ខេត្ត តែមួយ ត្រូវ​បង់ពន្ធ​ប៉ាតង់​តែមួយ​។
៤. អ្នក​ជាប់ពន្ធ​ដែលមាន​សកម្មភាព​អាជីវកម្ម​នៅក្នុង​រាជធានី​-​ខេត្ត​ផ្សេ​គ្នា ត្រូវ​បង់ពន្ធ​ប៉ាតង់​ទៅតាម​រាជធានី​-​ខេត្ត ដែល​អាជីវកម្ម​នោះ​ស្ថិតនៅ​។
​អានុភាព​និង​ការប្រើប្រាស់​ប័ណ្ណ​ប៉ាតង់​
​ប័ណ្ណ​ប៉ាតង់​មានតម្លៃ​តែ​ចំពោះ​អ្នក​ជាប់ពន្ធ​ដែលមាន​ឈ្មោះ​ក្នុង​ប័ណ្ណ​ប៉ាតង់​នោះ​តែប៉ុណ្ណោះ​។ ករណី​មានការ​ផ្លាស់ ប្តូរ​ទីកន្លែង​ទៅ​រាជធានី​-​ខេត្ត​ផ្សេង ឬ ផ្លាស់ប្តូរ​មុខរបរ​អាជីវកម្ម​ថ្មី ម្ចាស់​អាជីវកម្ម​នោះ​ត្រូវ​បង់ប្រាក់​ពន្ធ​ប៉ាតង់​ថ្មី​ម្តង ទៀត​។
​ចំពោះ​អាជីវកម្ម​ដែល​ផ្លាស់ប្តូរ​ម្ចាស់ បើ​ម្ចាស់​ចាស់​បាន​បង់ពន្ធ​ប៉ាតង់​ហើយ ម្ចាស់​ថ្មី​មិនបាច់​បង់ពន្ធ​ប៉ាតង់​ជាថ្មីទៀត ទេ ប្រសិនបើ​មាន​គ្រប់លក្ខណៈ​ពីរ​ខាងក្រោម​នេះ​៖
​ ​១. មិន​ផ្លាស់ប្តូរ​សកម្មភាព​អាជីវកម្ម​។​
​ ​២. ម្ចាស់​ថ្មី​ជា​ឪពុក ម្តាយ ប្តី ប្រពន្ធ កូន ឬ​អ្នក​ស្នង​ស្របច្បាប់​របស់​ម្ចាស់​អាជីវក​ម្មចាស់​។​
​អ្នក​ជាប់ពន្ធ​ត្រូវ​ដាក់តាំង​បង្ហាញ​ប័ណ្ណ​ប៉ាតង់​ដែលមាន​សុពលភាព​នៅតាម​ទីតាំង​ប្រកប​អាជីវកម្ម​របស់ខ្លួន​។​

​ដោយ​៖ ប៉ុ​ម ទូច​

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​​បើ​ខ្សោយ​ខាង​ទំនាក់ទំនង​​ ​អ្នក​គួរ​ព្យាយាម​ពង្រឹង​វា​​តាមរយៈ​វិធី​​ទាំង​៦​ចំណុច​នេះ​!​

​អ្នក​ប្រាជ្ញ​ជនជាតិ​ក្រិក​ ​​​លោក​ អារីស្តូត​៖ ​​«​ឫសគល់​នៃ​ការ​អប់រំ​ ​គឺ​​ល្វីង​​ ​ប៉ុន្តែ​​​ផ្លែផ្កា​នៃ​ការ​អប់រំ​វិញ ​គឺ​ផ្អែម​`»

តើ​ធ្វើ​យ៉ាង​ណា​ទើប​អាជីវកម្មធន​​​តូច​របស់​អ្នក​អាច​រក​ចំណូល​បាន​ច្រើន​ជាង​មុន?

​អ្នក​ប្រាជ្ញ​ចិន​ ខុង​ជឺ​៖ ​«​​មនុស្ស​ដែល​​ហ៊ាន​សួរ​​នឹង​ល្ងង់​តែ​មួយ​នាទី ​តែ​បើ​មិន​ហ៊ាន​សួរ​វិញ ​នឹង​ល្ងង់​មួយ​ជីវិត​»

អត្ថបទពាណិជ្ជកម្ម​

ពានរង្វាន់ ICT កម្ពុជា ២០១៩ ផ្តោតជាចម្បងលើ «នវានុវត្តន៍លើវិស័យ ICT» សូមចាប់ផ្តើមចុះឈ្មោះចាប់ពីថ្ងៃនេះតទៅ

NYC Alpha Serum ព្យាបាលមុខមុន ស្នាមជ្រួញ ធ្វើអោយមុខសភ្លឺថ្លាតឹងរលោងក្នុងមួយសប្តាហ៍​

ត្រៀមកូនៗចូលប្រកួតក្នុងពិព័រណ៍កុមារហើយឬនៅ?

មកមើលការបញ្ចុះតម្លៃដ៏អស្ចារ្យលើផលិតផលកុមារនិងគ្រួសារជាង៥០០០មុខក្នុងពិព័រណ៍កុមារនិងគ្រួសារលើកទី៦!!!

អានអត្ថបទតាមខែ

January 2019
M T W T F S S
« Dec    
 123456
78910111213
14151617181920
21222324252627
28293031