អត្ថបទថ្មីបំផុត
ទំព័រដើម > នីតិវិធី​អាជីវកម្ម > តើ​គេ​អាច​កំណត់ថា​សហគ្រាស​មួយ​ជា​សហគ្រាស​ធុន​តូច ធុន​មធ្យម និង ធុន​ធ្ងន់​បាន​ដោយ​ផ្អែកលើ​អ្វី​?

តើ​គេ​អាច​កំណត់ថា​សហគ្រាស​មួយ​ជា​សហគ្រាស​ធុន​តូច ធុន​មធ្យម និង ធុន​ធ្ងន់​បាន​ដោយ​ផ្អែកលើ​អ្វី​?

​ប្រសិនបើ​យើង​ធ្វើដំណើរ​តាម​បណ្តោយ​វិថី​មួយ​ក្នុង​រាជធានី​ភ្នំពេញ នោះ​យើង​នឹង​ឃើញ​មាន​អាជីវកម្ម​គ្រប់ ប្រភេទ​ដែល​កំពុងដំណើរកា​រយ៉ា​ង​សកម្ម​។ អាជីវកម្ម​ខ្លះ​មាន​ទំហំ​តូច ឯ​ខ្លះទៀត​មាន​ទំហំ​មធ្យម ឬ ធំ ដែល​ទំហំ​នៃ អាជីវកម្ម​ទាំងនោះ យើង​អាច​កំណត់​បាន​នឹង​ភ្នែក​។ ប៉ុន្តែ​តើ​យើង​ប្រាកដ​ទេ​ថា អាជីវកម្ម​ដែល​យើង​មើលឃើញ​នោះ ជា​ប្រភេទ​សហគ្រាស​ធុន​តូច ធុន​មធ្យម ឬក៏​ធុន​ធ្ងន់​នោះ​? តើ​គេ​អាច​កំណត់ថា​សហគ្រាស​មួយ​ជា​សហគ្រាស​ធុន តូច ធុន​មធ្យម និង ធុន​ធ្ងន់​បាន​ដោយ​របៀប​ណា​?

មុននឹង​ឆ្លើយ​សំនួរ​មួយ​នេះ យើង​គួរ​គប្បី​ស្វែងយល់​នូវ​ពាក្យ​ថា “​ផលរបរ​” ជាមុនសិន​។ ពាក្យ​ថា “​ផលរបរ​” គឺ​សំដៅ​ដល់​តម្លៃ​នៃ​ការផ្គត់ផ្គង់​ទំនិញ ឬ​សេវា​ដែលជា​សកម្មភាព​អាជីវកម្ម​របស់​អ្នក​ជាប់ពន្ធ​។ជាការ​ពិតណាស់ គេ​អាច​កំណត់ថា​សហគ្រាស​មួយ​ជា​ប្រភេទ​សហគ្រាស​ធុន​តូច ធុន​មធ្យម ឬក៏​ធុន​ធ្ងន់ បាន​ដោយ​ផ្អែកទៅលើ​ផលរបរ​ដែល​ទទួលបាន​ពី​ការផ្តល់សេវា ឬ​ផ្គត់ផ្គង់​ទំនិញ​ដែលជា​សកម្មភាព​អាជីវកម្ម​របស់ សហគ្រាស​នីមួយៗ​។ ក្នុងន័យនេះ ពាក្យ​ថា “​សហគ្រាស​ធុន​តូច ធុន​មធ្យម និង ធុន​ធ្ងន់​” គឺ​សំដៅ​ដល់​អ្នក ជាប់ពន្ធ​តូច អ្នក​ជាប់ពន្ធ​មធ្យម និង អ្នក​ជាប់ពន្ធ​ធំ ដែលមាន​កំណត់​នៅក្នុង​ច្បាប់​ពន្ធដារ​។

ផ្អែកទៅលើ​ប្រកាស​របស់​ក្រសួង​សេដ្ឋកិច្ច​និង​ហិរញ្ញវត្ថុ​លេខ ១៨១៩ សហវ​-​ប្រក ស្តីពី​ការធ្វើ​ចំណាត់ថ្នាក់ អ្នក​ជាប់ពន្ធ​តាម​របប​ស្វ័យ​ប្រកាស ចុះ​ថ្ងៃទី​២៥ ខែធ្នូ ឆ្នាំ ២០១៥ អ្នក​ជាប់ពន្ធ​ត្រូវបាន​បែង​ចែកចេញជា ៣ ប្រភេទ ដូចខាងក្រោម​៖
១. អ្នក​ជាប់ពន្ធ​តូច គឺជា​សហគ្រាស​ឯកបុគ្គល ឬ​សហគ្រាស​សហកម្មសិទ្ធិ ដែលៈ
​ ​ក​. មាន​ផលរបរ​ប្រចាំឆ្នាំ​ចាប់ពី ២៥០ លាន​រៀល ដល់ ៧០០ លាន​រៀល​
​ ​ខ​. មាន​ផលរបរ​ក្នុង​រយៈពេល ៣ ខែ ជាប់​គ្នា​ណាមួយ ដែល​បញ្ចប់​ក្នុង​ឆ្នាំ​ប្រតិទិន​ចរន្ត ចាប់ពី ៦០ លាន
រៀល​ឡើងទៅ​។
​ ​គ​. រំពឹងថា​មាន​ផលរបរ​ក្នុង​រយៈពេល ៣ ខែ ជាប់​គ្នា​ខាងមុខ ចាប់ពី ៦០ លាន​រៀល​ឡើងទៅ​
​ ​ឃ​. ចូលរួម​ដេញថ្លៃ ពិគ្រោះ​ថ្លៃ ឬ​ស្ទង់​ថ្លៃ ក្នុងការ​ផ្គត់ផ្គង់​ទំនិញ​ឬ​សេវា រួមទាំង​ភាស៊ី​។
២. អ្នក​ជាប់ពន្ធ​មធ្យម គឺជាៈ​
​ ​ក​. សហគ្រាស​ដែលមាន​ផលរបរ​ប្រចាំឆ្នាំ​លើសពី ៧០០ លាន​រៀល ដល់ ២ ០០០ លាន​រៀល
​ ​ខ​. សហគ្រាស​ដែល​បាន​ចុះបញ្ជី​ជា​នីតិបុគ្គល​
​ ​គ​. ស្ថាប័នរដ្ឋ​ថ្នាក់ក្រោម​ជាតិ សមាគម និង អង្គការ​មិនមែន​រដ្ឋាភិបាល​។​
៣. អ្នក​ជាប់ពន្ធ​ធំ គឺជាៈ​
​ ​ក​. សហគ្រាស​ដែលមាន​ផលរបរ​ប្រចាំឆ្នាំ​លើសពី ២ ០០០ លាន​រៀល​
​ ​ខ​. សាខា​ក្រុមហ៊ុន​បរទេស​
​ ​គ​. សហគ្រាស​ដែល​បាន​ចុះបញ្ជី​ជា​គម្រោង​វិនិយោគ​ដែលមាន​លក្ខណៈសម្បត្តិ​គ្រប់គ្រាន់​
​ ​ឃ​. ស្ថាប័នរដ្ឋ បេសកកម្ម​ទូត និង កុងស៊ុល​បរទេស អង្គការ​អន្តរជាតិ និង ទីភ្នាក់ងារ​សហប្រតិបត្តិ​ការ បច្ចេកទេស​របស់​រដ្ឋា​ភិ​បាល​នានា​៕

​ដោយ​៖ ប៉ុ​ម ទូច​

​ ​

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

រឿង​ដ៏​អស្ចារ្យ​ទាំង​៦​ នឹង​កើត​មាន​ឡើង ​ប្រសិន​បើ​អ្នក​ទម្លាប់​ខ្លួនអាន​មុន​ពេល​គេង​រាល់​យប់

​ទម្លាប់​​ប្រចាំ​ថ្ងៃ​១​​ដែលអ្នក​គួរ​ធ្វើ​រាល់​ថ្ងៃ​ដើម្បី​​​អាច​ក្លាយ​ជា​អ្នក​មាន​បាន​

សៀវភៅ​ទាំង​ ១០​ដែល​សហគ្រិន​ល្បី​ៗ​ទូទាំង​ពិភពលោក​ចង់​ឲ្យ​អ្នក​អាន​ដើម្បី​កែប្រែ​ជីវិត

វិធី ៤យ៉ាងដើម្បីធ្វើការងារឱ្យកាន់តែឆ្លាតជាងមុន មិន​មែន​កាន់តែលំបាកជាងមុន (Work Smarter, Not Harder)

អត្ថបទពាណិជ្ជកម្ម​

ជួប​គ្នា​នៅ​ក្នុង​កម្មវិធី​វិថី សុបិន​រដូវ​កាល​ទី ​៣​នា​ថ្ងៃ​អាទិត្យ​សប្ដាហ៍​នេះ

កម្មវិធីសិក្ខារសាលាស្តីពី «សវនកម្ម និង ការគ្រប់គ្រងអាជីវកម្មនៅក្នុងសហគ្រាស»

សាលា​អន្តរជាតិ​រៀប​ចំ​កម្មវិធី​សប្បាយ​ៗ​សម្រាប់​​កុមារ​​​ចូល​រួម​ដោយ​សេរី​ ថ្ងៃទី១៤-១៥-១៦ ខែកញ្ញា

គេទំព័រលក់ទំនិញ Original 100% ថ្មី១ ចាប់ផ្ដើមដំណើរការនៅកម្ពុជាហើយ

អានអត្ថបទតាមខែ

September 2018
M T W T F S S
« Aug    
 12
3456789
10111213141516
17181920212223
24252627282930