អត្ថបទថ្មីបំផុត
ទំព័រដើម > នីតិវិធី​អាជីវកម្ម > តើ​អ្វី​ទៅជាបច្ចេកវិទ្យា​​ផ្តល់សេវា​ហិរញ្ញវត្ថុ FINTECH?

តើ​អ្វី​ទៅជាបច្ចេកវិទ្យា​​ផ្តល់សេវា​ហិរញ្ញវត្ថុ FINTECH?

ប្រ​ភព៖​​ www.pwc.com.au

នៅក្នុង​យុគសម័យ​នៃ​សាកល​ភា​វូ​នីយកម្ម បច្ចេកវិទ្យា​បាននិងកំពុង​ដើរតួនាទី​យ៉ាងសំខាន់​ក្នុង​កិច្ចការ ទំនាក់ទំនង ការសិក្សា​ស្រាវជ្រាវ ព្រមទាំង​ជំរុញ​វឌ្ឍនភាព​សេដ្ឋកិច្ច​យ៉ាងសកម្ម​។ បច្ចេកវិទ្យា​បាន​នាំមក​នូវ ភាព​សុ​ខុ​ដុមរ​មនា​ដល់​ជីវភាព​រស់នៅ​របស់​ម​នុស្ស ព្រមទាំង​ភាព​រីកចម្រើន​គ្រប់​វិស័យ ក្នុងនោះ​រាប់ទាំង​វិស័យ​ហិរញ្ញវត្ថុ​ផងដែរ​។ បច្ចុប្បន្ននេះ ការប្រើប្រាស់​បច្ចេកវិទ្យា​ក្នុង​ការផ្តល់សេវា​ហិរញ្ញវត្ថុ (Fintech) បាននិងកំពុង​ពេញនិយម ជាខ្លាំង​នៅក្នុង​ប្រទេស​អភិវឌ្ឍ​ដូចជា​សហរដ្ឋអាមេរិក ជប៉ុន ហើយ​និង​ប្រទេស​ដែល​ចាយប្រាក់​អ៊ឺ​រ៉ូ​ជាដើម​។

ជាការ ពិតណាស់ Fintech ក៏​ជា​ប្រធានបទ​មួយ​ដ៏​សំខាន់​ផងដែរ ដែល​ប្រទេស​កំពុង​អភិវឌ្ឍ​មាន​ជាអាទិ៍ ប្រទេស​កម្ពុជា យើង បាន​លើក​យកមក​ពិចារណា និង អភិវឌ្ឍ​នូវ​គម្រោង​នានា​ពាក់ព័ន្ធ​នឹង​បច្ចេកវិទ្យា​ហិរញ្ញវត្ថុ​នេះ​។ ដូច្នេះហើយ នៅក្នុង​អត្ថបទ​នេះ លោកអ្នក​នឹង​បាន​ស្វែងយល់ថា​តើ​អ្វី​ទៅជា Fintech?

“Fintech” គឺជា​អក្សរ​កាត់​ពី​ពាក្យ “Financial Technology” ដែល​ប្រែជា​ភាសា​ខ្មែរ​ថា “បច្ចេកវិទ្យា​ហិរញ្ញវត្ថុ​” គឺ​សំដៅ​ដល់​ការប្រើប្រាស់​បច្ចេកវិទ្យា​ក្នុង​ការផ្តល់សេវា​ផ្នែក​ហិរញ្ញវត្ថុ​។ Fintech គឺជា​គំនិត​ច្នៃប្រឌិត​បែប​វិទ្យាសាស្ត្រ​មួយ​ដែល​បានប្រែក្លាយ​ការផ្តល់​និង​ប្រើប្រាស់​ហិរញ្ញវត្ថុ​ជា​សាច់ប្រាក់ មកជា​ការទូទាត់​ដោយ​ប្រព័ន្ធ​អេ​ឡិច ត្រូ​និ​ច​ជំនួស​វិញ​។ Fintech ត្រូវបាន​ប្រើប្រាស់​នៅក្នុង​ប្រតិបត្តិការ​ហិរញ្ញវត្ថុ​ជាច្រើន​ដូចជា​៖ ការធានារ៉ាប់រង (Insurance) ការទូទាត់​ថ្លៃទំនិញ និង សេវា (Payments of Goods and Services) ការដាក់​ប្រាក់​បញ្ញើ និង ការផ្តល់​កម្ចី (Deposit & Lending) ការផ្តល់សេវា​ធនាគារ​ចល័ត និង ការ​បូ​ប​អេ​ឡិច​ត្រូ​និ​ច (Mobile Banking & e-Wallets) ជាអាទិ៍​។

​ ​ជាក់ស្តែង នៅក្នុង​ប្រទេស​កម្ពុជា​យើង​បច្ចុប្បន្ន Fintech ក៏​ត្រូវបាន​ក្រុមហ៊ុន​មួយចំនួន​យកមកប្រើ​ប្រាស់ ដើម្បី​ផ្គត់ផ្គង់​ទំនិញ និង សេវាកម្ម​របស់​ពួកគេ​ផងដែរ មានដូចជា​៖ អេស៊ីលីដា​យូ​នី​ធី​ទាន់​ចិត្ត (ACLEDA Unity ToanChet) របស់​ធនាគារ​អេស៊ីលីដា ដែល​តាមរយៈ​សេវា​កម្មនេះ អតិថិជន​អាច​ប្រើប្រាស់​ដើម្បី​បង់ថ្លៃ​ទឹក​ភ្លើង ផ្ទេរប្រាក់ បញ្ចូល​ទឹកប្រាក់​ក្នុង​ទូរស័ព្ទដៃ និង​ការទូទាត់​ផ្សេងៗ​ទៀត ដោយ​គ្រាន់តែ​ប្រើប្រាស់​នូវ​ទូរស័ព្ទដៃ​របស់ខ្លួន ប៉ុណ្ណោះ​។ ដូចគ្នា​ផងដែរ Pi Pay គឺ​ប្រភេទ​មួយ​នៃ Fintech ដែល​វា​គឺជា​កម្មវិធី​ទូទាត់​គ្មាន​សាច់ប្រាក់​តាម​ទូរស័ព្ទដៃ ស្មា​ត​ហ្វូ​ន និង ជា​កម្មវិធី​ផ្ទេរប្រាក់​ឌីជីថល របស់​ក្រុមហ៊ុន Pi Pay Asia​។ គិត​ត្រឹម​ថ្ងៃទី ០៨ ខែ សីហា ឆ្នាំ ២០១៧ នេះ គឺ​ត្រឹម​រយៈ​មួយខែ​ប៉ុណ្ណោះ​បន្ទាប់ពី​ដាក់ឱ្យ​ដំណើរការ​ជា​ផ្លូវការ Pi Pay បានធ្វើ​ការទូទាត់​ក្នុង​ទំហំ​ទឹកប្រាក់ ជាង ១ លាន​ដុល្លារ​ហើយ​។

​ ​មិន​ខុសគ្នា​ពី​ក្រុមហ៊ុន​ខាងលើ​នោះទេ WING គឺជា​ក្រុមហ៊ុន​មួយ​ដែល​នាំមុខគេ​ក្នុងការ​ប្រើប្រាស់ Fintech ដើម្បី​ផ្តល់​សេវា​ហិរញ្ញវត្ថុ​ដែលមាន​ជាអាទិ៍​៖ ការទូទាត់​ប្រាក់​ចល័ត ផ្ទេរប្រាក់ និង បញ្ចូល​ទឹកប្រាក់​ក្នុង​ទូរស័ព្ទដៃ​។ ក្រុមហ៊ុន WING ត្រូវបាន​បង្កើតឡើង​ក្នុងប្រទេស​កម្ពុជា​កាលពី​ឆ្នាំ ២០០៩​។ គិត​មកដល់ពេលនេះ អ្នកប្រើប្រាស់ សេវាកម្ម WING មាន​ចំនួន​ប្រហែល​មួយ​លាន​នាក់ ដែល​ជាង​ពាក់កណ្តាល​នៃ​ចំនួន​អ្នកប្រើប្រាស់​គឺជា​កសិករ​។ អ្នកប្រើប្រាស់​ប្រហែលជា ៧០% របស់ WING បាន​ប្រើប្រាស់​សេវា​ផ្ទេរប្រាក់​ក្នុងស្រុក ចំនួន ២០% ប្រើប្រាស់​សេវា ទូទាត់​ថ្លៃទំនិញ និង សេវាកម្ម ហើយ ចំនួន ១០% ទៀត​ប្រើប្រាស់​ប្រតិបត្តិ​ការបញ្ចូល​ទឹកប្រាក់​ក្នុង​ទូរស័ព្ទ​។

ជាការ​ពិតណាស់ ការរីកចម្រើន​យ៉ាង​ឆាប់រហ័ស​នូវ​ការប្រើប្រាស់ Fintech នៅ​កម្ពុជា គឺ​ដោយសារតែ​ភាព ពេញនិយម​ក្នុងការ​ប្រើប្រាស់​ប្រព័ន្ធ​បច្ចេកវិទ្យា​របស់​យុវវ័យ ក៏ដូចជា​ពាណិជ្ជករ​ផងដែរ​។ គួររំលឹកថា យោងទៅលើ របាយការណ៍​ដែល​ចេញផ្សាយ​កាលពី​ឆ្នាំ ២០១៥ របស់​មូលនិធិ​អាស៊ី (The Asia Foundation) ប្រជាជន​ខ្មែរ ចំនួន ៩៤% មាន​ទូរស័ព្ទដៃ​ផ្ទាល់ខ្លួន ដែល​នេះ​គឺជា​សក្តានុពល​មួយ​ដែល​ផ្តល់ឱកាស​ដល់​ការវិនិយោគ​ក្នុង​វិស័យ បច្ចេកវិទ្យា​ហិរញ្ញវត្ថុ (Fintech)​៕​

​ដោយ​៖ ប៉ុ​ម ទូច​

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​កម្រង​គំនិត​សំខាន់ៗ​របស់​ ឡៅ សឺ (​Lao Tzu)​​​ទស្សនវិទូ​របស់​ចិន​

មេរៀន​សំខាន់ៗ​ដែល​​អ្នក​អាច​រៀន​សូត្រ​ពី​​​​សម្រង់​សម្ដី​ទាំង​៨​​របស់​លោក ​Jack Ma មហាសេដ្ឋី​ចិន​​ ​

គន្លឹះ​សម្ងាត់​ទាំង ៦​ ដែល​ជួយ​អភិវឌ្ឍ​ចិត្ត​គំនិត​របស់​អ្នក​ឲ្យ​ដូច​មហា​សេដ្ឋី

គន្លឹះ​ដ៏​មុត​ស្រួច​ទាំង​៣​ក្នុង​ការ​កែ​ប្រែ​និង​អភិវឌ្ឍ​អ្នក​ឲ្យ​ក្លាយ​ទៅ​ជា​មនុស្ស​ថ្មី​មួយ​ទៀត

អត្ថបទពាណិជ្ជកម្ម​

វីង និង ឌី អេហ្វ អាយ សហការគ្នាផ្ដល់ការទូទាត់ ដោយពុំប្រើប្រាស់ក្រដាស់ប្រាក់ ដល់អតិថិជន និងអ្នកផ្គត់ផ្គង់របស់ខ្លួន

លោក ព្រាប សុវត្ថិ ដឹកដៃកូនប្រុសទំាង២នាក់ធ្វើកក្រើកឆាកតន្រ្តី Tiger Street Football Festival 2019នាវគ្គផ្តាច់ព្រ័ត្រទូទាំងប្រទេស

ក្រុមស្នងការដ្ឋាននគរបាលខេត្តព្រះសីហនុ “A” ឈ្នះជើងឯកនៃ Tiger Street Football Festival 2019 លើកទី៧ ទូទាំងប្រទេសជាលើកដំបូង

អេ អឹម ខេ ត្រូវបានទទួលស្គាល់ជាគ្រឹះស្ថានមីក្រូហិរញ្ញវត្ថុ ដែលជួយឱ្យជីវភាពប្រជាពលរដ្ឋក្រីក្រមានភាពប្រសើរឡើង

អានអត្ថបទតាមខែ

March 2019
M T W T F S S
« Feb    
 123
45678910
11121314151617
18192021222324
25262728293031