អត្ថបទថ្មីបំផុត
ទំព័រដើម > នីតិវិធី​អាជីវកម្ម > ធនាគារជាតិបានដាក់​ចេញ​វិធានការ ៣ចំណុច​ដើម្បីពង្រឹង​កិច្ច​គាំពារ​អ​ថិ​ជន​​​កំពុង​ប្រើប្រាស់​សេវា​ហិរញ្ញវត្ថុ​

ធនាគារជាតិបានដាក់​ចេញ​វិធានការ ៣ចំណុច​ដើម្បីពង្រឹង​កិច្ច​គាំពារ​អ​ថិ​ជន​​​កំពុង​ប្រើប្រាស់​សេវា​ហិរញ្ញវត្ថុ​

នៅ​ថ្ងៃទី ១៨ ខែ សីហា  ម្សិលមិញ​នេះ ធនាគារជាតិ​នៃ​កម្ពុជា​បានចេញ​នូវ​សេ​ក្តី​ប្រកាស​ពត៌មាន​លេខ ធ​១៣-០១៧-៧១៧ សជណ ដែល​បាន​ដាក់ចេញ​នូវ​វិធានការ​ចំនួន ០៣ ចំណុច ដូចខាងក្រោម​ក្នុង​គោលដៅ​ពង្រឹង​កិច្ច​គាំពារ​អ​ថិ​ជន​ដែល​ប្រើប្រាស់​សេវា​ហិរញ្ញវត្ថុ​របស់​គ្រឹះស្ថាន​ធនាគារ​និង​ហិរញ្ញវត្ថុ​នៅ​កម្ពុជា​៖
​ទី​១ ការផាកពិន័យ​៖
​ផ្អែកទៅលើ​ខ្លឹមសារ​នៃ​សេចក្តីប្រកាស​ព័ត៌មាន​របស់​ធនាគារ​ជាតិ គ្រឹះស្ថាន​មីក្រូហិរញ្ញវត្ថុ​ដែល ផ្តល់​កម្ចី​ខ្វះ​តម្លាភាព (​លើ​ការប្រាក់ និង កំ​រ៉ៃ​សេវា​នានា​) នឹងត្រូវ​ផាកពិន័យ​ជា​ទឹកប្រាក់​ចំនួន ៤០០ លាន​រៀល ដែល​ស្មើនឹង​ប្រហែល ១០ ម៉ឺន​ដុល្លារ​អាមេរិក​។

​ទី​២ ការបង្កើត​ប្រព័ន្ធ​ទូរស័ព្ទ Hotline៖
នៅក្នុង​សេចក្តីប្រកាស​ព័ត៌មាន​នោះ​ផងដែរ ធនាគារជាតិ​នៃ​កម្ពុជា​ក៏បាន​ប្រកាស​អំពី​ការបង្កើត​ប្រព័ន្ធ​ទូរស័ព្ទ សម្រាប់​ទំនាក់ទំនង​បន្ទាន់ (Hotline) ចំនួន ០៤ ខ្សែ​ដើម្បី​ទទួល​ព័ត៌មាន​អំពី​អតិថិជន​ដែលមាន​បញ្ហា​ជាមួយ គ្រឹះស្ថាន​ធនាគារ​និង​ហិរញ្ញវត្ថុ​។​

ទី​៣ ការបន្ត​ចុះ​ត្រួតពិនិត្យ​ដល់​គ្រឹះស្ថាន​ធនាគារ​និង​ហិរញ្ញវត្ថុ​៖
​បន្ថែម​ទៅលើ​យន្តការ​ទាំងពីរ​ខាងលើ ធនាគារជាតិ​នៃ​កម្ពុជា ក៏​នូវតែ​បន្ត​ពង្រឹង​ការចុះ​ត្រួតពិនិត្យ​ដល់ទី​កន្លែង (One-site Supervision) ចំពោះ​គ្រឹះស្ថាន​ធនាគារ​និង​ហិរញ្ញវត្ថុ​ដែល​ស្ថិតក្រោម​អាណាព្យាបាល​របស់​ធនាគា​រ ជាតិ​នៃ​កម្ពុជា​។​
​ ​
នៅក្នុង​សេចក្តីប្រកាស​នោះ​ផងដែរ ធនាគារជាតិ​នៃ​កម្ពុជា ក៏បាន​ព្រមាន​ចាត់វិធានការ​យ៉ាង​តឹងរឹង ដូច​មាន ចែង​ក្នុង​ជំពូក​ទី​១៨ ១៩ និង ២០ នៃ​ច្បាប់​ស្តីពី​គ្រឹះស្ថាន​ធនាគារ​និង​ហិរញ្ញវត្ថុ ចំពោះ​គ្រឹះស្ថាន​ធនាគារ និង​ហិរញ្ញវត្ថុ​ណា​ដែល​ប្រព្រឹត្តិ​ល្មើស​ផងដែរ​៕

ដោយ​៖ ប៉ុ​ម ទូច​

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

ចង់​ស្គាល់​ចរិត​ មនុស្ស​លាក់​ពុត​ទេ? ភាគ​ច្រើន​ពួក​គេ​តែង​សម្តែង​បែប​នេះ​នៅ​មុខ​អ្នក

សៀវភៅ​ទាំង​ ១០​ដែល​សហគ្រិន​ល្បី​ៗ​ទូទាំង​ពិភពលោក​ចង់​ឲ្យ​អ្នក​អាន​ដើម្បី​កែប្រែ​ជីវិត

​​ត្រូវ​ហ៊ាន​លះបង់​​ ​៣​យ៉ាង​នេះ​សិន ​មុន​ពេល​បោះជំហាន​​​​ជោគជ័យ​ក្នុង​​​វិស័យ​ជំនួញ​

​​ហេតុផល​៤​សំខាន់ៗ ​ដែល​អ្នកមាន​គ្រួសារ​​ត្រូវ​ជំនះ​​ទិញ​ផ្ទះ​ឲ្យ​បាន​ ​ជៀសវាង​ការ​បន្ត​ជួល​គេ​រាប់​ឆ្នាំ​!

អត្ថបទពាណិជ្ជកម្ម​

ឱកាសបុណ្យភ្ជុំបិណ្ឌទទួលបានការបញ្ចុះតម្លៃពិសេសពី LG Brandshop

សន្និសីទ​រៀន​ធ្វើ​ជំនួញ​លើក​ទី​៣ ក្រោម​ប្រធាន​បទ៖ “ត្រៀម​សម្រាប់​ដំណើរ​ដ៏​វែង​ឆ្ងាយ”

ជួប​គ្នា​នៅ​ក្នុង​កម្មវិធី​វិថី សុបិន​រដូវ​កាល​ទី ​៣​នា​ថ្ងៃ​អាទិត្យ​សប្ដាហ៍​នេះ

កម្មវិធីសិក្ខារសាលាស្តីពី «សវនកម្ម និង ការគ្រប់គ្រងអាជីវកម្មនៅក្នុងសហគ្រាស»

អានអត្ថបទតាមខែ

September 2018
M T W T F S S
« Aug    
 12
3456789
10111213141516
17181920212223
24252627282930