អត្ថបទថ្មីបំផុត
ទំព័រដើម > នីតិវិធី​អាជីវកម្ម > តើអ្វីទៅជាអាករលើធាតុចូល (Input Tax)?

តើអ្វីទៅជាអាករលើធាតុចូល (Input Tax)?

ប្រ​ភព៖​​ http://creative-commons-images.com

អាករលើធាតុចូល គឺជាប្រាក់អាករដែលលោកអ្នកបានបង់លើទំនិញឬសេវា ដែលលោកអ្នកបានទិញសម្រាប់ប្រើ ប្រាស់ក្នុងអាជីវកម្ម។

ប្រសិនបើលោកអ្នកបានចុះបញ្ជីអាករលើតម្លៃបន្ថែម (VAT) ហើយ នោះលោកអ្នកអាចស្នើសុំឥណទានអាករលើ តម្លៃបន្ថែមដែលបានកំណត់លើទំនិញឬសេវាខាងលើនេះ។ នេះគឺជាអាករលើធាតុចូលរបស់លោកអ្នក។ ក្រៅពី អាករលើតម្លៃបន្ថែមដែលបានបង់លើការទិញវត្ថុធាតុដើម ឬ ការទិញទំនិញសម្រាប់លក់ទៅវិញ អាករលើធាតុចូល ក៏រួមបញ្ចូលផងដែរនូវអាករដែលបានបង់ដូចខាងក្រោម៖
ក. ការទិញសម្ភារៈការិយាល័យ
ខ. ការទិញយានយន្តសម្រាប់ដឹកជញ្ជូនទំនិញក្នុងអាជីវកម្ម
គ. ចំណាយថ្លៃអគ្គីសនីសម្រាប់អាជីវកម្ម
ឃ. ចំណាយថ្លៃទូរស័ព្ទប្រើប្រាស់សម្រាប់អាជីវកម្ម
ង. ចំណាយលើសេវាក្នុងការធ្វើអាជីវកម្ម (ឧទាហរណ៏ៈ ថ្លៃឈ្នួលគណនេយ្យករ ឬមេធាវី)

អាករលើធាតុចូលមិនរួមបញ្ចូលទេនូវអាករលើតម្លៃបន្ថែម ដែលបានបង់លើទំនិញឬ សេវាសម្រាប់អាជីវកម្ម របស់ បុគ្គលដទៃ ឬ អាករលើតម្លៃបន្ថែមលើការទិញប្រើប្រាស់ផ្ទាល់ខ្លួន ដូចជាការទិញគ្រឿងសង្ហារឹមសម្រាប់ តុបតែង គេហដ្ឋានរបស់លោកអ្នកជាដើម។ អាករលើតម្លៃបន្ថែមដែលបានបង់បែបនេះមិនមែនជាអាករ លើធាតុចូលរបស់ លោកអ្នកទេ។

លើសពីនេះទៅទៀត នៅពេលដែលលោកអ្នកមានការចំណាយ ហើយត្រូវបង់អាករលើតម្លៃបន្ថែម លោកអ្នកត្រូវ សួរខ្លួនឯងថា តើការចំណាយនេះសម្រាប់តែការប្រកបអាជីវកម្មរបស់លោកអ្នកពិតមែនឬទេ? ប្រសិនបើ ពិតមែនលោកអ្នកអាចនឹងកាត់កងបានដោយធ្វើការស្នើសុំឥណទានអាករលើធាតុចូល។

សូមចងចាំថាលោកអ្នកមិន អាចស្នើសុំជាឥណទានអាករលើធាតុចូលសម្រាប់ការចំណាយដូចខាងក្រោមនេះបាន ទេ៖
ក. ការទិញរថយន្ត លើកលែងតែលោកអ្នកប្រកបអាជីវកម្ម លក់់ឬជួល រថយន្តនោះ។
ខ. ការទទួលភ្ញៀវ ការកំសាន្ត ឬការសម្រាកលំហែ លើកលែងតែលោកអ្នកប្រកបអាជីវក ម្មផ្គត់ផ្គង់ការ ទទួលភ្ញៀវ ការកំសាន្ត ឬការសម្រាកលំហែ៕

ដោយ៖ ប៉ុម ទូច
ប្រភព៖ អគ្គនាយកដ្ឋានពន្ធដារ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​​គំនិត ២១ ក្បាច់​​របស់ «​អ្នក​មាន» ខុស​ពី​គំនិត​​របស់​ «មនុស្ស​ទូទៅ»

គន្លឹះ​១០​យ៉ាង​ ដើម្បី​កុំ​ឲ្យ​ស្គាល់​ពាក្យ​ថា​«​ក្រ​»​ ពី​លោក​ រ៉ូប៊ឺត គីយ៉ូសាគី ​​​អ្នក​និពន្ធ​«​ឪពុក​អ្នក​មាន​បង្រៀន​កូន​អ្នក​ក្រ​»

ធ្វើ​យ៉ាង​ណា​ទៅ​ដើម្បី​កាត់​បន្ថយ​ពាក្យ​ថា​ «ចាំ​ស្អែក​ចាំ​ធ្វើ​»?

ហេតុផល​៦​យ៉ាង​​បញ្ជាក់​ថា អ្នក​អាច​នឹង​ត្រូវ​គេ​ដេញ​ចេញ​ពី​ការងារ​ ​​ឬ ​​ធ្វើ​ការ​មួយ​ជីវិត​ក៏​​​​​មិន​រីកចម្រើន​ដែរ

អត្ថបទពាណិជ្ជកម្ម​

ស្រាបៀរអាន់ឆ័រ (Anchor) នឹងចាប់រង្វាន់ផ្តាច់ព្រ័ត្រនៅថ្ងៃអាទិត្យចុងសប្តាហ៍នេះ

BarCamp ឆ្នាំ​នេះ​កាន់​តែ​ប្លែក! ប្រធានបទ​“សន្និបាតបច្ចេកវិទ្យា និង​ការចាប់ផ្ដើមអាជីវកម្ម” ថ្ងៃទី ២០-២១ ខែតុលា​ នៅ​តិចណូ

ក្រុមហ៊ុនចូលរួមលក់បញ្ចុះតំលៃជាច្រើន ក្នុង​ឱកាស​ពិព័រណ៍អាពាហ៍ពិពាហ៍​ចុង​ខែ​កញ្ញា

អបអរអ្នកឈ្នះរង្វាន់ iPhoneX ពីក្រុមហ៊ុនស្រាបៀរកម្ពុជា CBL

អានអត្ថបទតាមខែ

October 2018
M T W T F S S
« Sep    
1234567
891011121314
15161718192021
22232425262728
293031