អត្ថបទថ្មីបំផុត
ទំព័រដើម > នីតិវិធី​អាជីវកម្ម > តើត្រូវបំពេញល័ក្ខខ័ណ្ឌអ្វីខ្លះ ដើម្បីទទួលបានអាជ្ញាប័ណ្ណប្រកបអាជីវកម្មទទួលបញ្ចាំ និង ទិញ-លក់ទ្រព្យបញ្ចាំ?

តើត្រូវបំពេញល័ក្ខខ័ណ្ឌអ្វីខ្លះ ដើម្បីទទួលបានអាជ្ញាប័ណ្ណប្រកបអាជីវកម្មទទួលបញ្ចាំ និង ទិញ-លក់ទ្រព្យបញ្ចាំ?

ប្រ​ភព៖​​ digital-photo-secrets.com

អាជីវកម្មទទួលបញ្ចាំ គឺជាអាជីវកម្មមួយប្រភេទដែលភាគីម្ខាងដាក់នូវចលនវត្ថុ (មានដូចជា ឡាន ម៉ូតូ ) ឬ ឯកសារបញ្ជាក់សិទ្ធិកាន់កាប់អចលនវត្ថុ (មានដូចជា ប្លង់ដី/ផ្ទះ លិខិតផ្ទេរសិទ្ធិកាន់កាប់ដី/ផ្ទះ ជាអាទិ៍) ឬ ឯកសារផ្សេងៗទៀត ទៅឱ្យភាគីម្ខាងទៀតជាអាជីវករ ដើម្បីធានាដល់ការទូទាត់សងប្រាក់កម្ចី និង ការប្រាក់។
ដើម្បីទទួលបានអាជ្ញាប័ណ្ណប្រកបអាជីវកម្មនេះ អាជីវករទាំងឡាយត្រូវបំពេញនូវល័ក្ខខ័ណ្ឌដូចខាងក្រោម៖
1. ជារូបវ័ន្តបុគ្គលដែលមានសញ្ជាតិខ្មែរ ហើយមានអាយុចាប់ពី ១៨ ឆ្នាំ ឡើងទៅ ឬជានីតិបុគ្គលដែលមាន សញ្ជាតិខ្មែរដែលបានបំពេញបែបបទ និង ចុះបញ្ជីត្រឹមត្រូវតាមច្បាប់។
2. មានលិខិតថ្កោលទោស ឬលិខិតបញ្ជាក់កិរិយាមាយាទដែលចេញដោយក្រសួងយុត្តិធម៌ ឬពីអាជ្ញាធរ ពាក់ព័ន្ធ។
3. បានចុះបញ្ជីពាណិជ្ជកម្មស្របច្បាប់នៅក្រសួងពាណិជ្ជកម្ម (ប្រសិនបើជានីតិបុគ្គល)។
4. មានអាសយដ្ឋានស្នាក់នៅ (ក្នុងករណីរូបវ័ន្តបុគ្គល) ឬ អាសយដ្ឋានចុះបញ្ជី (ក្នុងករណីនីតិបុគ្គល) ច្បាស់លាស់នៅក្នុងព្រះរាជាណាចក្រកម្ពុជា។
5. ត្រូវបង្ហាញពីកន្លែងសុវត្ថិភាពដើម្បីធានាថែរក្សា និង ការពារការខូចខាត ឬការបាត់បង់ទ្រព្យ។
6. ត្រូវមានដើមទុនអាជីវកម្មអប្បរមាចំនួន ៨០ លានរៀល (ស្មើនឹង ២ ម៉ឺនដុល្លារសហរដ្ឋអាមេរិក) និង ដាក់ ប្រាក់តំកល់ចំនួន ១០% នៃដើមទុនអាជីវកម្ម ឬ ប្រាក់តំកល់អតិបរមាចំនួន ៤០ លានរៀល (ស្មើនឹង ១ ម៉ឺនដុល្លារសហរដ្ឋអាមេរិក) ទៅក្នុងគណនីរបស់ក្រសួងសេដ្ឋកិច្ច និង ហិរញ្ញវត្ថុដែលមានចែងនៅក្នុង សៀវភៅបន្ទុក។
7. អាជីវករអាចដកប្រាក់តំកល់ខាងលើមកវិញបាន លុះត្រាតែមានការអនុញ្ញាតពីក្រសួងដូចដែលមានចែង នៅក្នុងសៀវភៅបន្ទុក។
8. ត្រូវមានលិខិតបញ្ជាក់អាសយដ្ឋានកន្លែងអាជីវកម្មឱ្យបានច្បាស់លាស់ពីអាជ្ញាធរមូលដ្ឋាន។
9. មានកម្រិតវប្បធម៌ចាប់ពីថ្នាក់បរិញ្ញាបត្រ ឬប្រហាក់ប្រហែលផ្នែកសេដ្ឋកិច្ច ឬពាណិជ្ជកម្ម ឬនីតិសាស្ត្រ ឬ វិញ្ញាបនបត្រផ្សេងៗទៀតដែលទាក់ទងនឹងអាជីវកម្ម ឬមានបទពិសោធន៍ពាក់ព័ន្ធទៅនឹងការគ្រប់គ្រង អាជីវកម្ម ឬធ្លាប់បម្រើការងារផ្នែកនេះពីមុន។
10. មានសមត្ថភាពក្នុងការទំនាក់ទំនងប្រកបដោយប្រសិទ្ធិភាពទាំងការនិយាយ ការសរសេរ និង មានសមត្ថ ភាពក្នុងការរៀបចំរបាយការណ៍ដែលមានទំរង់បែបបទត្រឹមត្រូវ។
11. បង្ហាញពីម្ចាស់ភាគហ៊ុន នាយកក្រុមហ៊ុន អ្នកគ្រប់គ្រងផ្នែកផ្សេងៗ និងឈ្មោះបុគ្គលិកដែលបម្រើការងារ នៅក្នុងកន្លែងអាជីវកម្មឱ្យបានច្បាស់លាស់។
12. បានបង់ថ្លៃអាជ្ញាប័ណ្ណដូចបានកំណត់។
13. ភ្ជាប់គំរូស្លាកសញ្ញា និង ត្រារបស់កន្លែងអាជីវកម្ម ព្រមទាំងហត្ថលេខារបស់អ្នកកាន់អាជ្ញាប័ណ្ណ។ល៕
គួរបញ្ជាក់ផងដែរថា អាជ្ញាប័ណ្ណសម្រាប់ប្រកបអាជីវកម្មទទួលបញ្ចាំនេះមានសុពលភាពរយៈពេល ០១ ឆ្នាំ គិតចាប់ ពីថ្ងៃចុះហត្ថលេខា។ អ្នកកាន់អាជ្ញាប័ណ្ណត្រូវដាក់ពាក្យស្នើសុំបន្តសុពលភាពឱ្យបាន ៣០ ថ្ងៃ មុនពេលអាជ្ញាប័ណ្ណ នោះអស់សុពលភាព។ អាជ្ញាប័ណ្ណថ្មីក៏ដូចជាអាជ្ញាប័ណ្ណបន្តគឺមានតម្លៃ ២.០០០.០០០ រៀល (ស្មើនឹង ៥០០ ដុល្លារសហរដ្ឋអាមេរិក)។

ដោយ៖ ប៉ុម ទូច

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

អ្នក​កើត​ថ្ងៃ​អង្គារ​ ព្រហស្បតិ៍​ និង​អាទិត្យ​ ភាគច្រើន​ជា​មនុស្ស​ជោគជ័យ​ និង ​មាន​​គំនិត​ឯករាជ្យ

លោក​អ្នក​គួរ​មាន​​​​គុណភាព​​​ ១៥​ចំណុច​​​​នេះ ​ដើម្បី​ក្លាយ​ជា​​អ្នក​រក​ស៊ី​ដ៏​ពូកែ​​ម្នាក់​

ពាក្យ​​ ៥​ឃ្លា​ដែល​​មនុស្ស​ឆ្លាត​​មិន​ដែល​ប្រើ​នៅ​​ក្នុង​​ការ​​សន្ទនា​​ជា​មួយ​ដៃគូ

នារី​ដែល​ឆ្លាតវៃ​ តែង​អនុវត្ត​ចំណុច​​ទាំង ​៤​នេះ ​ដើម្បី​រក្សា​ទំនាក់ទំនង​​ឲ្យ​បាន​​យូរអង្វែង​

អត្ថបទពាណិជ្ជកម្ម​

​អនុវត្តន៍​សរសេរ​​ផែនការ​អាជីវកម្ម​ និងគន្លឹះ​​​ផ្សព្វផ្សាយ​ពាណិជ្ជកម្ម​សម្រាប់​ SME​ នៅ​ ប៉ោយប៉ែត

ប៉ោយប៉ែតជាមណ្ឌលថ្មីនៃព្រឹត្តិការណ៍ Tiger Street Football Festival 2018 តែការគាំទ្រមិនធម្មតាទេ

យុវជននៅក្រុងប៉ោយប៉ែតពិតជាគំរូល្អដល់សម្រាប់ក្រុមយុវជននៅមណ្ឌលក្រោយមែន

បើកសន្និសីទកាសែតស្តីពីការប្រកួត Tiger Street Football Festival 2018 ប្រចាំមណ្ឌលប៉ោយប៉ែត

អានអត្ថបទតាមខែ

February 2018
M T W T F S S
« Jan    
 1234
567891011
12131415161718
19202122232425
262728