អត្ថបទថ្មីបំផុត
ទំព័រដើម > នីតិវិធី​អាជីវកម្ម > ស្វែងយល់ពីនីតិវិធីក្នុងការគណនាពន្ធអចលនទ្រព្យ តើគេធ្វើឡើងដូចម្តេច?

ស្វែងយល់ពីនីតិវិធីក្នុងការគណនាពន្ធអចលនទ្រព្យ តើគេធ្វើឡើងដូចម្តេច?

ថ្ងៃ​មុន​លោក​អ្នក​បាន​សិក្សា​រួច​មក​ហើយ​ អំពី​ប្រធាន​បទ៖ តើអចលនទ្រព្យណាខ្លះជាប់ពន្ធ អចលនទ្រព្យណាខ្លះមិនជាប់ពន្ធ? និងប្រធានបទ តើនីតិវិធីនៃការចុះបញ្ជីអចលនទ្រព្យធ្វើឡើងដូចម្ដេច?

ជំហានបន្តទៅទៀតនេះ លោកអ្នកនឹងបានស្វែងយល់ពីគណនាពន្ធលើអចលនទ្រព្យដែលកំណត់ដោយច្បាប់។
១.តើពន្ធលើអចលនទ្រព្យត្រូវបានកំណត់ដូចម្តេច?
ពន្ធលើអចលនទ្រព្យត្រូវបានប្រមូលប្រចាំឆ្នាំតាមអត្រា ០,១% (សូន្យក្បៀសមួយភាគរយ) លើមូលដ្ឋានគិតពន្ធ។

២.តើមូលដ្ឋានគិតពន្ធលើអចលនទ្រព្យត្រូវបានគេកំណត់ដូចម្តេច?
នេះគឺជាមូលដ្ឋានគិតពន្ធលើអចលនទ្រព្យ៖
• ៨០% (ប៉ែតសិបភាគរយ) នៃតម្លៃអចលនទ្រព្យសរុប (ទាំងតម្លៃដី និងតម្លៃសំណង់)
• ១០០.០០០.០០០ (១០០ លានរៀល)

ចំពោះតម្លៃអចលនទ្រព្យត្រូវបានកំណត់ដោយគណៈកម្មការវាយតម្លៃអចលនទ្រព្យទៅតាមអាយុកាលសំណង់ និងប្រភេទនៃសំណង់ (ឥដ្ឋបេតុង និងមិនមែនឥដ្ឋបេតុង)។ អាយុកាលសំណង់ត្រូវគិតចាប់ពីឆ្នាំដែលសំណង់នោះសាងសង់រួចរាល់។ សំណង់ឥដ្ឋបេតុង សំដៅដល់សំណង់ដែលមានប្លង់សេ។

តើចំណែកនៃសំណង់ណាខ្លះដែលមិនត្រូវគិតបញ្ចូលជាមូលដ្ឋានគិតពន្ធ?
មូលដ្ឋាននៃការគិតពន្ធអចលនទ្រព្យគឺមិនត្រូវបានគិតលើចំណែកនៃផ្ទះ អគារ ឬ សំណង់ផ្សេងៗដូចខាងក្រោមនេះ៖
• ដំបូលដែលគ្មានជញ្ជាំងជុំវិញ និងមិនធ្វើអាជីវកម្ម
• សំយាបផ្ទះ ឬ អគារ
• រានហាលផ្ទះ ឬ អគារ
• ឡៅតឿ
• ផ្ទះបាយ និងបន្ទប់ទឹកក្រៅផ្ទះ ឬអគារ
• កន្លែងដាក់យានជំនិះមិនធ្វើអាជីវកម្មនៅក្រៅផ្ទះ ឬអគារ
• កន្លែងហាត់កីឡាមិនធ្វើអាជីវកម្មនៅក្រៅផ្ទះ ឬ អគារ
• កន្លែងដាក់ម៉ាស៊ីនភ្លើងនៅក្រៅផ្ទះ ឬ អគារ
• អាងហែលទឹកមិនធ្វើអាជីវកម្មនៅក្រៅផ្ទះ ឬ អគារ
• តូប (Kiosk)
• របង និងក្លោងទ្វារ
• ជណ្ដើរប្រើប្រាស់រួមគ្នា
• អាងស្តុកទឹក ឬ ប្រេងនៅក្រៅផ្ទះ ឬអគារ
• អង់តែនទូរស័ព្ទ ឬ ទូរទស្សន៍
• ប៉ុស្តិ៍យាម
• ផ្លូវ ស្ពាន សួនច្បារក្រៅផ្ទះ ឬ អគារ។

៣.តើការវាស់វែងអចលនទ្រព្យត្រូវធ្វើឡើងយ៉ាងដូចម្តេច?
ម្ចាស់អចលនទ្រព្យត្រូវធ្វើការវាស់វែងទំហំជាក់ស្តែងនៃផ្ទៃក្រឡាដី ផ្ទះ អគារ និងសំណង់ផ្សេងៗដូចខាងក្រោម៖
• ចំពោះដី ត្រូវយកចំណុចកណ្តាលនៃព្រំរបង ឬ ព្រំដីជាគោល
• ចំពោះផ្ទះ អគារ និងសំណង់ផ្សេងៗត្រូវយកចំណុចកណ្តាលនៃជញ្ជាំងផ្ទះ អគារ និងសំណង់ផ្សេងៗជាគោល។ ក្នុងករណីសំណង់គ្មានជញ្ជាំងដែលត្រូវជាប់ពន្ធលើអចលនទ្រព្យ ត្រូវយកចុងដំបូលជាគោល។

៤.តើពន្ធលើអចលនទ្រព្យត្រូវបានគណនាយ៉ាងដូចម្តេច?
ការគណនាប្រាក់ពន្ធអចលនទ្រព្យត្រូវបានអនុវត្តតាមរូបមន្តខាងក្រោមនេះ៖
មូលដ្ឋាននៃការគិតពន្ធ= (តម្លៃអចលនទ្រព្យ x ៨០%)-១០០.០០០.០០០ រៀល
ប្រាក់ពន្ធ=មូលដ្ឋានគិតពន្ធx០,១%

ឧទាហរណ៍៖ លោកសុក្រមានអចលនទ្រព្យ (ផ្ទះ និងដី) មួយស្ថិតនៅលើផ្លូវចាក់អង្រែលើ។ ដីនេះមានទំហំ ៤ម x២០ និងមានសំណង់ផ្ទះល្វែងនៅលើដីនោះកម្ពស់ ២ជាន់ (Eo, E1, E2)។ ផ្ទះនេះបានសាងសង់នៅក្នុងឆ្នាំ ២០០៥ និងមានតម្លៃកំណត់ដោយគណៈកម្មការវាយតម្លៃអចលនទ្រព្យក្នុងមួយម៉ែត្រក្រឡាដូចខាងក្រោម៖
-តម្លៃដី=៧៥០ដុល្លារ/ម៉ែត្រការ៉េ
-តម្លៃផ្ទះជាន់ផ្ទាល់ដី (Eo) = ២៥០ ដុល្លារ/ម៉ែត្រការ៉េ
-តម្លៃផ្ទះជាន់ទី១ (E1)= ២០០ ដុល្លារ/ម៉ែត្រការ៉េ
-តម្លៃដីជាន់ទី២ (E2)= ១៥០ ដុល្លារ/ម៉ែត្រការ៉េ

អចលនទ្រព្យខាងលើត្រូវបានគណនាដូចតទៅ
-តម្លៃដី=៤ម x ២០ម x ៧៥០= ៦០.០០០ ដុល្លារ
-តម្លៃផ្ទះជាន់ផ្ទាល់ដី (Eo)= ៤ម x ២០ម x ២៥០ដុល្លារ = ២០.០០០ ដុល្លារ
-តម្លៃផ្ទះជាន់ទី ១ (E1)= ៤ម x ២០ម x ២០០ដុល្លារ = ១៦.០០០ ដុល្លារ
-តម្លៃផ្ទះជាន់ទី២ (E2) = ៤ម x ២០ម x ១៥០ដុល្លារ = ១២.០០០ ដុល្លារ

ដូចនេះតម្លៃអចលនទ្រព្យសរុបគឺ
=តម្លៃដី + តម្លៃផ្ទះ (Eo+E1+E2)
=៦០.០០០+៤៨.០០០= ១០៨.០០០ ដុល្លារ

តម្លៃសរុប ៨០% ជាប្រាក់រៀល
= ១០៨.០០០ ដុល្លារ x ៨០% x ៤.០០០រៀល
= ៣៤៥.៦០០.០០០ រៀល

មូលដ្ឋាននៃការគិតពន្ធ
= តម្លៃអចលនទ្រព្យ-១០០.០០០.០០០
= ៣៤៥.៦០០.០០០-១០០.០០០.០០០
= ២៤៥.៦០០.០០០រៀល

ប្រាក់ត្រូវបង់ពន្ធ = មូលដ្ឋាននៃការគិតពន្ធx០,១%
= ២៤៥.៦០០.០០០ x ០,១%
= ២៤៥.៦០០ រៀល (៦១,៤$)

ដូច្នេះប្រាក់ត្រូវបង់ពន្ធគឺ ៦១,៤$៕

ប្រភព៖ ក្រសួងសេដ្ឋកិច្ច និងហិរញ្ញវត្ថុ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​កម្រង​គំនិត​សំខាន់ៗ​របស់​ ឡៅ សឺ (​Lao Tzu)​​​ទស្សនវិទូ​របស់​ចិន​

មេរៀន​សំខាន់ៗ​ដែល​​អ្នក​អាច​រៀន​សូត្រ​ពី​​​​សម្រង់​សម្ដី​ទាំង​៨​​របស់​លោក ​Jack Ma មហាសេដ្ឋី​ចិន​​ ​

គន្លឹះ​សម្ងាត់​ទាំង ៦​ ដែល​ជួយ​អភិវឌ្ឍ​ចិត្ត​គំនិត​របស់​អ្នក​ឲ្យ​ដូច​មហា​សេដ្ឋី

គន្លឹះ​ដ៏​មុត​ស្រួច​ទាំង​៣​ក្នុង​ការ​កែ​ប្រែ​និង​អភិវឌ្ឍ​អ្នក​ឲ្យ​ក្លាយ​ទៅ​ជា​មនុស្ស​ថ្មី​មួយ​ទៀត

អត្ថបទពាណិជ្ជកម្ម​

លោក ព្រាប សុវត្ថិ ដឹកដៃកូនប្រុសទំាង២នាក់ធ្វើកក្រើកឆាកតន្រ្តី Tiger Street Football Festival 2019នាវគ្គផ្តាច់ព្រ័ត្រទូទាំងប្រទេស

ក្រុមស្នងការដ្ឋាននគរបាលខេត្តព្រះសីហនុ “A” ឈ្នះជើងឯកនៃ Tiger Street Football Festival 2019 លើកទី៧ ទូទាំងប្រទេសជាលើកដំបូង

អេ អឹម ខេ ត្រូវបានទទួលស្គាល់ជាគ្រឹះស្ថានមីក្រូហិរញ្ញវត្ថុ ដែលជួយឱ្យជីវភាពប្រជាពលរដ្ឋក្រីក្រមានភាពប្រសើរឡើង

ពិព័រណ៍ ឌីជីថលកម្ពុជាឆ្នាំ ២០១៩ បង្ហាញពីទិដ្ឋភាពផ្នែកឌីជីថលនៅអាស៊ីអាគ្នេយ៍ នាថ្ងៃអនាគត

អានអត្ថបទតាមខែ

March 2019
M T W T F S S
« Feb    
 123
45678910
11121314151617
18192021222324
25262728293031