អត្ថបទថ្មីបំផុត
ទំព័រដើម > នីតិវិធី​អាជីវកម្ម > ស្វែង​យល់​បន្ត​​ពី​ «ពន្ធ​កាត់​ទុក»

ស្វែង​យល់​បន្ត​​ពី​ «ពន្ធ​កាត់​ទុក»

១.តើ​ការ​ទូទាត់​ប្រភេទ​ណា​ខ្លះ​ដែល​ត្រូវ​បាន​អនុគ្រោះ​លើកលែង​ពន្ធ​កាត់​ទុក?
ការ​ទូទាត់​​ពណ៌នា​ខាងក្រោម​ត្រូវ​បាន​អនុគ្រោះ​លើកលែង​ពន្ធ​កាត់​ទុក៖
-ការ​ប្រាក់​ដែល​បង់​ឲ្យ​ទៅ​ធនាគារ ឬ​ស្ថាប័ន​សញ្ជ័យ​ធន ឬ ស្ថាប័ន​ហិរញ្ញវត្ថុ​ក្នុង​ស្រុក

-ការ​ទូទាត់​ទៅ​ឲ្យ​រាជរដ្ឋាភិបាល ឬ​ស្ថាប័ន​នៃ​រាជរដ្ឋាភិបាល​​នូវ​សួយសារ ឬ ប្រាក់​ថ្លៃ​ឈ្នួល​លើ​ចលនទ្រព្យ ឬ​អចលនទ្រព្យ (ក្នុង​នោះ​មាន​រួម​បញ្ចូល​ផង​ដែរ​នូវ​ប្រាក់​​ទូទាត់​លើ​ការ​ធ្វើ​អាជីវកម្ម​កំពង់​ដរ ដីសម្បទាន​សេដ្ឋកិច្ច និ​ងភាស៊ី​ផ្សារ ។ល។ ) លុះ​ត្រា​តែ​ការ​ទូទាត់​នេះ​ត្រូវ​ទាក់ទិន​នឹង​ចលនទ្រព្យ ឬ អចលនទ្រព្យ​ដែល​បាន​​កត់​ត្រា​ជា​ទ្រព្យ​សម្បត្តិ​រដ្ឋ​នៅ​ក្នុង​​បញ្ជី​បញ្ជីសារពើភ័ណ្ឌ​គ្រប់គ្រង​ដោយ​ក្រសួង​សេដ្ឋកិច្ច និង​ហិរញ្ញវត្ថុ​ ហើយ​​ប្រាក់​ទូទាត់​ត្រូវ​មាន​ការ​បញ្ជាក់​ពី​ក្រសួង​សេដ្ឋកិច្ច និង​ហិរញ្ញវត្ថុ​ថា ជា​ចំណូល​មិនមែន​សារពើពន្ធ​​បង់​ចូល​ថវិកា​រដ្ឋ។

-ការ​ទូទាត់​នូវ​ប្រាក់​ចំណូល​ដែល​ពន្ធ​លើ​ប្រាក់​បៀវត្ស ឬ ពន្ធ​លើ​អត្ថប្រយោជន៍​បន្ថែម​ត្រូវ​បាន​កាត់​ទុក​រួចរាល់

-ការ​ទូទាត់​នូវ​ការ​ប្រាក់​ដោយ​រាជរដ្ឋាភិបាល ឬ ស្ថាប័ន​រាជរដ្ឋាភិបាល​ទៅ​ឲ្យ​បុគ្គល​អនិវាសនជន​ចំពោះ​ប្រាក់​កម្ចី​ដែល​រាជរដ្ឋាភិបាល​កម្ពុជា ឬ រដ្ឋមន្ត្រី​ក្រសួង​សេដ្ឋកិច្ច និង​ហិរញ្ញវត្ថុ​បាន​ទទួល​ស្គាល់ និង​យល់​ព្រម

-ការ​ទូទាត់​នូវ​ប្រាក់​ចំណូល​ពី​ការ​បំពេញ​សេវា​នានា​រួម​ទាំង​ការ​​គ្រប់គ្រង ឬ ការ​ពិគ្រោះ​យោបល់​ ឬ​សេវា​ប្រហាក់ប្រហែល​របស់​សហគ្រាស​នីតិបុគ្គល​ដែល​បាន​ចុះ​បញ្ជី​ជា​សហគ្រាស​ជាប់​ពន្ធ​តាម​របប​ពិត។ ប៉ុន្តែ​ទឹកប្រាក់​នោះ​ត្រូវ​តែ​កត់ត្រា​ក្នុង​​វិក័យបត្រ​ដែល​ចេញ​​ដោយ​អ្នក​ទទួល​ប្រាក់​ និង​ត្រូវ​បាន​កត់ត្រា​ច្បាស់លាស់ ហើយ​​មាន​ព័ត៌មាន​គ្រប់គ្រាន់​ដូច​មាន​ចែង​​ក្នុង​ប្រកាស​លេខ ៣៤១ ប្រក.សហវ.ពដ និង​ប្រកាស​លេខ ៣៤២ ប្រក.សហវ.ពដ ចុះ​ថ្ងៃ​ទី ៣០ ខែ​ឧសភា ឆ្នាំ ១៩៩៧ របស់​ក្រសួង​សេដ្ឋកិច្ច និង​ហិរញ្ញវត្ថុ។

ចុច​នេះ​ដើម្បី​អាន​អត្ថបទ​លើក​មុន៖ ស្វែងយល់​ពី​ពន្ធ​កាត់​ទុក!

២.តើ​ពន្ធ​កាត់​ទុក​ត្រូវ​បាន​គណនា​យ៉ាង​ដូចម្តេច?
ពន្ធកាត់​ទុក​ត្រូវ​បាន​គណនា​ដោយ​គារ​គុណ​មូលដ្ឋាន​គិត​ពន្ធ​នឹង​អត្រា​ពន្ធ​ដែល​អនុវត្ត។

មូលដ្ឋាន​គិតពន្ធ៖ ពន្ធ​កាត់​តុក​ត្រូវ​គណនា​លើ​ចំនួន​ទឹកប្រាក់​ដុល​ដែល​ត្រូវ​ទូទាត់​ឲ្យ​បុគ្គល​ណា​មួយ។ ចំពោះ​ការ​ទូទាត់​ប្រាក់​ឲ្យ​អនិវាសនជន​ដែល​ទាក់ទិន​ដល់​ការ​ផ្គត់ផ្គង់​សម្ភារៈ​បរិក្ខារ​ផង និង​សេវា​ផង​ ដូច​នៅ​ក្នុង​ការ​ទូទាត់​ចំណាយ​ទិញ​ម៉ាស៊ីន​ពី​ក្រៅ​ប្រទេស​ដែល​មាន​ថ្លៃ​ទិញ​ម៉ាស៊ីន និង​ថ្លៃ​សេវា​ផ្គុំ​ដំឡើង​ដោយ​អ្នក​បច្ចេកទេស​ជា​បុគ្គលិក​អនិវាសនជន​ផ្តល់​ដោយ​អ្នក​លក់ (​សម្រាប់​ដំណើរ​ការ​ដើម​ដំបូង​នៃ​ម់ាស៊ីន​) មូលដ្ឋាន​សម្រាប់​គិត​ពន្ធ​​កាត់​ទុក គឺ​ជា​ចំណែក​ប្រាក់​ដែល​ទាក់ទិន​នឹង​សេវា​​ផ្គុំ​ដំឡើង​នេះ​តែ​ប៉ុណ្ណោះ។

ដរាបណា​ការ​ទូទាត់​មិន​ទាន់​ចាត់​ជា​ចំណាយ កាតព្វកិច្ច​កាត់​ទុក​ពន្ធ​ក៏​នឹង​មិន​កើត​មាន​ឡើង​ដែរ។ ប៉ុន្តែ​ការ​ទូទាត់​នេះ​ត្រូវ​បាន​ចាត់ទុក​ថា​ បាន​ធ្វើ​ឡើង​ប្រសិន​បើ​ការ​ទូទាត់​នេះ​ត្រូវ​បាន​កាត់កង​ជា​ការ​ចំណាយ​អាជីវកម្ម ហើយ​ភ្នាក់ងារ​កាត់ទុក​ត្រូវ​បង់ពន្ធ​កាត់​ទុក​​ក្នុង​នា​អ្នក​ទទួល។

 

​​​​​​​​ប្រភព៖ អគ្គនាយកដ្ឋានពន្ធដារ​

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​កម្រង​គំនិត​សំខាន់ៗ​របស់​ ឡៅ សឺ (​Lao Tzu)​​​ទស្សនវិទូ​របស់​ចិន​

មេរៀន​សំខាន់ៗ​ដែល​​អ្នក​អាច​រៀន​សូត្រ​ពី​​​​សម្រង់​សម្ដី​ទាំង​៨​​របស់​លោក ​Jack Ma មហាសេដ្ឋី​ចិន​​ ​

គន្លឹះ​សម្ងាត់​ទាំង ៦​ ដែល​ជួយ​អភិវឌ្ឍ​ចិត្ត​គំនិត​របស់​អ្នក​ឲ្យ​ដូច​មហា​សេដ្ឋី

គន្លឹះ​ដ៏​មុត​ស្រួច​ទាំង​៣​ក្នុង​ការ​កែ​ប្រែ​និង​អភិវឌ្ឍ​អ្នក​ឲ្យ​ក្លាយ​ទៅ​ជា​មនុស្ស​ថ្មី​មួយ​ទៀត

អត្ថបទពាណិជ្ជកម្ម​

លោក ព្រាប សុវត្ថិ ដឹកដៃកូនប្រុសទំាង២នាក់ធ្វើកក្រើកឆាកតន្រ្តី Tiger Street Football Festival 2019នាវគ្គផ្តាច់ព្រ័ត្រទូទាំងប្រទេស

ក្រុមស្នងការដ្ឋាននគរបាលខេត្តព្រះសីហនុ “A” ឈ្នះជើងឯកនៃ Tiger Street Football Festival 2019 លើកទី៧ ទូទាំងប្រទេសជាលើកដំបូង

អេ អឹម ខេ ត្រូវបានទទួលស្គាល់ជាគ្រឹះស្ថានមីក្រូហិរញ្ញវត្ថុ ដែលជួយឱ្យជីវភាពប្រជាពលរដ្ឋក្រីក្រមានភាពប្រសើរឡើង

ពិព័រណ៍ ឌីជីថលកម្ពុជាឆ្នាំ ២០១៩ បង្ហាញពីទិដ្ឋភាពផ្នែកឌីជីថលនៅអាស៊ីអាគ្នេយ៍ នាថ្ងៃអនាគត

អានអត្ថបទតាមខែ

March 2019
M T W T F S S
« Feb    
 123
45678910
11121314151617
18192021222324
25262728293031