អត្ថបទថ្មីបំផុត
ទំព័រដើម > នីតិវិធី​អាជីវកម្ម > រាជរដ្ឋាភិបាល​ចេញ​អនុក្រឹត្យ​​ក្ដៅៗ​ ​លើកលែង​ពន្ធ​ប្រាក់ចំណូល ៣ដល់​៥​ឆ្នាំសម្រាប់ SME ក្នុង​វិស័យ​អាទិភាព​មួយ​ចំនួន

រាជរដ្ឋាភិបាល​ចេញ​អនុក្រឹត្យ​​ក្ដៅៗ​ ​លើកលែង​ពន្ធ​ប្រាក់ចំណូល ៣ដល់​៥​ឆ្នាំសម្រាប់ SME ក្នុង​វិស័យ​អាទិភាព​មួយ​ចំនួន

ថ្មីៗ​នេះ​រដ្ឋាភិបាល​បាន​ចេញ​អនុក្រឹត្យ​ថ្មី​មួយ​ទៀត​​​លេខ ១២៤ អនក្រ.បក ដែល​មាន​គោលបំណង​ជួយ​លើក​​កម្ពស់​ការ​អភិវឌ្ឍ​សហគ្រាស​ធុន​តូច​ និង​មធ្យម ដើម្បី​បង្កើត​ការងារ និង​បង្កើន​សមត្ថភាព​ផលិតកម្ម​ក្នុង​ស្រុក​ ភ្ជាប់​ជា​មួយ​នឹង​លក្ខខណ្ឌ​សម្រាប់​ផ្តល់​ការ​លើកទឹកចិត្ត​ផ្នែក​ពន្ធដារ​ទៅ​លើ​វិស័យ​អាទិភាព​មួយ​ចំនួន។  អនុក្រឹត្យ​នេះ​ ត្រូវ​បាន​ប្រមុខ​រាជរដ្ឋាភិបាល​ចុះ​ហត្ថលេខា​នៅ​ថ្ងៃ​ទី២ ខែ​តុលា​ ប៉ុន្មាន​ថ្ងៃ​មុន​នេះ។ 

តើអ្វី​ទៅ​ជា​សហគ្រាស​ធុន​តូច​ និង​មធ្យម​ដែល​កំណត់​ដោយ​អនុក្រឹត្យ​នេះ​​?​
​-សហគ្រាស​ធុន​តូច​ និង​មធ្យម​ដែល​កំណត់​ដោយ​អនុក្រឹត្យ​នេះ​គឺ៖
សហគ្រាស​ធុន​តូច៖ ​​សំដៅ​លើ​សហគ្រាស​ដែល​មាន​ផលរបរ​​ប្រចាំ​ឆ្នាំ​ចាប់​ពី ២៥០ លាន​រៀល​ដល់ ៧០០ លាន​រៀល ឬ សហគ្រាស​ដទៃ​ទៀត​ដែល​ជា​កម្មវត្ថុ​នៃ​ការ​​ចុះ​បញ្ជី​ពន្ធដារ​ជា​អ្នក​ជាប់​ពន្ធ​តូច ស្រប​តាម​ច្បាប់ និង​បទបញ្ញត្តិ​ស្ដីពី​ពន្ធដារ ឬ​មាន​និយោជិត​ចាប់​ពី ១០ ទៅ ៥០ នាក់។

-សហគ្រាស​ធុន​មធ្យម៖ សំដៅ​លើ​សហគ្រាស​ដែល​មាន​ផលរបរ​​ប្រចាំ​ឆ្នាំ​ចាប់​ពី ៧០០ លាន​រៀល​ដល់ ៤ ០០០ លាន​រៀល​ ឬ សហគ្រាស​ដទៃ​ទៀត​ដែល​ជា​កម្មវត្ថុ​នៃ​ការ​​ចុះ​បញ្ជី​ពន្ធដារ​ជា​អ្នក​ជាប់​ពន្ធ​​មធ្យម​ ស្រប​តាម​ច្បាប់ និង​បទបញ្ញត្តិ​ស្ដីពី​ពន្ធដារ ឬ​មាន​និយោជិត​ចាប់​ពី ៥១ នាក់​ដល់​ ១០០ នាក់។

តើ​វិស័យ​អាទិភាព​ណា​ខ្លះនៅក្នុង​អនុក្រឹត្យ​នេះ​ដែល​ត្រូវ​បាន​​​លើកទឹកចិត្ត​ពន្ធដារ​?
វិស័យ​អាទិភាព​ដែល​ត្រូវ​បាន​​​លើកទឹកចិត្ត​ពន្ធដារ​រួមមាន៖
១.ផលិតផល​កសិកម្ម ឬ​កសិ-ឧស្សាហកម្ម
២.ផលិត​និង​កែច្នៃ​ម្ហូបអាហារ
៣.កម្មន្តសាល​ដែល​ផលិត​ទំនិញ​ប្រើប្រាស់​ក្នុង​ស្រុក កែច្នៃ​កាកសំណល់ និង​ផលិត​ទំនិញ​សម្រាប់​វិស័យ​ទេសចរណ៍​
៤.កម្មន្តសាល​ដែល​ផលិត​នូវ​ផលិតផល​សម្រេច ឬ​ផ្នែក​ឬ​គ្រឿង​​បង្គំ​ដើម្បី​​ផ្តល់​ឲ្យ​កម្មន្តសាល​ដទៃ​ទៀត
៥.ស្រាវជ្រាវ​ និង​អភិវឌ្ឍ​បច្ចេកវិទ្យា​ព័ត៌មាន រួម​ទាំង​ផ្គត់ផ្គង់​សេវា​គ្រប់គ្រង​តាម​ប្រព័ន្ធ​បច្ចេកវិទ្យា​ព័ត៌មាន ​ដែល​មាន​លក្ខណៈ​នវានុវត្តន៍
៦.សហគ្រាស​ដែល​ស្ថិត​នៅ​ក្នុង​តំបន់​ប្រមូល​ផ្តុំ​សហគ្រាស​ធុន​តូច និង​មធ្យម និង​សហគ្រាស​ដែល​អភិវឌ្ឍ​នៅ​ក្នុង​តំបន់​នេះ។

តើ​អនុក្រឹត្យ​នេះ​បាន​លើក​ទឹកចិត្ត​ពន្ធដារ​លើ​សហគ្រាស​ធុន​តូច និង​មធ្យម​ដែល​​​ធ្វើ​សកម្មភាព​អាជីវកម្ម​​​លើ​​វិស័យ​​ខាងលើ​នេះ​យ៉ាង​ដូចម្តេច?
ការ​លើកទឹកចិត្ត​​ពន្ធដារ​លើ​សហគ្រាស​ធុន​តូច និង​មធ្យម​លើ​វិស័យ​អាទិភាព​ខាងលើ​​ ត្រូវ​បាន​​កំណត់​​​ដូច​តទៅ៖
១.លើកលែង​ពន្ធ​ប្រាក់​ចំណូល ៣ (បី) ឆ្នាំ ដោយ​គិត​ចាប់​ពី​ថ្ងៃ​ទ​ដែល​ខ្លួន​ចុះ​បញ្ជី​ពន្ធដារ​សម្រាប់​សហគ្រាស​ចុះ​បញ្ជី​ថ្មី និង​ចាប់​ពី​ថ្ងៃ​ដែល​សហគ្រាស​បាន​មក​​ធ្វើ​បច្ចុប្បន្នភាព​សម្រាប់​សហគ្រាស​ដែល​បាន​ចុះ​បញ្ជី​ពន្ធ​រួចហើយ

២.លើកលែង​ពន្ធ​លើ​ប្រាក់​ចំណូល​ ៥ (ប្រាំ) ឆ្នាំ ​ដោយ​គិត​ចាប់​ពី​ថ្ងៃ​ដែល​ចុះ​បញ្ជី​ពន្ធដារ​សម្រាប់​សហគ្រាស​ចុះ​បញ្ជី​ថ្មី ឬ ចាប់​ពី​ថ្ងៃ​ដែល​សហគ្រាស​បាន​​មក​ធ្វើ​បច្ចុប្បន្ន​ភាព​សម្រាប់​សហគ្រាស​ដែល​បាន​ចុះ​បញ្ជី​ពន្ធដារ​រួច​ហើយ ចាប់​ពី​ពេល​អនុក្រឹត្យ​នេះ​ចូល​ជា​ធរមាន ដែល​បាន​បំពេញ​លក្ខខណ្ឌ​ណា​មួយ​​ដូច​ខាងក្រោម៖
-ប្រើ​វត្ថុ ធាតុ​ដើម​ក្នុង​ស្រុក ចាប់​ពី ៦០% ឡើង​ទៅ ឬ
-បង្កើន​ចំនួន​និយោជិត​បន្ថែម​យ៉ាង​តិច ២០% ឬ
-មាន​ទីតាំង​នៅ​ក្នុង​តំបន់​ប្រមូល​ផ្តុំ​សហគ្រាស​ធុន​តូច និង​មធ្យម

៣.លើកលែង​ការ​បង់​ប្រាក់​រំដោះ​ពន្ធ​​លើ​ប្រាក់​ចំណូល​និង​ពន្ធ​អប្បបរមា​ក្នុង​រយៈពេល​លើកលែង​ពន្ធ​លើ​ប្រាក់​ចំណូល

៤.លើកទឹកចិត្ត​ចំណាយ​ដែល​អាច​កាត់​កង​បាន​ដូច​ខាងក្រោម៖
ក.អនុញ្ញាត​កាត់កង​ចំណាយ ២០០% ចំពោះ​ចំណាយ​លើ​ការ​ប្រើប្រាស់​បញ្ជី​គណនេយ្យ​តាម​ប្រព័ន្ធ​​បច្ចេកវិទ្យា​ព័ត៌មាន
ខ.អនុញ្ញាត​កាត់កង​ចំណាយ ២០០% ចំពោះ​ចំណាយ​លើ​ការ​បណ្តុះបណ្តាល​ការ​កាន់​បញ្ជី​គណនេយ្យ​ ឬ ការ​បណ្តុះបណ្តាល​ជំនាញបច្ចេកទេស​ដល់​និយោជិត
គ.អនុញ្ញាត​កាត់កង​ចំណាយ ១៥០% ចំពោះ​ចំណាយ​វិនិយោគ​លើ​ម៉ាស៊ីន ឬ ឧបករណ៍​បច្ចេកវិទ្យា​ដែល​មាន​លក្ខណៈ​​នវានុវត្តន៍​​សម្រាប់​បម្រើ​និង​លើកកម្ពស់​ផលិតភាព​ផលិតកម្ម។

​ព័ត៌មាន​លម្អិត​សូម​មើល​អនុក្រឹត្យ​ខាងក្រោម​នេះ៖

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ខ្សោយ​ផ្នែក​ការ​សម្រេចចិត្ត​ ​អ្នក​គួរ​​អនុវត្ត​គន្លឹះ​ទាំង​៤​នេះ​​ ​ដើម្បី​ពង្រឹង​វា​ឡើង​វិញ​!

បើ​ជិត​ឈាន​​ដល់​វ័យ​ខ្ទង់​៣០​​ហើយ​ នៅ​តែ​គ្មាន​ចំណុច​ទាំង​នេះ​ទៀត​ នោះ​​ជីវិត​នឹង​វេទនា​មិន​ខាន

ត្រូវ​​បង្កើត​ទម្លាប់​ល្អៗ​ទាំង​​៦​យ៉ាង​នេះ​ ​មុន​ឈាន​ដល់​វ័យ​៣០​ ដើម្បី​ធានា​អំពី​ភាព​ជោគជ័យ​​របស់​អ្នក​

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

អត្ថបទពាណិជ្ជកម្ម​

ស្រាបៀរ ABC Extra Stout, Heineken, Tiger បានប្រគល់រង្វាន់ផ្តាច់ព្រ័ត្រ ជូនគូស្វាមីភរិយាថ្មី ឆ្នាំ ២០១៧-២០១៨

វគ្គបណ្តុះបណ្តាល៖ គន្លឹះក្នុងការធ្វើអាជីវកម្មអចលនទ្រព្យប្រកបដោយភាពជោគជ័យ

អ្វីទៅជា គំនិតធុរកិច្ច (Business Ideas)? ចង់​ដឹង ​នាំគ្នា​ចូលរួម​សិក្ខាសាលាអំពីប្រធាន​នេះ!

AMK ផ្អាកដំណើរការប្រតិបត្ដិការហិរញ្ញវត្ថុ​​​បណ្ដោះ​អាសន្ន ៤ថ្ងៃ

អានអត្ថបទតាមខែ

December 2018
M T W T F S S
« Nov    
 12
3456789
10111213141516
17181920212223
24252627282930
31