អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > មូលហេតុនៃតារា​ល្បី​ៗ​លំដាប់​ថ្នាក់​ពិភពលោក​ទាំង​៩រូប​​ ​​ដែលមាន​អាយុ​ខ្លី

មូលហេតុនៃតារា​ល្បី​ៗ​លំដាប់​ថ្នាក់​ពិភពលោក​ទាំង​៩រូប​​ ​​ដែលមាន​អាយុ​ខ្លី

ប្រ​ភព៖​​ pexel.com

តារាល្បីៗទាំងប្រុសទាំងស្រី ដែលបាន​ប្រឡូក​ក្នុងវិស័យសិល្បៈទទួលបាន​ភាពល្បីល្បាញទូទាំង​ពិភពលោក តែគួរអោយស្តាយពួកគាត់បានទទួលមរណភាព​នៅក្នុងអាយុនៅតិចនៅឡើយ តែ​កេរ្តិ៍ឈ្មោះ​បស់ពួកគាត់នៅតែត្រូវបានគេចងចាំ រហូតដល់បច្ចុប្បន្ន។
១)  Jean Hardow(1911-1937) ៖ ជាជនជាតិអាមេរិក នាងជាតារាសម្តែង។ Jean Hardow ជា​តារា​សម្តែងស្រីដែលទទួលបានជោគជ័យនិងមានភាពសិចស៊ី នៅអំឡុងទសវត្សរ៍ឆ្នាំ១៩៣០។ នាង​បាន​សម្តែងនៅក្នុងរឿង Hell’s Angels, Red Dust, និងរឿង Suzy ។ នាងទទួលមរណភាពនៅអាយុ២៦ឆ្នាំ ដោយសារជំងឺមហារីកខួរក្បាល។

២) James Dean (1931-1955) ៖ ជាជនជាតិអាមេរិក គាត់ជាតារាសម្តែង​ប្រុសដែលមាន​ភាព​ល្បីល្បាញ និង​មានភាពលេចធ្លោនៅក្នុងឧស្សាហកម្មភាពយន្តនៅទសវត្សរ៍ ៥០។ James Dean បាន​សម្តែងក្នុងរឿង East of Eden, Rebel without a Cause, និងរឿង Giant។ គាត់បានបាត់បង់ជីវិតនៅអាយុ២៤ឆ្នាំ ដោយសារគ្រោះថ្នាក់ចរាចរណ៍។

៣) Marilyn Monroe (1926-1962) ៖ ជាជនជាតិអាមេរិក Marilyn Monroe ជា​តារា​​សម្ដែង តារា​បង្ហាញ​ម៉ូត និង​ជា​តារា​ចម្រៀង​ផង​ដែរ​។ នាង​ត្រូវ​បាន​គេ​ចាត់​ទុកថា ជា​តារាស្រី​ដែល​មានភាព​សិចស៊ី​បំផុត​ប្រចាំនៅហូលីវូត។ Marilyn Monroe ធ្លាប់បានសម្តែងក្នុងរឿង Like Gentlemen Prefer Blondes, The Seven Year Itch, និង រឿង Some Like it Hot។ Marilyn Monroe បាន​ស្លាប់​នៅ​អាយុ៣៦ឆ្នាំ ដោយកោសល្យវិច័យបង្ហាញថានាង​បានស្លាប់ដោយសារ​ការ​ប្រើប្រាស់ថ្នាំជ្រុល។

៤) Bruce Lee (1940-1973) ៖ គាត់ត្រូវបានខ្មែរយើងហៅថា លីស៊ាវឡុង ជនជាតិចិនហុងកុង។ លីស៊ាវឡុង បានទទួលភាពល្បីល្បាញក្នុងការសម្តែងរឿងដូចជា Fist of Fury, Enter the Dragon, និង​រឿង Way of the Dragon។ លីស៊ាវឡុង ទទួលមរណភាពនៅអាយុ៣២ឆ្នាំ ដោយ​សារ​ជំងឺ​មហារីកខួលក្បាល។

៥) ​Heath Ledger (1979-2008) ​៖ ជាជនជាតិអូស្រ្តាលី គាត់ជាតារាសម្តែង និងជាអ្នកដឹកនាំ​ការ​សម្តែងតន្រ្តី។ Heath Ledger ធ្លាប់បានសម្តែងក្នុងរឿង The Patriot, Brokeback Mountain និង ​រឿង Joker in the Dark Knight។ គាត់បានស្លាប់នៅអាយុ២៨ឆ្នាំ ដោយ​ការ​ប្រើប្រាស់​ថ្នាំ​លើស​កំណត់​របស់វេជ្ជបញ្ជា។

៦) ​Brittany Murphy (1977-2009) ៖ ជាជនជាតិអាមេរិក នាងជាតារាសម្តែង និងជាតារាចម្រៀង។ Brittany Murphy ធ្លាប់បានសម្តែងក្នុងរឿង Clueless, 8 mile, Sin City ជាដើម។ នាង បាន​ទទួល​មរណភាពនៅអាយុ៣២ឆ្នាំ ដោយសារជំងឺរលាកសួត។

៧) ​Gary Coleman (1968-2010) ៖ ជាជនជាតិអាមេរិក គាត់ជាតារាសម្តែង និងជាតារាកំប្លែង។ Gary Coleman បានបង្កើតកម្មវិធីទូរទស្សន៍មួយដ៏ល្បី ដែលមានឈ្មោះថា Diff’rent Strokes ។ គាត់បានទទួលមរណភាពនៅអាយុ៤២ឆ្នាំ ដោយសារ​ឧប្បត្ទវហេតុ ធ្លាក់ពីលើកាំជណ្តើរ។

៨)​ Paul Walker (1973-2013) ៖ ជាជនជាតិអាមេរិក គាត់ជាតារាសម្តែង នៅក្នុងខ្សែភាពយន្តដ៏ល្បី គឺ​រឿង Fast and Furious ។ Paul Walker បានបាត់បង់ជីវិតដោយសារគ្រោះថ្នាក់ចរាចរណ៍។ បន្ទាប់ពីគាត់ស្លាប់ទៅរឿងដែលគាត់សម្តែង​ចុងក្រោយ គឺរឿង Fast and Furious 7 ត្រូវ​បានចាក់បញ្ចាំងនៅខែមេសា ឆ្នាំ២០១៥។

៩) Phillip  Seymour Hoffman (1967-2014) ៖​ ជាជនជាតិអាមេរិក គាត់ជាតារាសម្តែង ផលិតករ និងជាអ្នកដឹកនាំរឿងផងដែរ។ Phillip Seymour Hoffman ធ្លាប់បាន​សម្តែងក្នុងរឿង Charlie Wilson’s War, Doubt, The Master, និងរឿង The Hunger Game ហើយគាត់ទទួល​បាន​ពានរង្វាន់ជាច្រើន ក្នុងនោះមានពានតារាសម្តែងល្អ​បំផុតទៀតផង។ Phillip Seymour Hoffman បានស្លាប់នៅអាយុ៤៦ឆ្នាំ ដោយសារ​ការប្រើប្រាស់​ថ្នាំញៀន​លើស​កម្រិត​៕​

ប្រែសម្រួល៖ សុខា​ នីកា
ប្រភព៖ newszoom.com

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

សម្រាប់​អ្នក​ដែល​មាន​រាង​ស្គម​សង្វិត ​ចង់​ឡើង​ទម្ងន់​ស្អាត​ជាង​មុន​ ​កុំ​ភ្លេច​វិធី​ទាំង​នេះ

មនុស្សឆ្លាត តែងប្រើវិធីបែបនេះយកឈ្នះអ្នកដទៃ ដោយមិន​ចាច់​ឈ្លោះ​តឹង​សរសៃ​ក!

ពាក្យ​ ១៧​​ឃ្លា​ដែល​​​ «បុគ្គលិក​​​ល្អ​» មិន​គួរ​និយាយ​ទាល់​តែ​សោះ​នៅ​កន្លែង​ធ្វើ​ការ​

​គំនិតអាជីវកម្ម​​ខ្នាតតូច​ទាំង​៧​ប្រភេទ​ ​​​​មិន​ទាមទារ​ដើមទុន​ខ្ពស់​ ​​ដែល​អ្នក​គួរ​សាកល្បង​

អត្ថបទពាណិជ្ជកម្ម​

ការណែនាំកម្មវិធីជជែកកម្សាន្ត Viber 10 ការរចនាថ្មី, លាក់លេខទំនាក់ទំនង និងការហៅទូរស័ព្ទជាក្រុម

វ៉ាយប័រ (Viber) បើកដំណើរការសេវាតភ្ជាប់ទំនាកទំនងសម្រាប់អាជីវកម្មនៅកម្ពុជា

ក្រុម Inter KCP នៅតែរក្សាតំណែងជើងឯក Tiger Street Football Festival 2019 នៃមណ្ឌលខេត្តកំពង់ចាម

Tiger Street Football Festival 2019 នៅមណ្ឌលទី៧បើកការប្រកួតជាផ្លូវការហើយ

អានអត្ថបទតាមខែ

February 2019
M T W T F S S
« Jan    
 123
45678910
11121314151617
18192021222324
25262728