អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > រឿង​រ៉ាវ​ ​៧​យ៉ាង​​អ្នក​នឹង​ជួប​ប្រទះ​នៅ​ពេល​​ប្រកប​មុខ​ជំនួញ​ជា​លក្ខណៈ​គ្រួសារ

រឿង​រ៉ាវ​ ​៧​យ៉ាង​​អ្នក​នឹង​ជួប​ប្រទះ​នៅ​ពេល​​ប្រកប​មុខ​ជំនួញ​ជា​លក្ខណៈ​គ្រួសារ

ប្រ​ភព៖​​ www.shutterstock.com

ជាទូទៅមុខជំនួញនីមួយៗ តែងមានបញ្ហាក៏ដូចជារឿងស្មុគស្មាញដែលត្រូវជួបប្រទះ។ ចំណែកឯមុខជំនួញជាលក្ខណៈគ្រួសារក៏ដូចគ្នាផងដែរ ដោយបញ្ហាអាចនឹងកើតមានឡើង ហើយវាអាចជាបញ្ហាធំ ដែលអ្នកត្រូវតែខ្វាយខ្វល់ផងដែរ។ ខាងក្រោមនេះ គឺជារឿងរ៉ាវដែលអ្នកអាចជួបប្រទះនៅពេលអ្នកមានជំនួញជាលក្ខណៈគ្រួសារ​ នេះ​បើ​យោង​តាម​ការ​ចុះ​ផ្សាយ​ដោយ​គេហទំព័រ www.kpmgfamilybusiness.com៖ 

១) ការប៉ះពាល់ចិត្ត៖ នៅពេលដែលក្រុមគ្រួសារអ្នកមានបញ្ហាអ្វីមួយ ប្រាកដណាស់វានឹងមានផលប៉ះពាល់ ទៅលើការរកស៊ីទាំងនោះ ។ បញ្ហាទាំងនោះអាចជា បញ្ហាលែងលះឬបែកបាក់គ្នា បញ្ហាសុខភាព បញ្ហាលុយកាក់ ដែលបញ្ហាអស់ទាំងនេះគឺបង្ហាញពីការបែកបាក់ និងបញ្ហាក្នុងគ្រួសារ ដែលវាអាចធ្វើឲ្យមុខជំនួញបរាជ័យ។

២) គ្មានរបៀបរៀបរយ៖ ភាពគ្មានរបៀបរៀបរយនេះគឺសំដៅទៅលើច្បាប់ ទម្លាប់ នៃការរកស៊ី។ ជាធម្មតា បើអ្នកចង់ឲ្យមុខជំនួញកាន់តែជោគជ័យ អ្នកគប្បីត្រូវបង្កើតច្បាប់ទម្លាប់ត្រឹមត្រូវ ហើយអនុវត្តវាឲ្យបានម៉ត់ចត់។ ប៉ុន្តែការរកស៊ីលក្ខណៈគ្រួសារនេះ វាហាក់ដូចជាគ្មានច្បាប់អ្វីមួយតឹងរ៉ឹងដែលគ្រប់គ្នាត្រូវគោរពទាល់តែសោះ។

៣) ចក្ខុវិស័យនៅមានកំណត់៖ ដោយសារតែការរកស៊ីនេះគឺគ្មានការរួមបញ្ចូលជាមួយអ្នកដទៃ ហេតុនេះហើយ ទើបធ្វើឲ្យពួកគេខ្វះខាតគំនិតពីខាងក្រៅ ក៏ដូចជាគំនិតចម្រុះផ្សេងៗក្នុងការរកស៊ីផងដែរ។

៤) គ្មានផែនការយុទ្ធសាស្ត្រត្រឹមត្រូវ៖ ពួកគេគ្មានគម្រោងឯកសារ ត្រឹមត្រូវដែលបញ្ជាក់ពីការរកស៊ីរបស់ខ្លួន ក៏ដូចជាគ្មានគម្រោងផែនការសម្រាប់អនាគតផងដែរ។

៥) កង្វះភាពប៉ិនប្រសប់៖ វាកើតឡើងដោយសារតែការជ្រើសរើសសមាជិកគ្រួសារដែលពុំមានជំនាញនឹងអ្វីដែលពួកគេធ្វើ ក៏ដូចជាគ្មានសមត្ថភាពចាត់ចែងការងារផងដែរ។ ហេតុនេះហើយទើបធ្វើឲ្យការរកស៊ីនោះ ប្រឈមមុខនឹងបុគ្គលិកដែលកង្វះភាពប៉ិនប្រសប់។

៦) ឈ្លោះប្រកែកពីគោលដៅ៖ ទោះបីជាគ្រួសារតែមួយមែន ប៉ុន្តែគំនិតនិងទស្សនៈយល់ឃើញចំពោះការរកស៊ីគឺខុសប្លែកគ្នា។ ហេតុនេះហើយ ទើបវាជារឿងចាំបាច់ណាស់ ក្នុងការបង្ហាញអំពីគោលដៅជាក់លាក់មួយ ដើម្បីជៀសវាងការមានជម្លោះក្នុងគ្រួសារ។

៧) កង្វះការយកចិត្តទុកដាក់ពីអ្នកជំនាន់ក្រោយ៖ មុខជំនួញលក្ខណៈគ្រួសារនេះ តែងតែបន្តគ្រប់ជំនាន់ ហើយអ្នកមិនអាចដឹងបានទេថាមុខជំនួញនោះអាចជោគជ័យឬអត់នៅថ្ងៃខាងមុខ ព្រោះ អ្នកគ្រប់គ្រងគឺខុសគ្នា។ កូនៗអាចនឹងមិនសូវយកចិត្តទុកដាក់ខ្លាំង ទៅលើអាជីវកម្មដែលឪពុកម្ដាយ បានបន្សល់ទុកឲ្យ។ ដូចនេះវាគឺជាបញ្ហាស្មុគស្មាញ ក៏ដូចជាសញ្ញានៃភាពមិនចុះសម្រុងគ្នានៃការរកស៊ីផងដែរ៕

ដោយ៖ ព្រំ សុវណ្ណកណ្ណិកា

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​កម្រង​គំនិត​សំខាន់ៗ​របស់​ ឡៅ សឺ (​Lao Tzu)​​​ទស្សនវិទូ​របស់​ចិន​

មេរៀន​សំខាន់ៗ​ដែល​​អ្នក​អាច​រៀន​សូត្រ​ពី​​​​សម្រង់​សម្ដី​ទាំង​៨​​របស់​លោក ​Jack Ma មហាសេដ្ឋី​ចិន​​ ​

គន្លឹះ​សម្ងាត់​ទាំង ៦​ ដែល​ជួយ​អភិវឌ្ឍ​ចិត្ត​គំនិត​របស់​អ្នក​ឲ្យ​ដូច​មហា​សេដ្ឋី

គន្លឹះ​ដ៏​មុត​ស្រួច​ទាំង​៣​ក្នុង​ការ​កែ​ប្រែ​និង​អភិវឌ្ឍ​អ្នក​ឲ្យ​ក្លាយ​ទៅ​ជា​មនុស្ស​ថ្មី​មួយ​ទៀត

អត្ថបទពាណិជ្ជកម្ម​

វីង និង ឌី អេហ្វ អាយ សហការគ្នាផ្ដល់ការទូទាត់ ដោយពុំប្រើប្រាស់ក្រដាស់ប្រាក់ ដល់អតិថិជន និងអ្នកផ្គត់ផ្គង់របស់ខ្លួន

លោក ព្រាប សុវត្ថិ ដឹកដៃកូនប្រុសទំាង២នាក់ធ្វើកក្រើកឆាកតន្រ្តី Tiger Street Football Festival 2019នាវគ្គផ្តាច់ព្រ័ត្រទូទាំងប្រទេស

ក្រុមស្នងការដ្ឋាននគរបាលខេត្តព្រះសីហនុ “A” ឈ្នះជើងឯកនៃ Tiger Street Football Festival 2019 លើកទី៧ ទូទាំងប្រទេសជាលើកដំបូង

អេ អឹម ខេ ត្រូវបានទទួលស្គាល់ជាគ្រឹះស្ថានមីក្រូហិរញ្ញវត្ថុ ដែលជួយឱ្យជីវភាពប្រជាពលរដ្ឋក្រីក្រមានភាពប្រសើរឡើង

អានអត្ថបទតាមខែ

March 2019
M T W T F S S
« Feb    
 123
45678910
11121314151617
18192021222324
25262728293031