អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > ទម្លាប់ល្អទាំង៤ដែលជួយឱ្យអ្នករៀនបានពូកែជាងមុន

ទម្លាប់ល្អទាំង៤ដែលជួយឱ្យអ្នករៀនបានពូកែជាងមុន

ប្រ​ភព៖​​ www.seventeen.com

តើអ្នកដែលឆ្ងល់ដែរឬទេ ថាហេតុអ្វីបានជាអ្នកខ្លះក៏រៀនពូកែម្ល៉េះនៅក្នុងថ្នាក់ ហើយទោះបីជាអ្នកខំប្រឹងយ៉ាងណាក៏មិនអាចពូកែលើសពួកគេបានដែរ។ វាច្បាស់ណាស់ថាពួកគេប្រាកដជាមានទម្លាប់ល្អៗដែលអ្នកសឹងតែមិនដែលកត់សម្គាល់ឃើញ ដែលទម្លាប់ទាំងនោះបានជួយពួកគេឲ្យក្លាយទៅជាអ្វីដែលអ្នកឃើញសព្វថ្ងៃនេះឯង។ ហើយទម្លាប់ទាំងអស់នោះទៀតសោតគឺរួមមានទម្លាប់ខាងក្រោមនេះផងដែរ៖
១) បរិយាកាសសិក្សា៖ អ្នកដែលរៀនពូកែទាំងនោះដឹងច្បាស់ណាស់ថាពួកគេរៀនឆាប់ចូលជាមួយនឹងបរិយាកាសបែបណា ព្រោះថាពេលរៀនម្ដងៗ អ្នកមិនត្រឹមតែប្រើប្រាស់ខួរក្បាលតែមួយមុខនោះទេ គឺអ្នកក៏ត្រូវការអារម្មណ៍ស្រស់ស្រាយផងដែរ ដែលធ្វើឲ្យការសិក្សារបស់អ្នកកាន់តែមានភាពរលូន។ អ្នកមិនបាច់ធ្វើតាមអ្នកដទៃនោះទេ តែអ្វីដែលអ្នកគួរធ្វើនោះគឺធ្វើការសិក្សាពីខ្លួនឯងបន្ថែម ថាអ្នកចូលចិត្តរៀននៅក្នុងបរិយាកាសបែបណាដែរ ហើយតើវាអាចនឹងផ្ដល់សមិទ្ធផលឲ្យអ្នកបានដល់កម្រិតណា។
២) ចេះបែកគំនិត៖ ការខំរៀនគឺល្អហើយ តែបើអ្នករៀនដោយមិនចេះបែកគំនិត មិនចេះពង្រីកអ្វីដែលអ្នករៀននោះទេ អ្នកក៏មិនងាយលូតលាស់ទៅមុខដែរ។ ឧទាហរណ៍ថាបើថ្ងៃនេះអ្នករៀនពីមេរៀនអ្វីមួយ គ្រូបង្រៀនរបស់អ្នកក៏មិនមែនអាចបង្រៀនអ្នកបានអស់ដែរ ដូចនេះអ្នកត្រូវរៀនចេះបែកគំនិតខ្លួនឯង ស្រាវជ្រាវពីចំណេះដឹងផ្សេងៗដែលទាក់ទងមួយនឹងអ្វីដែលអ្នកទើបតែរៀនដែលធ្វើឲ្យអ្នកយល់រឹតតែស៊ីជម្រៅ។
៣) ហ្វឹកហាត់ខួរក្បាល៖ ការគិតតិចពេកក៏មិនល្អ រីឯការគិតច្រើនពេកក៏មិនល្អដូចគ្នា តែអ្វីដែលជាការចាំបាច់នោះគឺការហ្វឹកហាត់ខួរក្បាល។ ដួចជាការរាំឬច្រៀងដែរ ប្រសិនបើអ្នកចង់ក្លាយជាអ្នកពូកែច្រៀងឬរាំគឺអ្នកត្រូវហ្វឹកហាត់ ចំណែកការសិក្សាក៏មិនមានភាពខុសគ្នាប៉ុន្មានដែរ គឺវាត្រូវការការហ្វឹកហាត់ដូចគ្នា ដើម្បីឲ្យអ្នកមានភាពសាំក៏ដូចជាមានភាពរឹងមាំជាងមុន។
៤) អានឲ្យបានច្រើន៖ ហេតុអ្វីបានជាអ្នកមិនជំនួសពេលដែលអ្នកចំណាយពេលធ្វើអ្វីអត់ប្រយោជន៍មកជាការអានសៀវភៅវិញទៅ? អ្នកដែលរៀនពូកែភាគច្រើនមានទម្លាប់ចូលចិត្តអានសៀវភៅ មិនថាជាសៀវភៅប្រលោមលោក ប្រវត្តិសាស្ត្រ ឬចំណេះដឹងនានា។ ការអានជួយបានច្រើនណាស់ ជាពិសេសបើអ្នកអាននៅក្នុងភាសាណាដែលអ្នកកំពុងដែលរៀន ឧទាហរណ៍ថាអ្នករៀនភាសាអង់គ្លេស បើអ្នកអានសៀវភៅសៀវភៅអង់គ្លេសច្រើន នោះចំណេះដឹងផ្នែកភាសារបស់អ្នកក៏មានការកើនឡើងគួរកត់សម្គាល់ផងដែរ៕

ប្រែសម្រួល៖ តូច ម៉ាយ៉ារស្មី
ប្រភព៖ www.lifehack.org

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ខ្សោយ​ផ្នែក​ការ​សម្រេចចិត្ត​ ​អ្នក​គួរ​​អនុវត្ត​គន្លឹះ​ទាំង​៤​នេះ​​ ​ដើម្បី​ពង្រឹង​វា​ឡើង​វិញ​!

ហេតុផល​ ៧ យ៉ាង​ដែល​​និស្សិត​ទទួល​បាន​និទ្ទេស​ “C” ​គឺ​ជា​បុគ្គល​ជោគជ័យ​បំផុត​ក្នុង​​លោក​

បើ​ជិត​ឈាន​​ដល់​វ័យ​ខ្ទង់​៣០​​ហើយ​ នៅ​តែ​គ្មាន​ចំណុច​ទាំង​នេះ​ទៀត​ នោះ​​ជីវិត​នឹង​វេទនា​មិន​ខាន

ត្រូវ​​បង្កើត​ទម្លាប់​ល្អៗ​ទាំង​​៦​យ៉ាង​នេះ​ ​មុន​ឈាន​ដល់​វ័យ​៣០​ ដើម្បី​ធានា​អំពី​ភាព​ជោគជ័យ​​របស់​អ្នក​

អត្ថបទពាណិជ្ជកម្ម​

ស្រាបៀរ ABC Extra Stout, Heineken, Tiger បានប្រគល់រង្វាន់ផ្តាច់ព្រ័ត្រ ជូនគូស្វាមីភរិយាថ្មី ឆ្នាំ ២០១៧-២០១៨

វគ្គបណ្តុះបណ្តាល៖ គន្លឹះក្នុងការធ្វើអាជីវកម្មអចលនទ្រព្យប្រកបដោយភាពជោគជ័យ

អ្វីទៅជា គំនិតធុរកិច្ច (Business Ideas)? ចង់​ដឹង ​នាំគ្នា​ចូលរួម​សិក្ខាសាលាអំពីប្រធាន​នេះ!

AMK ផ្អាកដំណើរការប្រតិបត្ដិការហិរញ្ញវត្ថុ​​​បណ្ដោះ​អាសន្ន ៤ថ្ងៃ

អានអត្ថបទតាមខែ

December 2018
M T W T F S S
« Nov    
 12
3456789
10111213141516
17181920212223
24252627282930
31