អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > ហេតុផល៤យ៉ាងដែលការចូលចិត្តចំណាយពេលនៅម្នាក់ឯង ធ្វើឲ្យអ្នកវៃឆ្លាត និងរឹងមាំជាងអ្នកដទៃ

ហេតុផល៤យ៉ាងដែលការចូលចិត្តចំណាយពេលនៅម្នាក់ឯង ធ្វើឲ្យអ្នកវៃឆ្លាត និងរឹងមាំជាងអ្នកដទៃ

នៅក្នុងសង្គមមួយដែលពោរពេញទៅដោយភាពមមាញឹកនេះ ការប្រាស័យទាក់ទងគ្នាគឺជារឿងមួយដែលមិនអាចខ្វះបាន និងត្រូវបានគេឲ្យតម្លៃយ៉ាងខ្លាំង។ ទោះការយល់ឃើញបែបនេះមានហេតុផលសមរម្យដោយមិនអាចប្រកែកបានក្ដី ក៏ភាពស្ងប់ស្ងាត់ដែលទទួលបានពីការចំណាយពេលនៅម្នាក់ឯង តែងផ្ដល់នូវគុណតម្លៃដ៏សំខាន់ទៅលើផ្នែកជាច្រើននៅក្នុងជីវិតដូចគ្នា។ អ្នកអាចស្វែងយល់ឲ្យសីុជម្រៅបន្ថែមអំពីគុណសម្បត្តិនៃការចំណាយពេលនៅម្នាក់ឯងទាំង៤ខាងក្រោមនេះ ហើយទាញយកប្រយោជន៍ពីវា ដើម្បីផ្ដល់គុណភាពដល់ជីវិតរបស់អ្នកបាន៖

១) ការចំណាយពេលនៅម្នាក់ឯងជួយពង្រឹងនូវទំនុកចិត្តលើខ្លួនឯង និងបណ្ដុះនូវភាពឯករាជ្យ៖ នៅពេលអ្នកនៅម្នាក់ឯង អ្នកនឹងអាចផ្ដោតអារម្មណ៍ដើម្បីដោះស្រាយបញ្ហាបានយ៉ាងមានប្រសិទ្ធភាព។ ដូច្នេះ អ្នកអាចថ្លឹងថ្លែងមើលបានយ៉ាងល្អិតល្អន់ពីគុណសម្បត្តិ និងគុណវិបត្តិរបស់ការសម្រេចចិត្តណាមួយ ហើយការសម្រេចចិត្តរបស់អ្នកនឹងប្រកបទៅដោយសុភវិនិច្ឆ័យជាងមុន ហើយវានឹងផ្ដល់ទំនុកចិត្តដល់អ្នកចំពោះខ្លួន​ឯង។ មិនតែប៉ុណ្ណោះ ការនៅម្នាក់ឯងនឹងបណ្ដុះនូវភាពឯករាជ្យក្នុងខ្លួនអ្នក ដែលអាចឲ្យអ្នកផ្ដោតទៅលើគោលដៅរបស់អ្នក ការដោះស្រាយបញ្ហាជីវិតនានា និង បង្កើតនូវក្ដីស្រឡាញ់ចំពោះខ្លួនឯងទៀតផង។

២) ការចំណាយពេលនៅម្នាក់ឯងនឹងបង្កើននូវប្រសិទ្ធិភាពការងាររបស់អ្នក៖ ផ្ទុយពីការនៅម្នាក់ឯង បើអ្នកចំណាយពេលជាច្រើននៅជាមួយមនុស្សផ្សេងៗ អ្នកនឹងនៅឆ្ងាយពីការប្រឹងប្រែងអនុវត្តសកម្មភាព ដើម្បីសម្រេចគោលដៅរបស់អ្នក។ រីឯការនៅម្នាក់ឯងវិញ វាមិនត្រឹមតែមានគុណប្រយោជន៍សម្រាប់អ្នកក្នុងការផ្ដោតទៅលើការសម្រេចគោលដៅរបស់អ្នកតែម្យ៉ាងនោះទេ តែវាថែមទាំងធ្វើឲ្យអ្នកសម្រេចបាននូវការងារជាច្រើនដែលជំរុញឲ្យអ្នកឆាប់ទៅដល់គោលដៅ នៅពេលអ្នកមិនទទួលការរំខានពីអ្នកដទៃ។

៣) ការចំណាយពេលនៅម្នាក់ឯងជួយបង្កើននូវភាពច្នៃប្រឌិតរបស់អ្នក៖ មនុស្សម្នាក់ៗសុទ្ធតែមានភាពច្នៃប្រឌិតរបស់គេរៀងៗខ្លួន ប៉ុន្ដែនៅពេលពួកយើងស្ថិតនៅក្នុងរង្វង់មួយដែលមានមនុស្សច្រើន ពួកយើងច្រើនតែសម្របទៅតាមគំនិតរបស់អ្នកដទៃ។ ប៉ុន្ដែ នៅពេលអ្នកនៅម្នាក់ឯង អ្នកអាចបំផុសគំនិតច្នៃប្រឌិតរបស់អ្នកចេញមក ហើយនេះក៏ជាឱកាសមួយសម្រាប់អ្នកក្នុងការស្វែងយល់ឲ្យបានកាន់តែសីុជម្រៅពីអ្វីដែលយើងចូលចិត្ត និងអ្វីដែលជាសមត្ថភាពពិតប្រាកដដែលអ្នកមាន។

៤) ការចំណាយពេលនៅម្នាក់ឯងជួយធ្វើឲ្យការគិតរបស់អ្នកច្បាស់លាស់ជាងមុន៖ 
នៅក្នុងសង្គមដែលពួកយើងរស់នៅសព្វថ្ងៃនេះ ព័ត៌មានពីហេតុការណ៍ផ្សេងៗជុំវិញទិសទីតែងផ្ដល់ការរំខានដល់យើងមិនដាច់ និងធ្វើឲ្យយើងរងសម្ពាធ និងមានអារម្មណ៍តានតឹង ដែលជាហេតុប៉ះពាល់ទៅដល់គុណភាពនៃជីវិតរបស់យើង។ ហេតុនេះ ការចាកចេញពីភាពរញ៉េរញ៉ៃទាំងនោះ ហើយងាកមកសម្រាកលំហែខួរក្បាលយ៉ាងស្ងប់ស្ងាត់ នឹងធ្វើឲ្យអារម្មណ៍អ្នកស្រស់ស្រាយជាងមុន និងបន្ថែមសេចក្ដីសុខដល់ជីវិតអ្នក៕

ប្រភព៖ lifehack

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ខ្សោយ​ផ្នែក​ការ​សម្រេចចិត្ត​ ​អ្នក​គួរ​​អនុវត្ត​គន្លឹះ​ទាំង​៤​នេះ​​ ​ដើម្បី​ពង្រឹង​វា​ឡើង​វិញ​!

ត្រូវ​​បង្កើត​ទម្លាប់​ល្អៗ​ទាំង​​៦​យ៉ាង​នេះ​ ​មុន​ឈាន​ដល់​វ័យ​៣០​ ដើម្បី​ធានា​អំពី​ភាព​ជោគជ័យ​​របស់​អ្នក​

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

​ជូគឺលាង​ (Zhuge Liang ​) ៖«​​ជឿជាក់​ជ្រុល​ហួស​ហេតុ​ពេក ​នាំ​ឲ្យ​បរាជ័យ​»​

អត្ថបទពាណិជ្ជកម្ម​

កម្មវិធី Uncaged Night របស់ស្រាបៀរថៃហ្គ័របានបញ្ចប់ដោយជោគជ័យ

មកស្គាល់ និងយល់ដឹងពីអាហារូបករណ៍ល្បីៗរបស់បញ្ញវនទាំង១៥រូបក្នុងសន្និសីទអាហារូបករណ៍លើកទី៧

លើកទី១សម្រាប់កម្ពុជា អំពី “ពិព័រណ៍យន្តហោះ និង បច្ចេកវិទ្យា”

ស្រាបៀរ ABC Extra Stout, Heineken, Tiger បានប្រគល់រង្វាន់ផ្តាច់ព្រ័ត្រ ជូនគូស្វាមីភរិយាថ្មី ឆ្នាំ ២០១៧-២០១៨

អានអត្ថបទតាមខែ

December 2018
M T W T F S S
« Nov    
 12
3456789
10111213141516
17181920212223
24252627282930
31