អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > បើមិត្តរួមការងារអ្នកមិន​ត្រូវរ៉ូវគ្នា តើអ្នកអាចជួយផ្សះផ្សារទំនាក់ទំនងពួកគេដោយរបៀបណា?

បើមិត្តរួមការងារអ្នកមិន​ត្រូវរ៉ូវគ្នា តើអ្នកអាចជួយផ្សះផ្សារទំនាក់ទំនងពួកគេដោយរបៀបណា?

ប្រ​ភព៖​​ pixabay.com

នៅ​កន្លែង​ធ្វើការ​របស់​អ្នក អ្នក​ប្រាកដ​ជា​ធ្លាប់​ជួប​ប្រទះ​នូវ​ស្ថានភាព​មួយ​ដែល​មិត្ត​រួម​ការងារ​របស់​អ្នក​មិន​ត្រូវ​រ៉ូវ​គ្នា ហើយ​ទំនាក់ទំនង​របស់​ពួកគេ​ហាក់​ដូចជា​កំពុង​តែ​ស្ថិត​នៅ​ក្នុង​ភាព​ល្អក់កករ​នឹង​គ្នា។ នៅ​ពេល​ស្ថានការណ៍​បែប​នេះ​កើតឡើង ភាព​មិន​ស៊ីចង្វាក់​គ្នា​នៅ​ក្នុង​ការ​ប្រាស្រ័យ​ទាក់ទង​របស់​ពួកគេ មិន​ត្រឹមតែ​ធ្វើឲ្យ​ប៉ះពាល់​ដល់​ប្រសិទ្ធភាព​ក្នុង​ការ​សម្រេច​កិច្ចការ​ជាមួយ​គ្នា​ប៉ុណ្ណោះ​ទេ តែ​ថែមទាំង​បង្ក​ឲ្យ​បរិយាកាស​ទាំងមូល​អាប់អួ​ទៀត​ផង។ បើ​អ្នក​ឃើញ​មិត្ត​រួម​ការងារ​អ្នក​ដូច្នេះ តើ​អ្នក​គិត​ថា​អ្នក​នឹង​អាច​ចូល​ជួយ​ពួកគេ​ក្នុង​ការ​ដោះស្រាយ​បញ្ហា​នេះ​ដោយ​របៀប​ណា ? ខាងក្រោម​នេះ​អាច​ផ្ដល់​ជា​គំនិត​ខ្លះៗ​សម្រាប់​ឲ្យ​អ្នក​យក​ទៅ​ពិចារណា​នៅ​ក្នុង​ករណី​ដែល​កំពុង​តែ​ជួប​ឬ​អាច​នឹង​ជួប​ស្ថានការណ៍​បែប​នេះ​នៅ​ថ្ងៃ​ក្រោយ​ណាមួយ។

១) ប្រមូល​ព័ត៌មាន​ពី​ភាគី​ទាំង​សងខាង​ឲ្យ​បាន​ច្បាស់លាស់៖ ជា​ដំបូង​អ្នក​ត្រូវ​ប្រាកដ​សិន​ថា អ្នក​ខ្លួនឯង​បាន​លាង​ជម្រះ​ការ​គិត​របស់​ខ្លួនឯង​ដែល​គ្រាន់តែ​បាន​ស្មាន​ទុក​ពី​មុន​មក​ឲ្យ​ស្អាត​ជា​មុន​សិន ដូចនេះ​អ្នក​នឹង​អាច​ថ្លឹងថ្លែង​រក​អ្វី​ខុស​និង​អ្វី​ត្រូវ និង​មិន​លម្អៀង​ទៅ​ខាង​នរណា​ម្នាក់​ជាង​នោះ​ឡើយ។ ប៉ុន្តែ បើ​អ្នក​សម្រេច​ថា​ចង់​ចូល​ជួយ​ផ្សារ​ភ្ជាប់​ទំនាក់ទំនង​រវាង​មិត្ត​រួម​ការងារ​របស់​អ្នក​ឲ្យ​ល្អ​វិញ នោះ​អ្នក​មិន​ត្រូវ​វែកញែក​រក​អ្នក​ខុស​និង​អ្នក​ត្រូវ ហើយ​កាត់​ក្ដី​ថា​អ្នក​នេះ​ចាញ់​និង​អ្នក​នោះ​ឈ្នះ​នោះ​ទេ។ គឺ​អ្នក​គួរតែ​ចូល​មក​ធ្វើ​ជា​អ្នក​ដែល​អាច​លាង​ជម្រះ​នូវ​ការ​យល់​ច្រឡំ​ដែល​អាច​ជា​ដើម​ហេតុ​បង្ក​ឲ្យ​មាន​ទំនាស់​រវាង​ពួកគេ​កើតឡើង និង​បណ្ដុះ​នូវ​ការ​ស្វែងយល់​ពី​គ្នា​ទៅវិញ​ទៅមក ដើម្បី​ស្វែងរក​នូវ​ចំណុច​រួម​មួយ​ដែល​អាច​ចាប់​ដៃ​គ្នា​បន្ត​ដំណើរ​នៅ​ក្នុង​ការ​សម្រេច​គោលដៅ​រួម​ជាមួយ​គ្នា​បន្ត​ទៀត​បាន។

២) ស្វែងរក​ដំណោះស្រាយ៖ នៅ​ពេល​អ្នក​ទទួល​បាន​ព័ត៌មាន​លម្អិត​ច្បាស់លាស់​ពី​ភាគី​ទាំង​សង​ខាង ពាក់ព័ន្ធ​នឹង​ទស្សន​របស់​ពួកគេ​ដែល​នាំ​ឲ្យ​មាន​ភាព​ល្អក់កករ​នឹង​មិត្ត​រួម​ការងារ​ម្ខាង​ទៀត​រួច​ហើយ អ្នក​អាច​ស្វែងរក​ដំណោះស្រាយ​សម្រាប់​ពួកគេ​ដោយ​យក​បញ្ហា​នេះ​មក​ជជែក​ជាមួយ​គ្នា លើក​ទឹកចិត្ត​ឲ្យ​ពួកគេ​និយាយ​ពាក្យ​ចេញ​ពី​ចិត្ត​រៀង​ៗ​ខ្លួន ដើម្បី​ឲ្យ​ដឹង​ថា​តើ​អ្វី​ទៅ​គឺជា​បញ្ហា​យ៉ាង​ពិត​ប្រាកដ និង​ថា​តើ​គ្រប់​គ្នា​អាច​ធ្វើ​អ្វី​បាន​ខ្លះ​ដើម្បី​ឲ្យ​មិត្ត​រួម​ការងារ​របស់​អ្នក​ទាំង​សង​ខាង​អាច​ត្រូវ​រ៉ូវ​គ្នា និង​ស្វែងយល់​ពី​គ្នា​ទៅវិញ​ទៅ​មក​បាន​វិញ។

អ្នក​ត្រូវ​ចាំ​ថា អ្នក​មិន​គួរ​ព្យាយាម​វែកញែក​រក​អ្នក​ខុស​និង​អ្នក​ត្រូវ​នោះ​ទេ ផ្ទុយទៅវិញ​មនុស្ស​គ្រប់​គ្នា​គួរតែ​ព្យាយាម​ស្វែងយល់​ពី​គ្នា​ទៅវិញ​ទៅមក ព្យាយាម​ស្វែងយល់​ពី​ភាព​ខុស​គ្នា​នៅ​ក្នុង​ទស្សន​យល់​ឃើញ​របស់​ភាគី​ម្នាក់​ទៀត។ បើ​មិន​ដូច្នោះ​ទេ អ្នក​អាច​នឹង​ក្លាយ​ជា​អ្នក​ដែល​ចាក់​ប្រេង​នៅ​លើ​សាំង​ដែល​កំពុង​តែ​ឆេះ​ស្រាប់​នេះ​ឲ្យ​ឆេះ​កាន់តែ​ខ្លាំង​ឡើង​មិន​ខាន​នោះ​ទេ។ ភាគី​ដែល​អ្នក​កាត់​ក្ដី​ឲ្យ​ឈ្នះ នឹង​កាន់តែ​មាន​អំនួត​ក្អេងក្អាង ឯ​ភាគី​ដែល​ចាញ់​នឹង​ចាកចេញ​ដោយ​បន្សល់​ទុក​នូវ​សេចក្ដី​រអៀស​ខ្លួន មិន​អស់​ចិត្ត ដែល​ធ្វើឲ្យ​ទំនាក់ទំនង​កាន់តែ​អាក្រក់​ទៅៗ និង​ឃ្លាត​គ្នា​កាន់តែ​ឆ្ងាយ​ទៅៗ បើ​ទោះ​ជា​ពួកគេ​អាច​នឹង​ត្រូវ​រ៉ូវ​គ្នា​នៅ​សម្បក​ក្រៅ​ក៏​ដោយ៕

ដោយ៖ ស្រីពៅ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

ចង់​ស្គាល់​ចរិត​ មនុស្ស​លាក់​ពុត​ទេ? ភាគ​ច្រើន​ពួក​គេ​តែង​សម្តែង​បែប​នេះ​នៅ​មុខ​អ្នក

នីតិវិធី​គយ​ក្នុងការ​នាំចូល​ទំនិញ​តាមផ្លូវ​គោក ​លោក​អ្នក​គួរ​ស្វែង​យល់​បើ​ចង់​រក​ស៊ី​នាំ​​ចូល​ទំនិញ!

គន្លឹះ៤​​យ៉ាង​ ​ដើម្បី​​រៀប​ចំ​​ផែនការ​ដែលជួយ​ឲ្យ​អ្នក​រៀន​ឆាប់​ចេះ​និង​ពូកែ​ជាង​មុន

តើត្រូវធ្វើដូចម្តេចខ្លះដើម្បីទទួលបានលិខិតអនុញ្ញាតប្រកបអាជីវកម្ម-សេវាកម្ម សម្រាប់អាជីវកម្មថ្មី?

អត្ថបទពាណិជ្ជកម្ម​

ព្រឹត្តិការណ៍តាំងពិព័រណ៍អចលនទ្រព្យដ៏ធំសម្បើមរបស់កម្ពុជានឹងវិលមកវិញជាថ្មីនៅខែក្រោយ

អ្នក​បន្ទាយ​មានជ័យ​ជួបគ្នា​នៅ «សិក្ខាសាលាអាជីវកម្ម ខ្នាតតូច និង មធ្យម» នៅ​ថ្ងៃ​ទី២៩ កញ្ញា

អេ អឹម ខេ លើកកម្ពស់ស្រ្តី៖ ជាង​ ៨០% នៃ​អ្នក​កម្ចី​សរុបគឺ​ជា​ស្ត្រី

កម្មវិធី​សន្និសីទ​​ក្រោម​ប្រធាន​បទ “ត្រៀម​សម្រាប់​ដំណើរ​ផ្លូវ​ដ៏វែង​ឆ្ងាយ”

អានអត្ថបទតាមខែ

September 2018
M T W T F S S
« Aug    
 12
3456789
10111213141516
17181920212223
24252627282930