អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > វិធីសាស្រ្តមួយនេះអាចប្រែក្លាយមនុស្សដែលស្អប់អ្នក(Haters)ឲ្យស្រលាញ់ចូលចិត្តអ្នកបានយ៉ាងមានប្រសិទ្ធភាព

វិធីសាស្រ្តមួយនេះអាចប្រែក្លាយមនុស្សដែលស្អប់អ្នក(Haters)ឲ្យស្រលាញ់ចូលចិត្តអ្នកបានយ៉ាងមានប្រសិទ្ធភាព

រូបតំណាង

មនុស្សដែលស្អប់អ្នក (Haters) គឺជាផ្នែកមួយនៃជីវិតរបស់អ្នក។ មនុស្សដែលស្អប់អ្នកអាចជាមិត្តភក្តិរបស់អ្នក សមាជិកគ្រួសារ ក្រុមការងារ ឬមិត្តរួមថ្នាក់របស់អ្នកជាដើម។ អ្នកដឹងហើយថាមនុស្សម្នាក់ៗតែងតែមានអ្នកស្រលាញ់ អ្នកស្អប់ជារឿងធម្មតាដោយជៀសមិនផុតឡើយ។ តែអ្នកប្រាកដជាមិនចង់បង្កើតសត្រូវជាមួយមនុស្សណាម្នាក់ឡើយ។ ខាងក្រោមនេះគឺជាវិធីសាស្រ្តមួយដែលអាចជួយអ្នកផ្លាស់ប្តូរមនុស្សដែលធ្លាប់តែស្អប់អ្នកឲ្យមកស្រលាញ់ចូលចិត្តអ្នក៖

វិធីសាស្រ្តដ៏ងាយស្រួល និងមានប្រសិទ្ធភាពបំផុតដើម្បីប្រែក្លាយមនុស្សដែលស្អប់អ្នក (haters) ឲ្យទៅជាមនុស្សដែលស្រលាញ់ចូលចិត្តអ្នក គឺការស្នើសុំ។ វិធីនេះគឺវិធីសាស្រ្តចិត្តសាស្រ្តដែលទទួលបានពីការសិក្សាស្រាវជ្រាវ ដែលគេឲ្យឈ្នោះថា Ben Franklin Effect។ នៅពេលអ្នកស្នើសុំនរណាម្នាក់ដែលមិនចូលចិត្តអ្នកឲ្យជួយអ្នក វាជាការផ្លាស់ប្ដូរការគិតរបស់ពួកគេនិងធ្វើឲ្យពួកគេចាត់ទុកអ្នកជាមិត្តភក្តិជាជាងសត្រូវ។

សៀវភៅដែលមានចំណងជើងថា How to Win Friends and Influence People របស់លោក Dale Carnegie ក៏បានណែនាំពីវិធីសាស្រ្តការស្នើសុំនេះដែរ ដើម្បីធ្វើឲ្យមនុស្សដែលស្អប់អ្នកមានអារម្មណ៍ថាអ្នកមិនដូចជាអ្វីដែលគេធ្លាប់គិតឡើយ។ វាធ្វើឲ្យមនុស្សដែលស្អប់អ្នកមានអារម្មណ៍ថាអ្នកជាមនុស្សគួរឲ្យគោរព និងសរសើរផងដែរ ដោយពួកគេមិនត្រឹមតែចង់ជួយអ្នកនោះទេ តែថែមទាំងមើលអ្នកក្នុងផ្លូវវិជ្ជមានផងដែរ។

ក្នុងការស្នើសុំឲ្យមនុស្សដែលស្អប់អ្នកមកជួយអ្នក អ្នកត្រូវចេះដាក់ខ្លួនហើយមានការគិតពិចារណាបន្តិច។ អ្វីដែលអ្នកស្នើសុំគឺជាកិច្ចការដែលតូចល្មម ដូចជាការសុំខ្ចីប៊ិក ឬក៏សុំឲ្យគេជួយប្រាប់ពីកម្មវិធីលើទូរស័ព្ទ ដោះស្រាយបញ្ហាកុំព្យូទ័ររបស់អ្នក ឬឲ្យគេជួយណែនាំពីភោជនីយដ្ឋានឆ្ងាញ់ៗ ជាដើម។ អ្នកត្រូវចាំថា​ពេលអ្នកស្នើសុំជំនួយ អ្នកត្រូវធ្វើដូចជារឿងធម្មតា ធ្វើដូចជាអ្នកពិតជាត្រូវការជំនួយពិតប្រាកដមែន ដោយអ្នកត្រូវដាក់ខ្លួនបន្តិច និងសម្ដែងកាយវិការរួសរាយរាក់ទាក់។ អ្នកក៏ត្រូវបង្ហាញពីការពេញចិត្ត និងដឹងគុណទៅដល់ពួកគេផងដែរ។

វិធីសាស្រ្តមួយនេះអ្នកក៏អាចយកទៅប្រើប្រាស់សម្រាប់មនុស្សដែលអ្នកមិនសូវស្គាល់ ដូចជាមិត្តរួមការងារ មនុស្សថ្មីៗ ឬសូម្បីតែមនុស្សដែលអ្នកលួចស្រលាញ់ (Crush)របស់អ្នក ផងក៏បានដែរ៕

ដោយ៖ លង់ វណ្ណៈ
ប្រភព៖ lifehack.com

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​មូលហេតុ​៥​យ៉ាង​ ដែល​បុគ្គលិក​ទ្រាំ​​លែង​បាន​​ ហើយ​សម្រេច​​​លាឈប់​ពី​ក្រុមហ៊ុន​​

មនុស្ស​៥​ប្រភេទ​នេះ​​ ​អ្នក​​មិន​គួរ​រកស៊ី​ជាមួយ​​ឡើយ​​ ​ក្រែង​រលាយ​ក្រុមហ៊ុន​ថ្ងៃ​ក្រោយ​

សញ្ញា ​៦​យ៉ាង​ ​ដែល​បញ្ជាក់​ថា ​​បុរស​ម្នាក់​នោះ​នឹង​មិន​អាច​ឈប់​ស្រលាញ់​អ្នក​ជា​ដាច់​ខាត

សៀវភៅ​ ​៦​ក្បាល​​នេះ​​​អាច​ផ្លាស់​ប្ដូរ​គំនិត​របស់​​អ្នក​​​ ដើម្បី​​ឱ្យ​​អាជីវកម្ម​​ទៅ​មុខ​ជា​​និច្ច​

អត្ថបទពាណិជ្ជកម្ម​

ការផ្ដល់ជូនតម្លៃពិសេស ពីក្រុមហ៊ុនលក់គ្រឿងអេឡិចត្រូនិច LG

សិក្ខាសាលាស្តីអំពី៖ HABIT Principle

រកឃើញជើងខ្លាំង២៤ក្រុមប្រជែងកៅអី៤នៅប្រចាំមណ្ឌលខេត្តកំពង់ស្ពឺដើម្បីឡើងវគ្គផ្តាច់ព្រ័ត្រ Tiger Street Football Festival 2019 រាជធានីភ្នំពេញ

ពិព័រណ៍កុមារនិងគ្រួសារ២០១៩ ចាប់ផ្ដើមបើកប្រកាសអោយដំណើរការថ្ងៃសៅរ៍អាទិត្យនាចុងសប្ដាហ៍នេះហើយ!!!

អានអត្ថបទតាមខែ

January 2019
M T W T F S S
« Dec    
 123456
78910111213
14151617181920
21222324252627
28293031