អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > រឿង៧ យ៉ាងដែលអ្នកគួរធ្វើនាពេលព្រឹកដើម្បីបម្លែងថ្ងៃសាមញ្ញរបស់អ្នកឲ្យទៅជាថ្ងៃដ៏ស្រស់បំព្រង

រឿង៧ យ៉ាងដែលអ្នកគួរធ្វើនាពេលព្រឹកដើម្បីបម្លែងថ្ងៃសាមញ្ញរបស់អ្នកឲ្យទៅជាថ្ងៃដ៏ស្រស់បំព្រង

រូបតំណាង

ពេលព្រឹក គឺជាវេលាដ៏សំខាន់មួយសម្រាប់មនុស្សគ្រប់គ្នា ព្រោះជាទូទៅ បើមានបញ្ហាអ្វីមួយកើតឡើង នោះ វានឹងមានឥទ្ធិពលមិនល្អសឹងតែមួយថ្ងៃពេញ​ក៏មាន។ តើអ្នកចង់មានថ្ងៃដែលស្រស់បំព្រងដែរឬទេ? ថ្ងៃដ៏ស្រស់បំព្រង គឺចាប់ផ្ដើមពីសកម្មភាពពេលព្រឹករបស់អ្នក។ ដូវនេះ BizKhmer សូមលើកយកគន្លឹះ ៧ យ៉ាងដែលអ្នកគួរធ្វើពេលព្រឹកដើម្បីបម្លែងថ្ងៃសាមញ្ញរបស់អ្នកឲ្យទៅជាថ្ងៃដ៏ស្រស់បំព្រង ដែលចុះផ្សាយដោយគេហទំព័រ Forbes មកចែកជូនមិត្តអ្នកអាន៖

សូមអាន៖ «អាថ៌កំបាំង​ពេលព្រឹក ​​៨​ចំណុច» របស់​បុគ្គល​ជោគជ័យ!​

១) កុំលេងទូរស័ព្ទ៖ មនុស្សភាគច្រើនគឺស្រវារកទូរស័ព្ទមុនគេពេលងើបពីគេង។ ការប្រើប្រាស់ទូរស័ព្ទពេលងើបពីគេគឺមានផលប៉ះពាល់ពីរធំៗ៖ ផលប៉ះពាល់ទីមួយគឺផលប៉ះពាល់ដែលរបស់ពន្លឺពណ៍ខៀវដែលចេញពីទូរស័ព្ទរបស់អ្នក។ ពន្លឺពណ៍ខៀវដែលចេញពីទូរស័ព្ទធ្វើឲ្យខ្លួនប្រាណរបស់អ្នកច្រឡំទៅនិងទម្លាប់គេងរបស់អ្នក ដែលធ្វើឲ្យរំខានដល់ដំណេករបស់អ្នក។ ទីពីរគឺធ្វើឲ្យប៉ះពាល់ដល់ផ្លូវអារម្មណ៍របស់អ្នក នៅពេលអ្នកឃើញសារឬអ៊ីម៉ែលដែលនាំរឿងមិនល្អដល់អ្នក។ ទំនួសខុសត្រូវលើថ្ងៃដ៏ស្រស់បំព្រងរបស់អ្នកគឺជៀសវាងការប្រើប្រាស់ទូរស័ព្ទ។

២) ហាត់ប្រាណ៖ ការហាត់ប្រាណជាប្រចាំថ្ងៃជួយបញ្ចេញអ័រម៉ូនដែលធ្វើឲ្យអារម្មណ៍ល្អដែលវាមានអត្ថប្រយោជន៍ជាច្រើនដល់សុខភាពផ្លូវអារម្មណ៍របស់អ្នក និងបង្កើនថាមពលពេញមួយថ្ងៃ។ ការពត់ពែនខ្លួនប្រាណជួយកាត់បន្ថយស្រ្តេស្តផងដែរ។ ដូចនេះកុំភ្លេចចំណាយពេលបន្តិចដើម្បីហាត់ប្រាណ ឬពត់ពែនខ្លួន។

៣) ងូតទឹកត្រជាក់៖ ការងូតទឹកត្រជាក់ជួយឲ្យឈាមរបស់អ្នករត់ល្អ និងបំបាត់ការឈឺចាប់សាច់ដុំ។ ការងូតទឹកត្រជាក់ជួយផ្នែករាងកាយផងដែរ ដូចជាធ្វើឲ្យអ្នកមានភាពស្វាហាប់ កាត់បន្ថយស្រ្តេស្ត និងជួយកាត់បន្ថយភាពតប់ប្រមល់ជាដើម។

៤) ការដេកផ្ទាល់ដី៖ ការប៉ះផ្ទាល់និងដី ឬស្មៅ គឺធ្វើឲ្យខួរក្បាលនិងប្រព័ន្ធប្រសាទខួរក្បាលទទួលបានភាពស្រស់ថ្លា និងអារម្មណ័ស្រស់បំព្រង។ ដើម្បីទទួលបានអត្ថប្រយោជន៍នេះអ្នកត្រូវចំណាយពេលពី ២ ទៅ ៥នាទីជារៀងរាល់ព្រឹកដោយដាក់ខ្លួនអ្នកទៅផ្ទាល់និងដីហើយដាក់អារម្មណ៍របស់អ្នកទៅនិងធម្មជាតិ។ វាជារឿងចម្លែក តែអ្នកគួរតែសាកល្បង។ សាកល្បង​ទៅ​​ធ្វើ​បែប​នេះ​នៅ​តាម​សួន​សាធារណៈ​។

៥) ធ្វើរឿងសំខាន់៖ អ្នកត្រូវធ្វើរឿងសំខាន់ដែលអ្នកគិតថាវានឹងជួយអ្នកឲ្យឆាប់សម្រេចដល់គោលដៅរបស់អ្នក។ បើអ្នកគិតថាវាជារឿងសំខាន់អ្នកត្រូវតែធ្វើវាជាមុនដោយចំណង់ដ៏ពុះកញ្ជ្រោល និងការតាំងចិត្តដ៏មុតមាំរបស់អ្នក។ អ្នកត្រូវតែសម្រចរឿងដ៏ធំនោះឲ្យហើយក្នុងរយៈពេលប៉ុន្មានម៉ោងពេលដែលថាមពលនិងចំណង់របស់អ្នកកំពុងពុះកញ្ជ្រោលនាពេលព្រឹកព្រលឹម។ ដូចនេះ ធ្វើរឿងសំខាន់មួយដែលអ្នកគិតថាវាជួយអ្នកឆាប់ទៅដល់គោលដៅឲ្យហើយ។

៦) រៀបចំគម្រោង៖ តើអ្នកមានផែនការសកម្មភាពសម្រាប់រយះពេលមួយថ្ងៃ មួយសប្ដាហ៍ មួយខែ ឬមួយឆ្នាំហើយឬនៅ? ប្រសិនបើអ្នកមិនទាន់មានគម្រោងច្បាស់លាស់ទេ អ្នកមិនអាចទៅដល់កន្លែងដែលអ្នកចង់ទៅទេ។ ដូចនេះអ្នកត្រូវតែរៀបចំគម្រោងប្រចាំឆ្នាំ ហើយពុះបំបែកវាទៅជាប្រចាំឆមាស ប្រចាំខែ ប្រចាំសប្តាហ៍ និងប្រចាំថ្ងៃ។ នៅពេលអ្នកមានគម្រោងច្បាស់លាស់ អ្នកមានអារម្មណ៍មុតមាំថាអ្នកនឹងសម្រេចវាបាន។

៧) គំនិតវិជ្ជមាន៖ អ្នកគួរតែគិត ឬធ្វើរឿងអ្វីមួយជារៀងរាល់ព្រឹកដែលជួយឲ្យអ្នកមានអារម្មណ៍រីករាយស្រស់ថ្លាពេញមួយថ្ងៃ។ គំនិតវិជ្ជមានរបស់អ្នកប្រហែលជាអ្វីដែលមានសារៈសំខាន់ក្នុងទម្លាប់ប្រចាំថ្ងៃរបស់អ្នក។ អ្នកគួរតែគិតពីរឿងល្អៗដែលធ្វើឲ្យអ្នកមានអារម្មណ៍ពុះកញ្ជ្រោលសម្រាប់ថ្ងៃថ្មី៕

សូមអាន៖ ទម្លាប់ពេលព្រឹកដ៏មានថាមពលដែលអ្នកអាចលួចពីបុគ្គលជោគជ័យគ្រប់ៗរូប

ដោយ៖ លង់ វណ្ណៈ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ខ្សោយ​ផ្នែក​ការ​សម្រេចចិត្ត​ ​អ្នក​គួរ​​អនុវត្ត​គន្លឹះ​ទាំង​៤​នេះ​​ ​ដើម្បី​ពង្រឹង​វា​ឡើង​វិញ​!

បើ​ជិត​ឈាន​​ដល់​វ័យ​ខ្ទង់​៣០​​ហើយ​ នៅ​តែ​គ្មាន​ចំណុច​ទាំង​នេះ​ទៀត​ នោះ​​ជីវិត​នឹង​វេទនា​មិន​ខាន

ត្រូវ​​បង្កើត​ទម្លាប់​ល្អៗ​ទាំង​​៦​យ៉ាង​នេះ​ ​មុន​ឈាន​ដល់​វ័យ​៣០​ ដើម្បី​ធានា​អំពី​ភាព​ជោគជ័យ​​របស់​អ្នក​

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

អត្ថបទពាណិជ្ជកម្ម​

ស្រាបៀរ ABC Extra Stout, Heineken, Tiger បានប្រគល់រង្វាន់ផ្តាច់ព្រ័ត្រ ជូនគូស្វាមីភរិយាថ្មី ឆ្នាំ ២០១៧-២០១៨

វគ្គបណ្តុះបណ្តាល៖ គន្លឹះក្នុងការធ្វើអាជីវកម្មអចលនទ្រព្យប្រកបដោយភាពជោគជ័យ

អ្វីទៅជា គំនិតធុរកិច្ច (Business Ideas)? ចង់​ដឹង ​នាំគ្នា​ចូលរួម​សិក្ខាសាលាអំពីប្រធាន​នេះ!

AMK ផ្អាកដំណើរការប្រតិបត្ដិការហិរញ្ញវត្ថុ​​​បណ្ដោះ​អាសន្ន ៤ថ្ងៃ

អានអត្ថបទតាមខែ

December 2018
M T W T F S S
« Nov    
 12
3456789
10111213141516
17181920212223
24252627282930
31