អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > តើនវានុវត្តន៍សង្គម (Social Innovation) គឺជាអ្វី?

តើនវានុវត្តន៍សង្គម (Social Innovation) គឺជាអ្វី?

SEASIN Impact Connect Studios ដែល​រៀបចំ​នៅ​សាកលវិទ្យាល័យជាតិគ្រប់គ្រងកាលពីពេល​ថ្មីៗ

ពាក្យថា​ “នវានុវត្តន៍” ឬ​ Innovationជា​ភាសា​អង់គ្លេស ​ជាទូទៅ​សំដៅ​ដល់​ការ​ច្នៃ​ប្រឌិត​ឬ​ការ​បង្កើតគំនិត​ថ្មីៗ ដែល​ភាគ​ច្រើន​ពាក់ព័ន្ធ​ទៅ​នឹង​បច្ចេកវិទ្យា វិទ្យាសាស្ត្រ ឬ​ ព័ត៌មានវិទ្យាជាដើម ។ ដោយ​ឡែក បើ​ក្នុង​បរិបទ​នៃ​​អាជីវកម្មវិញ មិន​មែន​សំដៅ​សុទ្ធ​តែ​ការ​ផ្សារភ្ជាប់​ទោ​នឹង​បច្ចេកវិទ្យា​នោះ​ទេ ប៉ុន្តែ​ការ​រក​ឃើញ​នូវ​របៀប​គ្រប់គ្រង ប្រព័ន្ធគ្រប់គ្រង​ ឬ​អ្វី​ដែល​ថ្មី​ដោយ​មិន​ចាំ​បាច់​ផ្សារភ្ជាប់​ទៅ​នឹង​បច្ចេកវិទ្យា​ក៏​អាច​និយាយ​បាន​ថា​ជា​ នវានុវត្តន៍ដែរ។  ជា​មួយ​គ្នា​​មនេះ​ដែរ ​បើ​គេ​ភ្ជាប់​ពាក្យ​នេះ​ទៅ​នឹង​ពាក្យ “សង្គម” ( Social Innovation ) នោះ​អត្ថន័យ​របស់​វា​នឹង​មិន​ផ្ដោត​សំខាន់​លើ​ប្រព័ន្ធ​បច្ចេកវិទ្យា​ប៉ុន្មាន​ទេ។

តាម​រយៈ​វគ្គបណ្ដុះ​មួយមានឈ្មោះថា SEASIN Impact Connect Studios  ដែលជាគម្រោងមួយផ្ដល់ជំនួយដោយសហគមន៍អឺរ៉ុប ​រៀប​ចំ​ឡើង​នៅ​សាកលវិទ្យាល័យ​ជាតិ​គ្រប់គ្រង​ បានកំណត់និយមន័យ “នវានុវត្តន៍សង្គម” ឬ “Social Innovation” ថាជាដំណោះស្រាយថ្មីមួយ ក្នុងទម្រង់ជាសេវាកម្ម ជាទីផ្សារ ឬជាសហគ្រិន​សង្គម ដែលអាចចូលរួមដោះស្រាយបញ្ហាដែលកំពុងកើតមានក្នុងសង្គមប្រកបដោយប្រសិទ្ធភាពដោយប្រើមធ្យោបាយថ្មីៗ។ គោលដៅសំខាន់របស់ “នវានុវត្តន៍សង្គម” គឺបង្កើតអ្នកដឹកនាំ​ដែល​នាំ ឱ្យ​មាន​ការផ្លាស់ប្ដូរ ( Changemakers )។

បើគេចង់បង្កើតក្រុម ដើម្បីធ្វើការងារផ្នែកនវានុវត្តន៍សង្គម គេចាំបាច់ត្រូវគិតដល់ដំណាក់​សំខាន់ៗចំនួន ៧ គឺ៖ ១.គិតអំពីបញ្ហាដែលកំពុងកើតមាន ផ្សារភ្ជាប់នឹងឱកាស ២.បង្កើត និង​ ប្រមូលគំនិតដើម្បីដោះស្រាយបញ្ហា ៣.អភិវឌ្ឍ និង សាកល្បងគំនិតទាំងនោះ ៤.ចាប់ផ្ដើម​បង្កើត​ក្រុម (ប្រមូលនិងដឹកនាំមនុស្ស) ៥.ចែកចាយគំនិត និង ធ្វើប្រតិបត្តិការ ៦.ពង្រីក និង កំណត់សកម្មភាព ( Crowing & Scaling ) និង ៧.ផ្លាស់ប្ដូរប្រព័ន្ធ។

គួររំលឹកផងដែរថា គម្រោងនវានុវត្តន៍សង្គម កំពុងត្រូវបានអនុវត្តនៅ សហរដ្ឋអាមេរិច និងទ្វីបអឺរ៉ុប ដោយយុវជនវ័យក្មេងៗជាពិសេសនិស្សិតសាកលវិទ្យាល័យ ដើម្បីរួមចំណែកដោះស្រាយបញ្ហានានាដែលកំពុងកើតឡើងនៅក្នុងប្រទេសរបស់ពួកគេ។ ចំពោះតំបន់អាស៊ីអាគ្នេយ៍វិញ សហគមន៍អឺរ៉ុបកំពុងផ្ដល់ជំនួយក្នុងការរៀបចំកម្មវិធីមួយឈ្មោះថា​ Impact Connect  ដើម្បីដំណើរការ ស្ទីឌីយោ នវានុវត្តន៍សង្គម ( Social Innovation Studio )ជាមួយសាកលវីទ្យាល័យចំនួន៨ ក្នុងប្រទេសចំនួនបួនគឺ៖ កម្ពុជា ម៉ាឡេស៊ី មីយ៉ាន់ម៉ា និង ប្រទេសថៃ។

ចំណែកឯប្រទេសកម្ពុជាវិញ មានសាកលវិទ្យាល័យចំនួនពីរដែលបានសហការក្នុងគម្រោងនេះ គឺសាកវិទ្យាល័យភូមិន្ទភ្នំពេញ និង សាកលវិទ្យាល័យជាតិគ្រប់គ្រង។ ហើយបន្ទប់នវានុវត្តន៍សង្គម ( Social Innovation Lab ) នៃសាកលវិទ្យាល័យជាតិគ្រប់គ្រង ត្រូវប្រើប្រាស់ជាទីតាំងសម្រាប់វគ្គបណ្តុះបណ្ដាលអំពីនុវត្តន៍សង្គម ដល់និស្សិតកម្ពុជា កាលពីថ្ងៃទី៩និង ទី១០ មេសាកន្លងទៅនេះ៕

ដោយ៖ វាសនា

 

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​កម្រង​គំនិត​សំខាន់ៗ​របស់​ ឡៅ សឺ (​Lao Tzu)​​​ទស្សនវិទូ​របស់​ចិន​

មេរៀន​សំខាន់ៗ​ដែល​​អ្នក​អាច​រៀន​សូត្រ​ពី​​​​សម្រង់​សម្ដី​ទាំង​៨​​របស់​លោក ​Jack Ma មហាសេដ្ឋី​ចិន​​ ​

គន្លឹះ​សម្ងាត់​ទាំង ៦​ ដែល​ជួយ​អភិវឌ្ឍ​ចិត្ត​គំនិត​របស់​អ្នក​ឲ្យ​ដូច​មហា​សេដ្ឋី

គន្លឹះ​ដ៏​មុត​ស្រួច​ទាំង​៣​ក្នុង​ការ​កែ​ប្រែ​និង​អភិវឌ្ឍ​អ្នក​ឲ្យ​ក្លាយ​ទៅ​ជា​មនុស្ស​ថ្មី​មួយ​ទៀត

អត្ថបទពាណិជ្ជកម្ម​

លោក ព្រាប សុវត្ថិ ដឹកដៃកូនប្រុសទំាង២នាក់ធ្វើកក្រើកឆាកតន្រ្តី Tiger Street Football Festival 2019នាវគ្គផ្តាច់ព្រ័ត្រទូទាំងប្រទេស

ក្រុមស្នងការដ្ឋាននគរបាលខេត្តព្រះសីហនុ “A” ឈ្នះជើងឯកនៃ Tiger Street Football Festival 2019 លើកទី៧ ទូទាំងប្រទេសជាលើកដំបូង

អេ អឹម ខេ ត្រូវបានទទួលស្គាល់ជាគ្រឹះស្ថានមីក្រូហិរញ្ញវត្ថុ ដែលជួយឱ្យជីវភាពប្រជាពលរដ្ឋក្រីក្រមានភាពប្រសើរឡើង

ពិព័រណ៍ ឌីជីថលកម្ពុជាឆ្នាំ ២០១៩ បង្ហាញពីទិដ្ឋភាពផ្នែកឌីជីថលនៅអាស៊ីអាគ្នេយ៍ នាថ្ងៃអនាគត

អានអត្ថបទតាមខែ

March 2019
M T W T F S S
« Feb    
 123
45678910
11121314151617
18192021222324
25262728293031