អត្ថបទថ្មីបំផុត
ទំព័រដើម > អចលនទ្រព្យ > ​មុន​ពេល​សម្រេច​ចិត្ត​ទិញ​ផ្ទះ ​ត្រូវ​គិត​ដល់​ចំណុច​ទាំង​ ៨​នេះ​សិន ដើម្បី​កុំ​ឲ្យ​មាន​បញ្ហា​ថ្ងៃ​ក្រោយ​​​

​មុន​ពេល​សម្រេច​ចិត្ត​ទិញ​ផ្ទះ ​ត្រូវ​គិត​ដល់​ចំណុច​ទាំង​ ៨​នេះ​សិន ដើម្បី​កុំ​ឲ្យ​មាន​បញ្ហា​ថ្ងៃ​ក្រោយ​​​

ប្រ​ភព៖​​ www.sitspain.com

វា​អាច​​មាន​ភាព​ស្មុគស្មាញ​ជា​ច្រើន​ក្នុង​ការ​ស្វែង​រក​ផ្ទះ​ថ្មី​​។ ​អ្នក​អាច​​រក​ផ្ទះ​មួយ​សាក​សម​នឹង​គ្រួសារ​មែន ​តែ​តម្លៃ​ក៏​ដូច​ជា​ទីតាំង​ក៏​នៅ​តែ​ជា​បញ្ហា​ផង​ដែរ​ក្នុង​ពេល​បច្ចុប្បន្ន​នេះ​។​ ដើម្បី​បញ្ចៀស​ភាព​លំបាក​នានា​អ្នក​គួរ​អនុវត្ត​​តាម​គន្លឹះ​ខាង​ក្រោម​ដក​ស្រង់​ចេញ​ពី​ money.cnn.com គ្រាន់​ទុក​ជា​គតិ​សម្រាប់​បង​ប្អូន៖

១) រៀបចំ​ថវិកា​៖​ អ្នក​ត្រូវ​កំណត់​ថា​តើ​ផ្ទះ​ណា​ដែល​អ្នក​សាក​សម​នឹង​អ្នក? រៀប​ចំ​ថវិកា​សម្រាប់​ត្រៀម​ជា​រៀង​រាល់​​ខែ ​ព្រោះ​ថា​អ្នក​មិន​អាច​យក​លុយ​ទាំង​ដុល​ទៅ​ទិញ​​វា​បាន​ទេ  ពោលគឺជម្រើសដ៏ល្អ ជា​ការបោះរំលោះ។ ត្រូវ​កំណត់​ថា​ លុយ​ដែល​ត្រូវ​បង់រំលោះ​​រៀង​រាល់​ខែ​គឺ​មិន​អាច​លើស​ពី​៣៦​ភាគរយ​​នៃ​ប្រាក់​ចំណូល​ប្រចាំ​ខែ​របស់​អ្នក​ទេ។

២) រៀប​ចំ​ប្រាក់​សុទ្ធ​៖ អ្នក​ត្រូវ​ការ​យក​ទឹក​ប្រាក់​សុទ្ធ​ដើម្បី​​បន្ថយ​ចំនួន​​បំណុល​របស់​អ្នក។ អ្នក​ខ្ចី​ប្រាក់​ភាគ​ច្រើន​ចង់​បាន​​ Down Payment​ព្រោះ​ថា ​ប្រសិន​បើ​អ្នក​អាច​បន្ថយ​ចំនួន​បំណុល​នោះ​អ្នក​អាច​​នឹង​​​យល់​ស្រប​អោយ​ខ្ចី​ប្រាក់​ធំ​ៗ​ជា​បន្ត​​បន្ទាប់​ទៀត។

៣) ស្វែង​រក​ភ្នាក់ងារ៖ អ្នក​លក់​ផ្ទះ​ភាគ​ច្រើន​បង្ហាញ​ផ្ទះ​របស់​ពួក​គេ​តាម​ភ្នាក់ងារ​លក់​ទាំង​នោះ។​​ តែ​ក្នុង​នាម​ជា​អ្នក​ទិញ​ផ្ទះ​អ្នក​ត្រូវ​ជួល​ភ្នាក់ងារ​ម្នាក់​​ដែល​មាន​មុខងារ​សម្រាប់​ដើរ​ទិញ​ផ្ទះ។ ហើយ​អ្នក​អាច​ផ្ដល់​ជា​ថវិកា​មួយ​ចំនួន​ទៅ​តាម​ម៉ោង​​ដែល​អ្នក​បាន​ចរចា​​​​​​​​​​​គ្នា​។

៤) ស្វែង​រក​ផ្ទះ​ដែល​អ្នក​ពេញ​ចិត្ត៖ ពេល​នេះ​ដល់​ពេល​ដែល​អ្នក​ត្រូវ​ជ្រើស​រើស​ផ្ទះ​មួយ​ណា​ដែល​មាន​​ទីតាំង​ល្អ​ ហើយ​មាន​ភាព​ងាយ​ស្រួល​សម្រាប់​ប្រកប​របរ​នាៗ។

៥) ពិភាក្សា​តម្លៃ​ជាមួយ​ម្ចាស់​ផ្ទះ​៖ នៅ​ពេល​អ្នក​ស្វែង​រក​ផ្ទះ​ដែល​ត្រូវ​ចិត្ត​ហើយ​អ្នក​ត្រូវ​រួសរាន់ ​ត​ថ្លៃ​ជាមួយ​ម្ចាស់​ផ្ទះ​នោះ។ អ្នក​អាច​ពិភាក្សា​តម្លៃ​ជាមួយ​ម្ចាស់​ផ្ទះ​បាន ហើយ​ធ្វើ​យ៉ាង​ណា​ត្រូវ​ព្រមព្រៀង​ទាំង​អស់​គ្នា​ពី​តម្លៃ​ដែល​បាន​ដាក់​នោះ។​

៦) ចុះ​កិច្ចសន្យា៖ អ្នក​ត្រូវ​ចុះ​កិច្ចសន្យា​អោយ​បាន​ត្រឹម​ត្រូវ​ជាមួយ​នឹង​ម្ចាស់​ផ្ទះ​ចាស់។ ត្រូវ​ប្រាកដ​ថា​អ្វី​ៗ​ គឺ​អ្នក​បាន​ធ្វើ​ត្រឹម​ត្រូវ​តាម​លក្ខខណ្ឌ​និង​ស្រប​ច្បាប់​ជា​ទី​បំផុត។

៧) អះ​អាង​ពី​ប្រាក់​កម្ចី​របស់​អ្នក៖ ​ប្រសិន​បើ​អ្នក​មិន​ទាន់​មាន​ការ​អះ​អាង​ច្បាស់​ពី​ប្រាក់​កម្ចី​របស់​អ្នក​ជាមួយ​នឹង​ម្ចាស់​ប្រាក់​កម្ចី​នោះ​ទេ​ ​អ្នក​ត្រូវ​ជួប​គ្នា​អោយ​បាន​ឆាប់​ដើម្បី​សម្រេច​ម្ដង​ទៀត​ថា​​​អ្នក​សង​ប្រាក់​ទាំង​នោះ​ដោយ​វិធី​ណា។

៨) ត្រូវ​ចេះ​ត្រួត​ពិនិត្យ​ផ្ទះ​៖ វា​អាច​ជា​រឿង​ល្អ​ប្រសិន​បើ​អ្នក​​ជួល​មនុស្ស​អោយ​ពិនិត្យ​ថា​តើ​ផ្ទះ​នេះ​មាន​ការ​ខ្វះ​ខាត​អ្វី​ខ្លះ? ដើម្បី​កុំ​អោយ​ខាត​ពេលវេលា​​​និង​លុយ​កាក់​របស់​អ្នក​កាន់​តែ​ច្រើន​អ្នក​គួរ​ពិនិត្យ​អោយ​បាន​គ្រប់​ជ្រុង​ជ្រោយ​រួច​ផ្ដល់​ដំណឹង​ទៅ​ម្ចាស់​ផ្ទះ​ដើម្បី​ជួសជុល​បន្ថែម​៕

ដោយ៖ ព្រំ​​​​ សុវណ្ណកណ្ណិកា

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើរៀន​ទំនាក់ទំនង​អន្តរជាតិ ​តើចប់ហើយ​​គួរ​ធ្វើ​ការខាងផ្នែក​អ្វី​?

តើ​ធ្វើ​យ៉ាង​ណា​ដើម្បី​ទទួល​យក​អ្វី​ដែល​អ្នក​បាន​រៀន​ឲ្យ​បាន​ ៩០​ភាគរយ?

វិធីសាស្ត្រ ៦​យ៉ាង​ ​​​សម្រាប់​ដោះស្រាយ​ជាមួយ​មនុស្សគំនិត​អវិជ្ជមាន​ ​​ដើម្បី​កុំ​ឲ្យ​ពួក​គេ​នាំ​ទុក្ខ​ដល់​អ្នក​

ពុទ្ធឱវាទ ១០ឃ្លារបស់ព្រះសម្មាសម្ពុធ ជាគតិក្នុងការត្រិះរិះពិចារណា

អត្ថបទពាណិជ្ជកម្ម​

LG សម្ពោធសាខាថ្មី LG BRANDSHOP សាខាខេត្តសៀមរាប

Heineken®នាំអ្នកគាំទ្រ​កម្ពុជា​ទៅក្រិច​ចូលរួមទស្សនា​ UEFA CHAMPIONS LEAGUE ផ្តាច់ព្រ័ត្រ

ក្រុមហ៊ុន ជាតិ និងអន្តរជាតិជាង ១៥០ ចូលរួម ពិព័រណ៍ស្ថាបត្យកម្មកម្ពុជា និងការតុបតែងផ្ទៃក្នុងលើកទី៣

មីក្រូហិរញ្ញវត្ថុនៅកម្ពុជា៖ អតីត បច្ចុប្បន្ននិងអនាគត

អានអត្ថបទតាមខែ

May 2018
M T W T F S S
« Apr    
 123456
78910111213
14151617181920
21222324252627
28293031