អត្ថបទថ្មីបំផុត
ទំព័រដើម > អចលនទ្រព្យ > ខេត្តព្រះសីហនុជា​គោលដៅ នៃការអភិវឌ្ឍន៍អចលនទ្រព្យ

ខេត្តព្រះសីហនុជា​គោលដៅ នៃការអភិវឌ្ឍន៍អចលនទ្រព្យ

ប្រ​ភព៖​​ www.realestate.com.kh

ខេត្តព្រះសីហនុជាគោលដៅទេសចរណ៍ ជាកំពង់ផែអន្តរជាតិ ហេដ្ឋារចនាសម័ន្ធ និងសេវាកម្មផ្សេងៗមានភាពរលូន។ ព្រលានយន្តហោះក្រុងព្រះសីហនុបានផ្តល់ភាពងាយស្រួលដល់អ្នកទេសចរណ៍ ចំណែកឯការហោះហើរក្នុងស្រុកព្រមទាំងអន្ដរជាតិឆ្ពោះទៅទីក្រុងហូជីមិញ, រាជធានីភ្នំពេញ និងសៀមរាបផងដែរ ក៏មានការផ្តល់ជូនសេវាយន្ដហោះ ឯកជនអន្តរជាតិ និងឧទ្ធម្ភាគចក្រផងដែរ។

កត្តាអំណោយផលទំាងប៉ុន្មាននេះបាន ធ្វើឲ្យវិស័យទេសចរណ៍នៅក្នុងខេត្តមួយនេះទទួលការចាប់អារម្មណ៍យ៉ាងខ្លំាង។

ខេត្តមួយនេះពិតជាទាក់ទាញយ៉ាងខ្លំាង តួយ៉ាងសណ្ឋាគារលំដាប់អន្តរជាតិ Six Senses Hotels Resorts Spas នឹងធ្វើប្រតិបត្តិការនៅ លើកោះក្របីខេត្តព្រះសីហនុ សណ្ឋាគារមួយនេះមានវីឡាលំហែកាយប្រណិតចំនួន៤០ដែលសុទ្ធតែអាចមើលឃើញទេសភាពមាត់សមុទ្រ។ Six Senses Spa Krabey Island ជាគោលដៅសម្រាប់អ្នកទេសចរណ៍ដែលមកកំសាន្តក្នុងស្រុក និងតំបន់អាស៊ីអាគ្នេយ៍ផងដែរ។

Six Senses Spa Krabey Island គ្រោងនឹងបញ្ចប់គម្រោងរបស់ខ្លួននៅក្នុងឆ្នាំ 2017។
ទន្ទឹមនឹងការអភិវឌ្ឍន៍វិស័យទេសចរណ៍ ការអភិវឌ្ឍន៍វិស័យអចលនទ្រព្យនៅក្នុងខេត្តមួយ នេះក៏មានសក្តានុពលផងដែរ។

“ការវិនិយោគដីធ្លីនៅក្នុងខេត្តព្រះសីហនុវាពិតជាឱកាសក្នុងការវិនិយោគសម្រាប់ថ្ងៃអនាគត ព្រោះថាគម្រោងអភិវឌ្ឍន៍ជាច្រើនកើតមានឡើង ក៏ដូចជាកត្តាភូមិសាស្រ្ត ខេត្តនេះជាតំបន់ឧស្សាហកម្មទេសចរណ៍លំដាប់អន្តរជាតិ” នេះជាសម្តីលោក ឆុត ប៊ុណ្ណា ជាបុគ្គលិកក្រុមហ៊ុនឯកជនមួយនៅក្នុងក្រុងភ្នំពេញដែលបានទិញដីមួយកន្លែងក្នុងខេត្តព្រះសីហនុ។

លោក ឌិន សកល ប្រធានគ្រប់គ្រងក្រុមហ៊ុនអចលនទ្រព្យ Universal Real Estate ដែលមានទីតំាងស្ថិត នៅខេត្តព្រះសីហនុ បានមានប្រសាសន៍ថា “អតិថិជនមានចំណាប់អារម្មណ៍ខ្លំាងទៅលើដីធ្លី និងផ្ទះសម្បែង ចំណែកឯការជួលនៅក្នុងខេត្តព្រះសីហនុមានសន្ទុះឡើងគួរសម្យ អ្នកជួលភាគច្រើន ជាជនបរទេសដែលស្នាក់នៅទីនេះរយៈពេលវែង” ។

សក្តានុពលយ៉ាងសំបើមបែបនេះហើយ អ្នកវិនិយោគទុនបរទេសជាច្រើនបានឈានជើងចូលមកកាន់ប្រទេសកម្ពុជា ជាក់ស្តែងក្រុមវិនិយោគិនចិនគ្រោងនឹងបង្កើតមជ្ឈមណ្ឌលរមណីយដ្ឋានលំហែកាយអន្តរជាតិ ដែលមានទឹកប្រាក់វិនិយោគចំនួន៣ពាន់លានដុល្លារនៅឆ្នេរមាសឆ្នេរប្រាក់ខេត្តព្រះសីហនុ ដែលមានទំហំដី៣០០០ហិកតា ការវិនិយោគទំាងនេះដើម្បីទាញយកប្រយោជន៍ចូលទៅក្នុង ឧស្សាហកម្មទេសចរណ៍កំពុងងើបឡើងនៅកម្ពុជា។

លោក វ៉ន ចាន់ថន នាយកប្រតិបត្តិក្រុមហ៊ុនវិនិយោគ Town City បានមានប្រសាសន៍ថា “ការអភិវឌ្ឍន៍ រមណីយដ្ឋានប្រណិតនៅលើកោះ និងការអភិវឌ្ឍន៍ផ្សេងៗគឺជាការចូលរួមចំណែកមួយក្នុងការអភិវឌ្ឍន៍ វិស័យអចលនទ្រព្យក្នុងខេត្តព្រះសីហនុ ដោយហេតុតែកំណើនទេសចរណ៍កើន ធ្វើឲ្យសេដ្ឋកិច្ច ហេដ្ឋារចនាសម្ព័ន្ធផ្សេងៗ កាន់តែមានភាពប្រសើរឡើង ក៏ដូចជាទីផ្សារការងារក្នុងតំបន់កាន់តែមានកំណើន តម្រូវការទីផ្សារអចលនទ្រព្យវាពិតជាសំខាន់”។

ផ្ដល់សិទ្ធិ៖ realestate.com.kh

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

សម្រាប់​អ្នក​ដែល​មាន​រាង​ស្គម​សង្វិត ​ចង់​ឡើង​ទម្ងន់​ស្អាត​ជាង​មុន​ ​កុំ​ភ្លេច​វិធី​ទាំង​នេះ

មនុស្សឆ្លាត តែងប្រើវិធីបែបនេះយកឈ្នះអ្នកដទៃ ដោយមិន​ចាច់​ឈ្លោះ​តឹង​សរសៃ​ក!

ពាក្យ​ ១៧​​ឃ្លា​ដែល​​​ «បុគ្គលិក​​​ល្អ​» មិន​គួរ​និយាយ​ទាល់​តែ​សោះ​នៅ​កន្លែង​ធ្វើ​ការ​

​គំនិតអាជីវកម្ម​​ខ្នាតតូច​ទាំង​៧​ប្រភេទ​ ​​​​មិន​ទាមទារ​ដើមទុន​ខ្ពស់​ ​​ដែល​អ្នក​គួរ​សាកល្បង​

អត្ថបទពាណិជ្ជកម្ម​

ក្រុម Inter KCP នៅតែរក្សាតំណែងជើងឯក Tiger Street Football Festival 2019 នៃមណ្ឌលខេត្តកំពង់ចាម

Tiger Street Football Festival 2019 នៅមណ្ឌលទី៧បើកការប្រកួតជាផ្លូវការហើយ

ដំណើរការ១០ឆ្នាំរបស់ក្រុមហ៊ុនមិត្តហ្វូន ប្រកបដោយសមិទ្ធផលនិងជីវិតរីកចម្រើន

Viber បញ្ចេញវីដេអូរាងជា “បេះដូង” ថ្មីដើម្បីផ្ញើទៅអ្នកជាទីស្រឡាញ់ នៅក្នុងថ្ងៃ “ទិវានៃក្តីស្រឡាញ់”

អានអត្ថបទតាមខែ

February 2019
M T W T F S S
« Jan    
 123
45678910
11121314151617
18192021222324
25262728