អត្ថបទថ្មីបំផុត
ទំព័រដើម > អចលនទ្រព្យ > តើ​ការផ្ទេរកម្មសិទ្ធិ​លើ​ដីធ្លី​បែបណា​ទើប​អាច​រួច​ផុតពី​ការបង់ពន្ធ​ប្រថាប់ត្រា​?

តើ​ការផ្ទេរកម្មសិទ្ធិ​លើ​ដីធ្លី​បែបណា​ទើប​អាច​រួច​ផុតពី​ការបង់ពន្ធ​ប្រថាប់ត្រា​?

​ការផ្ទេរកម្មសិទ្ធិ​លើដី​ធ្លី គឺជា​កម្មវត្ថុ​នៃ​ការបង់ពន្ធ​ប្រថាប់ត្រា​ដែលមាន​អត្រា ៤% នៃ​តម្លៃ​ដី​នោះ។ នៅក្នុង​អត្ថបទ​នេះ លោកអ្នក​នឹង​បាន​ស្វែងយល់ថា​តើ​ការផ្ទេរកម្មសិទ្ធិ​ដីធ្លី​បែបណា​ទើប​អាច​រួច​ផុតពី​ការបង់ពន្ធ ប្រថាប់ត្រា​?

ការផ្ទេរកម្មសិទ្ធិ​លើដី​ធ្លី គឺជា​ស្ថានភាព​នៃ​ការផ្លាស់ប្តូរ​ម្ចាស់​សិទ្ធិ​លើដី​មួយ ដោយ​ធ្វើការ ចុះបញ្ជី​ត្រឹមត្រូវ​តាម​បញ្ញត្តិ​នៃ​ច្បាប់​។ ការផ្ទេរកម្មសិទ្ធិ​លើដី​ធ្លី អាច​ធ្វើឡើង​ជាច្រើនរូប​ភាព​ដូចជា ការផ្ទេរ​តាមរយៈ ការលក់​ទិញ ការផ្ទេរ​តាមរយៈ​អំណោយ ការផ្ទេរ​តាមរយៈ​សន្តតិ​កម្ម ការផ្ទេរ​តាមរយៈ​សាលក្រម​តុលាការ​ជាអាទិ៍​។ ទោះបីជា​យ៉ាងណាក្តី មិនមែន​រាល់​ការផ្ទេរកម្មសិទ្ធិ​ទាំងអស់​សុទ្ធតែ​ត្រូវបាន​លើកលែង​ពន្ធ​នោះទេ​។

ផ្អែកទៅលើ ប្រកាស​របស់​ក្រសួង​សេដ្ឋកិច្ច និង ហិរញ្ញវត្ថុ​លេខ ៥០៧ ចុះ​ថ្ងៃទី ២៦ ខែ មេសា ឆ្នាំ ២០១៧ ស្តីពី​ការប្រមូល​ពន្ធ ប្រថាប់ត្រា ការផ្ទេរកម្មសិទ្ធិ​លើ​ដីធ្លី​ក្នុង​រូបភាព​ខាងក្រោម​នេះ អាច​រួច​ផុតពី​ការបង់ពន្ធ​ប្រថាប់ត្រា​៖
•​ ​ការទទួល​កម្មសិទ្ធិ​ដីធ្លី​ក្នុង​លក្ខណៈ​សម្បទាន​ពី​រាជរដ្ឋាភិបាល សម្រាប់​ជា​ប្រយោជន៍​សេដ្ឋកិច្ច ឬ​សង្គមកិច្ច ពី​ដីឯកជន​របស់​រដ្ឋ​ដល់​ជនក្រីក្រ​ដែល​ខ្វះខាត​ដី​សម្រាប់​សាងសង់​លំនៅដ្ឋាន ឬ​/​និង ធ្វើក​សិ​-​ឧស្សាហកម្ម ឬ​កសិកម្ម ជា​លក្ខណៈ​គ្រួសារ​។​
•​ ​ការធ្វើ​សន្តតិ​កម្ម (​ការផ្ទេរសិទ្ធិ​ដែល​កើតមានឡើង​បន្ទាប់ពី​ការស្លាប់​របស់​ម្ចាស់​បណ្តាំ​) រវាង​ឪពុក​-​ម្តាយ បង្កើត​និង កូនបង្កើត រវាង​ប្តី​និង​ប្រពន្ធ និង រវាង​យាយ​-​តា​បង្កើត​និង​ចៅ​បង្កើត និង ពី​ឪពុក​-​ម្តាយ​ទៅឱ្យ កូនបង្កើត​និង​កូនប្រសារ​ដែលជា​សហព័ទ្ធ (​ប្តី​ឬ​ប្រពន្ធ​)​របស់​កូនបង្កើត​នោះ​ដើម្បី​ជា​ទ្រព្យសម្បត្តិ​រួម​ក្នុង អំឡុងពេល​អាពាហ៍ពិពាហ៍​។
•​ ​ការធ្វើ​ប្រទានកម្ម (​អំណោយ​) លើក​ទី​១ រវាង​ឪពុក​-​ម្តាយបង្កើត​និង​កូនបង្កើត រវាង​ប្តី​និង​ប្រពន្ធ និង រវាង​យាយ​-​តា​បង្កើត​និង​ចៅ​បង្កើត ពី​ឪពុក​-​ម្តាយ​ទៅឱ្យ​កូនបង្កើត​និង​កូនប្រសារ​ដែលជា​សហព័ទ្ធ (​ប្តី​ឬ​ប្រពន្ធ​)​របស់​កូនបង្កើត​នោះ​ដើម្បី​ជា​ទ្រព្យសម្បត្តិ​រួម​ក្នុងអំឡុងពេល​អាពាហ៍ពិពាហ៍ និង​ពី​យាយ​-​តា ទៅឱ្យ​ចៅ​បង្កើត​និង​ចៅ​ប្រសារ​ដែលជា​សហព័ទ្ធ​រប​ស់​ចៅ​បង្កើត​នោះ​ដើម្បី​ជា​ទ្រព្យសម្បតិ្ត​រួម​ក្នុងអំឡុង ពេល​អាពាហ៍ពិពាហ៍​។
•​ ​ការផ្ទេរកម្មសិទ្ធិ​ទោចក្រយានយន្ត ត្រីចក្រយានយន្ត​និង​ត្រាក់ទ័រ​គ្រប់​ប្រភេទ​និង​ជលយាន​យន្ត​គ្រប់ ប្រភេទ​ដែលមាន​កម្លាំង​ដល់​១៥០ សេះ​។
•​ ​ការទទួល​កម្មសិទ្ធិ​អចលនទ្រព្យ និង មធ្យោបាយ​ដឹកជញ្ជូន ឬ​យានយន្ត ដែល​ត្រូវ​កត់ត្រា​ចុះបញ្ជី​សារពើ ភណ្ឌ​របស់​ស្ថាប័នរដ្ឋ​នានា​នៃ​ព្រះរាជាណាចក្រ​កម្ពុជា​។​
•​ ​ការទទួល​កម្មសិទ្ធិ​អចលនទ្រព្យ និង មធ្យោបាយ​ដឹកជញ្ជូន​ឬ​យានយន្ត​របស់​បេសកកម្ម​ការទូត ឬ កុងស៊ុល​បរទេស ឬ​អង្គការ​អន្តរជាតិ ឬ​ទីភ្នាក់ងារ​សហប្រតិបត្តិ​ការ​បច្ចេកទេស​របស់​រដ្ឋាភិបាល នានា​។​ល​៕

​ដោយ​៖ ប៉ុ​ម ទូច​

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

សម្រាប់​សិស្ស​មហាវិទ្យាល័យ​ គួរ​​​​​​​ឆ្លៀតពេល​​ប្រើ​​​គេហទំព័រ​​​៩​​​​​នេះ​​ឲ្យ​បាន​ច្រើន​ តាម​តែ​អាច​ធ្វើ​បាន

កាល​បរិច្ឆេទ​ផុត​កំណត់​នៅ​លើ​ផលិតផល​ ​គេ​សរសេរ​ប៉ុន្មាន​របៀប? ចេះ​មើលហើយឬនៅ? ​

លោក​ ​​ស្ទីវ ចបស៍​ (​Steve Jobs)​៖ ជីវិត​ខ្លី​ណាស់​ ​​សូម​កុំ​រស់​នៅ​ក្នុង​ជីវិត​អ្នក​ដទៃ!

កម្មវិធី​ (app) ទាំង៧ នេះ​អាច​ជួយ​លោក​អ្នក​ឱ្យ​រក​ប្រាក់​ចំណូល​បន្ថែម​បាន!

អត្ថបទពាណិជ្ជកម្ម​

«គន្លឹះ​​សរសេរ​​ផែនការ​អាជីវកម្ម​» និង «តិចនិក​ប្រើ​ Facebook ពង្រឹង​ម៉ាកយីហោ + ជំរុញ​ការលក់» ទឹកដី​កំពង់ចាម

អ្នកអភិវឌ្ឍន៍សម្រាប់ការប្រើប្រាស់ចម្រុះត្រូវបានចុះក្នុងបញ្ជីជម្រើសដំបូងនៃពានរង្វាន់អចលទ្រព្យកម្ពុជាប្រចាំឆ្នាំ 2018 របស់ក្រុមហ៊ុន Property Guru

ការប្រគំតន្រ្តី Tiger Street Football Festival 2018 មានការគាំទ្រខ្លាំងពីអ្នកប៉ោយប៉ែត

រកឃើញក្រុមជើងឯកប្រចាំមណ្ឌលប៉ោយប៉ែតហើយ ក្រោយការប្រកួតដោយស្វិតស្វាញមួយថ្ងៃពេញ

អានអត្ថបទតាមខែ

February 2018
M T W T F S S
« Jan    
 1234
567891011
12131415161718
19202122232425
262728