អត្ថបទថ្មីបំផុត
ទំព័រដើម > អចលនទ្រព្យ > រដ្ឋនឹងជម្រុញគោលនយោបាយលំនៅដ្ឋានតម្លៃទាបឲ្យកាន់តែប្រសើរឡើងក្នុងជំហានបន្ទាប់

រដ្ឋនឹងជម្រុញគោលនយោបាយលំនៅដ្ឋានតម្លៃទាបឲ្យកាន់តែប្រសើរឡើងក្នុងជំហានបន្ទាប់

ថ្លែងនៅក្នុងកម្មវិធី The Perspectives Cambodia Talk រដូវកាលទី២ ក្នុងពេលថ្មីៗនេះ​ ឯកឧត្តម វង្សី វិស្សុត រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអនុប្រធានឧត្តមក្រុមប្រឹក្សាសេដ្ឋកិច្ចជាតិ បានលើកឡើងថាដោយមើលឃើញពីកំណើនឡើងយ៉ាងឆាប់រហ័សនៃតម្លៃអចលនទ្រព្យនៅក្នុងទីផ្សារនាពេលបច្ចុប្បន្ននេះ និងដើម្បីជួយធានាថាទាំងអ្នកមានចំណូលទាប និងមធ្យមមានលទ្ធភាពអាចទិញលំនៅដ្ឋានបានរដ្ឋកំពុងរៀបចំគោលនយោបាយថ្មីសម្រាប់ “គម្រោងលំនៅដ្ឋានមានតម្លៃសមរម្យ”។

ត្រង់ចំណុចនេះឯកឧត្តមបានបញ្ជាក់ថាគោលនយោបាយនឹងទាក់ទាញវិនិយោគិនខាងក្រៅផង និងជាគម្រោងលំនៅដ្ឋានរបស់រដ្ឋផង។ កន្លងមករដ្ឋបានអនុវត្តន៍គោលនយោបាយនេះ ប៉ុន្តែធ្វើជាមួយ ក្រុមហ៊ុនឯកជនប៉ុណ្ណោះដោយរដ្ឋជាអ្នកធានាផ្តល់សេវាសាធារណៈទៅដល់ទីតាំងនៃគម្រោង ដែលរួមមានប្រព័ន្ធទឹក ភ្លើង និងផ្លូវ និងរដ្ឋមិនយកពន្ធលើការសាងសង់ និងពន្ធសេវាកម្មទូទៅទេ។​ ហើយដោយក្រុមហ៊ុនត្រូវផ្តល់មកវិញនូវលំនៅដ្ឋានមានតម្លៃក្រោម៥០,០០០ដុល្លារជាមួយលក្ខខណ្ឌបង់ប្រាក់ជាក់លាក់។

“គោលនយោបាយក៏នឹងយកចិត្តទុកដាក់ខ្ពស់លើការកំណត់អត្រាការប្រាក់សម្រាប់កម្ចីលំនៅដ្ឋាន”​ ដោយហេតុថាការប្រាក់ខ្ពស់ជាបន្ទុកដ៏ច្រើនសម្រាប់អ្នកទិញលំនៅដ្ឋាននៅពេលបច្ចុប្បន្ននេះ។

សម្រាប់គោល​នយោបាយនេះ ឯកឧត្តម វង្សី វិស្សុត បញ្ជាក់ដែរថានៅក្នុងរយៈពេល៥ឆ្នាំខាងមុខគ្រប់គម្រោងអភិវឌ្ឍន៍ទាំងអស់នឹងតម្រូវឲ្យអភិវឌ្ឍន៍ទាំងគ្រោងលំនៅដ្ឋានតម្លៃសមរម្យ និងតម្លៃថ្លៃនៅជាមួយគ្នាដោយមិនឲ្យចែកតំបន់គ្នាឡើយដោយអាចចែកតាមសមាមាត្រ ៣០% និង៧០%។ ឧ. ប្រសិនគម្រោងទាំងមូលមាន១,០០០ យូនីត នោះ៣០០យូនីតត្រូវតែសាងសង់ជាយូនីតលំនៅដ្ឋានមានតម្លៃសមរម្យ។

ធ្លាប់លើកឡើងនៅក្នុងវេទិការលំនៅដ្ឋានថ្នាក់ជាតិក្នុងឆ្នាំកន្លងទៅ ឯកឧត្តម ជា សុផារ៉ា រដ្ឋមន្រ្តីនៃក្រសួងគ្រប់គ្រងដែនដីនគរូបនីយកម្ម និងសំណង់បានមានប្រសាសន៍ថា “ក្រសួងគ្រប់គ្រងដីធ្លីកំពុងតែយកចិត្តទុកដាក់ខ្ពស់ក្នុងការស្វែងរកមធ្យោបាយក្នងការផ្តល់លំនៅដ្ឋានតម្លៃសមរម្យសម្រាប់ប្រជាជនដែលមានប្រាក់ចំណូលទាបនៅទូទាំងប្រទេស។

ក្រសួងដែនដីកំពុងធ្វើការជាមួយក្រសួងសេដ្ឋកិច្ច និងហិរញ្ញវត្ថុដើម្បី “បង្កើតគោលនយោបាយគម្រោងលំនៅដ្ឋានមានតម្លៃសមរម្យច្បាប់ពន្ធដារ និងបទបញ្ញត្តិនានា” ដើម្បីលើកទឹកចិត្តឱ្យវិស័យឯកជនអនុវត្តភារកិច្ចនេះ។ នេះបើតាមលោករដ្ឋមន្ត្រី។

រហូតមកដល់ពេលបច្ចុប្បន្ននេះមានគម្រោងលំនៅដ្ឋានតម្លៃសម​រម្យចំនួនបីបានប្រកាសជាផ្លូវការដែលគម្រោងទី១អភិវឌ្ឍន៍ដោយក្រុមហ៊ុន WorldBridge Land នៅក្រុងតាខ្មៅដែលមានចំនួន២,២៩៧ខ្នង និងគម្រោងទី២អភិវឌ្ឍន៍ដោយក្រុមហ៊ុន B&BM Development នៅតាមបណ្តោផ្លូវជាតិលេខ៥មានចំនួន៥,៣៤០ខ្នង និងគម្រោងទី៣អភិវឌ្ឍន៍ដោយក្រុមហ៊ុនអភិវឌ្ឍន៍របស់ជប៉ុន Arakawa នៅសង្កាត់សែនសុខដែលមានចំនួន២,០០០​យូនីត៕
ដៃគូសហការ៖ realestate.com.kh

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​​បើ​ខ្សោយ​ខាង​ទំនាក់ទំនង​​ ​អ្នក​គួរ​ព្យាយាម​ពង្រឹង​វា​​តាមរយៈ​វិធី​​ទាំង​៦​ចំណុច​នេះ​!​

​អ្នក​ប្រាជ្ញ​ជនជាតិ​ក្រិក​ ​​​លោក​ អារីស្តូត​៖ ​​«​ឫសគល់​នៃ​ការ​អប់រំ​ ​គឺ​​ល្វីង​​ ​ប៉ុន្តែ​​​ផ្លែផ្កា​នៃ​ការ​អប់រំ​វិញ ​គឺ​ផ្អែម​`»

តើ​ធ្វើ​យ៉ាង​ណា​ទើប​អាជីវកម្មធន​​​តូច​របស់​អ្នក​អាច​រក​ចំណូល​បាន​ច្រើន​ជាង​មុន?

​អ្នក​ប្រាជ្ញ​ចិន​ ខុង​ជឺ​៖ ​«​​មនុស្ស​ដែល​​ហ៊ាន​សួរ​​នឹង​ល្ងង់​តែ​មួយ​នាទី ​តែ​បើ​មិន​ហ៊ាន​សួរ​វិញ ​នឹង​ល្ងង់​មួយ​ជីវិត​»

អត្ថបទពាណិជ្ជកម្ម​

ពានរង្វាន់ ICT កម្ពុជា ២០១៩ ផ្តោតជាចម្បងលើ «នវានុវត្តន៍លើវិស័យ ICT» សូមចាប់ផ្តើមចុះឈ្មោះចាប់ពីថ្ងៃនេះតទៅ

NYC Alpha Serum ព្យាបាលមុខមុន ស្នាមជ្រួញ ធ្វើអោយមុខសភ្លឺថ្លាតឹងរលោងក្នុងមួយសប្តាហ៍​

ត្រៀមកូនៗចូលប្រកួតក្នុងពិព័រណ៍កុមារហើយឬនៅ?

មកមើលការបញ្ចុះតម្លៃដ៏អស្ចារ្យលើផលិតផលកុមារនិងគ្រួសារជាង៥០០០មុខក្នុងពិព័រណ៍កុមារនិងគ្រួសារលើកទី៦!!!

អានអត្ថបទតាមខែ

January 2019
M T W T F S S
« Dec    
 123456
78910111213
14151617181920
21222324252627
28293031