អត្ថបទថ្មីបំផុត
ទំព័រដើម > ផ្សារមូលបត្រ > អ្វីទៅជា មូលបត្របំណុល (Bond)?

អ្វីទៅជា មូលបត្របំណុល (Bond)?

ប្រ​ភព៖​​ http://www.picpedia.org

សព្វថ្ងៃទីផ្សារភាគហ៊ុននៅកម្ពុជា ​ហាក់​ចាប់ផ្ដើម​​ទទួលបានការចាប់អារម្មណ៍ពីសំណាក់ប្រជាជនកម្ពុជា កាន់តែច្រើន​ខុស​ពី​ប៉ុន្មាន​ឆ្នាំ។ ជាមួយគ្នានេះដែរ ការវិនិយោគទៅលើមូលបត្របំណុលឬ សញ្ញបណ្ណ ​ក៏​ជា​ផ្នែក​មួយ​ដែល​អាច​គៀរគរ​ប្រមូល​នូវ​ដើម​ទុន​ដើម្បី​ពង្រីក​អាជីវកម្ម​​​ផង​ដែរ។ ចុះ​តើ​អ្នក​ដឹង​ថា​ អ្វី​ទៅ​ជា​មូលបត្រ​បំណុល ឬ សញ្ញាបណ្ណ​ទេ? 

តើមូលបត្របំណុលជាអ្វី? តោះមកស្វែងយល់ពីការវិនិយោគ មូលបត្របំណុលជាមួយ Bizkhmer ទាំងអស់គ្នា!

បើយោងតាម​ការ​ចុះ​ផ្សាយ​នៅ​លើ​គេហទំព័រ ផ្សារមូលបត្រកម្ពុជា បានរៀបរាប់ថា មូលបត្របំណុល ឬ សញ្ញបណ្ណ គឺជាកិច្ចសន្យាខ្ចីប្រាក់រវាងបុគ្គលបោះផ្សាយមូលបត្របំណុល និងវិនិយោគិន។ បុគ្គលដែលបោះផ្សាយសញ្ញាបណ្ណត្រូវបង់ជាការប្រាក់ ឱ្យ​ទៅវិនិយោគិនតាមវេលាជាក់លាក់និងទៀងទាត់ ព្រមទាំងត្រូវសងថ្លៃដើមដែលបានខ្ចីពីវិនិយោគិនតាមកាលកំណត់ដែលត្រូវសង។សញ្ញាបណ្ណរួមមាន សញ្ញាបណ្ណសាជីវកម្ម និង សញ្ញាបណ្ណសហគ្រាសរដ្ឋរាជរដ្ឋាភិបាល។ ប៉ុន្ដែផ្សារមូលបត្រកម្ពុជា ទើបតែដាក់​ឱ្យ​ប្រើប្រាស់សញ្ញាបណ្ណសារជីវកម្មតែប៉ុណ្ណោះ។

សញ្ញាបណ្ណ តំណាង​ឱ្យភាពជាម្ចាស់បំណុល។ សញ្ញាបណ្ណ ធ្វើការទូទាត់តែការប្រាក់ដែលបានកំណត់ជាមុន​ប៉ុណ្ណោះ​ ហើយថ្លៃរបស់វា ប្រែប្រួលនៅក្នុងដែនដែលកំណត់ដោយអត្រាការប្រាក់ ពោលគឺមិនមែនកំណត់ដោយប្រាក់ចំណេញរបស់ក្រុមហ៊ុននោះឡើយ។ រីឯភាគហ៊ុន តំណាងឱ្យភាពជាម្ចាស់កម្មសិទ្ធិនៃក្រុមហ៊ុនមួយៗ។ ថ្លៃភាគហ៊ុន អាចកើនឡើងយ៉ាងឆាប់រហ័ស ប្រសិនបើក្រុមហ៊ុននោះ មានការរីកចម្រើន និងមានប្រាក់ចំណេញច្រើន។

តាមការប្រកាសស្តីពីការបោះផ្សាយលក់មូលបត្ របំណុលជាសាធារណៈចេញដោយ​សញ្ញាបណ្ណសាជីវកម្មអាចចែកចេញជា៖

១. សញ្ញាបណ្ណធម្មតា ( Plain Vanilla Bond) សំដៅដល់សញ្ញាបណ្ណដែលមានអត្រាគូប៉ុងថេរ មានកំណត់ឥណប្រតិទានជាមុននៅ កាលបរិច្ឆេទបោះផ្សាយ មិនមានការលើកកម្ពស់ (Enhancement) និង/ឬលក្ខណៈបន្ថែមដូចជាសិទ្ធិទិញត្រលប់ (Call Option) ឬ សិទិ្ធលក់ (Put Option) និងមិនមានការធានា។

២. សញ្ញាបណ្ណមានបុគ្គលធានា (Guaranteed Bond) សំដៅដល់សញ្ញាបណ្ណដែលផ្ដល់ការធានាថាការប្រាក់ និងប្រាក់ដើមនឹងត្រូវបានទូទាត់សងដោយភាគីទីបី ដែលជានីតិបុគ្គល ករណីដែលបុគ្គលបោះផ្សាយមិនមានលទ្ធភាពសងបំណុល (Default) ដោយមូលហេតុដូចជា
អសាធនភាព ឬក្ស័យធន។

៣. សញ្ញាបណ្ណមានវត្ថុធានា (Secured Bond) សំដៅដល់សញ្ញាបណ្ណដែលមានដាក់ទ្រព្យសកម្មជាវត្ថុធានា លើកលែងតែ មូលបត្របំណុលដែលមានទ្រព្យធានា (Asset Backed Securities) ដែលត្រូវកំណត់នៅក្នុងបទប្បញ្ញត្តិដោយឡែក។

សូមបញ្ជាក់​ថា​ កាលពីពេល​ថ្មីៗនេះ គ្រឹះស្ថានមីក្រូហិរញ្ញវត្ថុ ហត្ថាកសិករ លីមីតធីត បានទទួលលិខិតអនុញ្ញាតពី ធនាគារជាតិនៃកម្ពុជា រួចហើយស ម្រាប់ ការបោះផ្សាយមូលបត្របំណុល ជាប្រភេទសញ្ញាប័ណ្ណសាជីវកម្ម កាលពីថ្ងៃទី០១ ខែសីហា ឆ្នាំ២០១៨ នេះបើយោងសេចក្ដីប្រកាសព័ត៌មានដែលចេញផ្សាយជាសាធារណៈនៅលើគេហទំព័រហត្ថាកសិករ៕

ដោយ៖ គីម ច័ន្ទលាភ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ខ្សោយ​ផ្នែក​ការ​សម្រេចចិត្ត​ ​អ្នក​គួរ​​អនុវត្ត​គន្លឹះ​ទាំង​៤​នេះ​​ ​ដើម្បី​ពង្រឹង​វា​ឡើង​វិញ​!

បើ​ជិត​ឈាន​​ដល់​វ័យ​ខ្ទង់​៣០​​ហើយ​ នៅ​តែ​គ្មាន​ចំណុច​ទាំង​នេះ​ទៀត​ នោះ​​ជីវិត​នឹង​វេទនា​មិន​ខាន

ត្រូវ​​បង្កើត​ទម្លាប់​ល្អៗ​ទាំង​​៦​យ៉ាង​នេះ​ ​មុន​ឈាន​ដល់​វ័យ​៣០​ ដើម្បី​ធានា​អំពី​ភាព​ជោគជ័យ​​របស់​អ្នក​

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

អត្ថបទពាណិជ្ជកម្ម​

មកស្គាល់ និងយល់ដឹងពីអាហារូបករណ៍ល្បីៗរបស់បញ្ញវនទាំង១៥រូបក្នុងសន្និសីទអាហារូបករណ៍លើកទី៧

លើកទី១សម្រាប់កម្ពុជា អំពី “ពិព័រណ៍យន្តហោះ និង បច្ចេកវិទ្យា”

ស្រាបៀរ ABC Extra Stout, Heineken, Tiger បានប្រគល់រង្វាន់ផ្តាច់ព្រ័ត្រ ជូនគូស្វាមីភរិយាថ្មី ឆ្នាំ ២០១៧-២០១៨

វគ្គបណ្តុះបណ្តាល៖ គន្លឹះក្នុងការធ្វើអាជីវកម្មអចលនទ្រព្យប្រកបដោយភាពជោគជ័យ

អានអត្ថបទតាមខែ

December 2018
M T W T F S S
« Nov    
 12
3456789
10111213141516
17181920212223
24252627282930
31