អត្ថបទថ្មីបំផុត
ទំព័រដើម > បច្ចេកវិទ្យា > លេច​តម្រុយ​ថ្មី​ពី Galaxy Note 7​ដែល​អាច​ចេញ​នៅ​ឆ្នាំ​នេះ តែ​មិន​មែន​ជា Note 6 ទេ!

លេច​តម្រុយ​ថ្មី​ពី Galaxy Note 7​ដែល​អាច​ចេញ​នៅ​ឆ្នាំ​នេះ តែ​មិន​មែន​ជា Note 6 ទេ!

គំរូ Galaxy Note 7

ប្រ​ភព៖​​ www.youtube.com

រាយការណ៍ថ្មីមួយឱ្យដឹងថា ក្រុមហ៊ុន Samsung នឹងចេញរំលង Galaxy Note 6 ដោយប្រើឈ្មោះ Galaxy Note 7 តែម្ដង សម្រាប់ការប្រកាសផេប្លេតជំនាន់ថ្មីក្នុងឆ្នាំនេះ។ ពេលនេះគេទើបទទួលបានដំណឹងបន្ថែមទៅលើកាលបរិច្ឆេទសម្ពោធផ្លូវការ។

Main-Image

ចចាមអារ៉ាមកន្លងទៅលើកឡើងថា Galaxy Note 7 អាចនឹងបង្ហាញខ្លួនផ្លូវការនៅអំឡុងខែសីហាខាងមុខ ប៉ុន្តែបើតាមប្រភពព័ត៌មានថ្មីពីគណនី Twitter ឈ្មោះ Evan Blass នេះវិញថា ឧបករណ៍ក្លាយរវាងស្មាតហ្វូន និងថេប្លេត នេះនឹងត្រូវក្រុមហ៊ុន Samsung វែកមុខនៅសប្ដាហ៍ទី១ ក្នុងខែសីហាខាងមុខ។

លក្ខណៈសម្បត្តិដែលគេរំពឹងនឹងបំពាក់នៅលើ Galaxy Note 7 រួមមាន៖ អេក្រង់ទំហំ ៥,៨អ៊ីញប្រភេទ QHD អមដោយ resolution 2560x1440px មានអង្គប្រតិបត្តិ Qualcomm Snapdragon 820 ហើយផេប្លេតនេះ អាចនឹងមាន RAM ទំហំដល់ 6GB។

2016-06-03-image-10

រូបបែកធ្លាយដែលគេសន្និដ្ឋានថាជា Galaxy Note 6 ឬ Note 7

មេម៉ូរីម៉ាស៊ីននៅលើ Galaxy Note 7 ត្រូវគេរំពឹងថា នឹងមានទំហំចាប់ពី 32GB ហើយទំហំធំបំផុតមានដល់ 256GB។ ចំពោះកាមេរ៉ានៅលើ Note 7 គឺមានគុណភាព និងទំហំដូចនៅលើ Galaxy S7 / S7 Edge ដែលខាងមុខទំហំ 5MP និងខាងក្រោយទំហំ 12MP។

ចំណែកបើយោងតាមសេចក្ដីរាយការណ៍ពីគេហទំព័រ Techspot វិញឱ្យដឹងដែរថា Note 7 អាចនឹងមានរន្ធ USB-C បច្ចេកវិទ្យាស្កេនប្រស្រីភ្នែក និងមុខងារទំនើបជាច្រើនទៀត។

Galaxy Note 7 នឹងដើរដោយប្រព័ន្ធប្រតិបត្តិការ Android Marshmallow ហើយអាចបែងចែកជាពីរម៉ូដែលគឺ Note 7 អេក្រង់រាបស្មើ និង Note 7 Edge អេក្រង់កោង៕

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​កិច្ចការ​សំខាន់ៗ​ ៧​យ៉ាង​ ​ដែល​បុគ្គលជោគជ័យ​តែង​ធ្វើ​នៅ​ថ្ងៃ​អាទិត្យ​

ត្រូវ​ត្រៀម​ខ្លួន​​ជា​មួយ​​គន្លឹះ​សំខាន់ៗ​ទាំង​៦​នេះ ​​​បើ​ចង់​ក្លាយ​ជា​អ្នក​ដឹកនាំ​ឆ្នើម​​នា​ពេល​អនាគត​!​

អាថ៌កំបាំងនៃ​ផលិតភាព​​នៅ​​ពី​ក្រោយ​ភាព​ជោគជ័យ​របស់​មហាសេដ្ឋី​ Bill Gates

ដើម្បី​​​ទទួល​បាន​ការ​គោរព​ពី​អ្នកដទៃ ​​កុំ​ភ្លេច​អនុវត្ត​ចំណុច​ទាំង​នេះ

អត្ថបទពាណិជ្ជកម្ម​

ការប្រើប្រាស់ប្រព័ន្ធបច្ចេកវិទ្យា ដើម្បីគ្រប់គ្រងការលក់ (POS)

ម៉ាស៊ីនបោកគក់ LG ជាជម្រើលដ៏ល្អបំផុតសំរាប់មេផ្ទះសម័យថ្មី

​​គ្រប់គ្រង​ហ្វេសប៊ុក​ផេក​ (Facebook Page) អាជីវកម្ម​ គឺ​ត្រូវ​ការ​អ្នក​ជំនាញ​ពិត​ប្រាកដ

ពិព័រណ៍​ទេសចរណ៍​ (Travel Fair) ​​ប្រចាំ​ឆ្នាំ​២០១៨៖ ដំណើរកម្សាន្តដ៏អស្ចារ្យក្នុង​តម្លៃពិសេស

អានអត្ថបទតាមខែ

August 2018
M T W T F S S
« Jul    
 12345
6789101112
13141516171819
20212223242526
2728293031