អត្ថបទថ្មីបំផុត
ទំព័រដើម > បច្ចេកវិទ្យា > Samsung ​អាច​នឹង​សម្ពោធ​ចេញ Galaxy Note 8 ​នៅ​ចុង​ខែ​សីហា (មុន​វត្តមាន iPhone 8)

Samsung ​អាច​នឹង​សម្ពោធ​ចេញ Galaxy Note 8 ​នៅ​ចុង​ខែ​សីហា (មុន​វត្តមាន iPhone 8)

ក្រុមហ៊ុន Samsung ​ត្រូវ​គេ​រំពឹង​ថា នឹង​បន្ត​ចេញ​អាវុធ​សម្ងាត់​របស់​ខ្លួន​ថែមទៀត​នៅ​ឆ្នាំ២០១៧ នេះ ដែល​ជា​កំពូល​ទូរស័ព្ទ​កូន​កាត់​ថេប្លេត​ជំនាន់​ថ្មី​ឈ្មោះ Galaxy Note 8។ វា​ជា​ស្មាតហ្វូន​កំពូល​ទី២ ក្នុង​ឆ្នាំ​នេះ បន្ទាប់​ពី Galaxy S8/S8+។ បើ​តាម​សេចក្ដី​រាយការណ៍​ថ្មី​នេះ ឱ្យ​ដឹង​ថា Samsung អាច​នឹង​ប្រកាស​ចេញ Galaxy Note 8 ​នៅ​ចុង​ខែ​សីហា​ខាង​មុខ មុន​ Apple ​បញ្ចេញ iPhone 8 ដើម្បី​ប្រជែង​ទីផ្សារ​បាន​មុន។

​សារព័ត៌មាន Korean Herald ​បាន​ចុះផ្សាយ​អំពី​ចចាមអារ៉ាម​ដែល​បាន​លើកឡើង​ថា Samsung ​នឹង​វែកមុខ Galaxy Note 8 ​នៅ​ចុង​ខែ​សីហា​ខាង​មុខ ប្រហែល​ជា​នៅ​ប៉ុន្មាន​សប្ដាហ៍​មុន ព្រឹត្តិការណ៍ Apple ​ប្រកាស​ចេញ iPhone 8។

Galaxy Note 5 ​បាន​បង្ហាញ​ខ្លួន​នៅ​ក្នុង​ខែ​សីហា ថ្ងៃ​ទី១៣ ឆ្នាំ២០១៥ ​ហើយ​មាន​លក់​នៅ​ថ្ងៃ​ទី២១ ខែ​សីហ។ ចំណែក​ឆ្នាំ​មុន ក្រុមហ៊ុន Samsung បាន​បន្ត​ដាក់​ចេញ Note 7 ​ដែល​ជា​ជំនាន់​ក្រោយ​នៃ Note 5 ​គឺ​នៅ​ថ្ងៃ​ទី២ ខែ​សីហា និង​មាន​លក់​លើ​ទីផ្សារ​ចាប់ពី​ថ្ងៃ​ទី១៩ ក្នុង​ខែ​សីហា​ដដែល។ រីឯ​របាយការណ៍​ថ្ងៃ​នេះ លើកឡើង​ថា Galaxy Note 8 ​នឹង​ត្រូវ​សម្ពោធ​នៅ​ចុង​ខែ​សីហា លឿន​ជាង​វត្តមាន iPhone 8 របស់ Apple។

ក្រុមហ៊ុន LG ​ថែមទាំង​ត្រូវ​គេ​រំពឹង​ដែរ​ថា នឹង​សម្ពោធ​ចេញ​ស្មាតហ្វូន​កំពូល​ស៊េរី​ថ្មី​ម៉ូដែល V30 ​នៅ​ប៉ុន្មាន​ខែ​ខាង​មុខ ប្រហែល​នៅ​ពិព័រណ៍​ប្រចាំ​ឆ្នាំ IFA ក្នុង​ទីក្រុង​ប៊ែរឡាំង នៅ​ដើម​ខែ​កញ្ញា​ខាង​មុខ។ ចចាមអារ៉ាម​ចុងក្រោយ​អំពី Note 8 ​បាន​រំពឹង​ថា ផេប្លេត​ជំនាន់​ថ្មី​នេះ នឹង​បង្ហាញ​ខ្លួន​ជាមួយ​អេក្រង់​ទំហំ ៦,៣អ៊ីញ ​អេក្រង់​មាន​គែម​ស្ដើង (bezel-less) ស្រដៀង​នឹង Galaxy S8 និង S8+។

Galaxy Note 8 ក៏​អាច​ត្រូវ​បំពាក់​ដោយ​កាមេរ៉ា​ក្រោយ​ភ្លោះ ទំហំ 12MP​ ប្រភេទ wide-angle ​និង​មួយ​ទៀត​ទំហំ 13MP ប្រភេទ telephoto lens ​ក៏​មាន​មុខងារ​ស្កេន​ក្រយៅដៃ​នៅ​ពី​ក្រោម​កញ្ចក់​អេក្រង់​ទូរស័ព្ទ៕
ប្រែ​សម្រួល៖ រឹទ្ធិរាជ
ប្រភព៖ techspot

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ខ្សោយ​ផ្នែក​ការ​សម្រេចចិត្ត​ ​អ្នក​គួរ​​អនុវត្ត​គន្លឹះ​ទាំង​៤​នេះ​​ ​ដើម្បី​ពង្រឹង​វា​ឡើង​វិញ​!

ត្រូវ​​បង្កើត​ទម្លាប់​ល្អៗ​ទាំង​​៦​យ៉ាង​នេះ​ ​មុន​ឈាន​ដល់​វ័យ​៣០​ ដើម្បី​ធានា​អំពី​ភាព​ជោគជ័យ​​របស់​អ្នក​

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

​ជូគឺលាង​ (Zhuge Liang ​) ៖«​​ជឿជាក់​ជ្រុល​ហួស​ហេតុ​ពេក ​នាំ​ឲ្យ​បរាជ័យ​»​

អត្ថបទពាណិជ្ជកម្ម​

ក្រុមហ៊ុន អិល អេស អេស ស៊ី ត្រេឌីង ខូ អិល ធី ឌី បង្ហាញផលិតផលគ្រឿងសម្អាងម៉ាក adidas ថ្មីជាផ្លូវការ

កម្មវិធី Uncaged Night របស់ស្រាបៀរថៃហ្គ័របានបញ្ចប់ដោយជោគជ័យ

មកស្គាល់ និងយល់ដឹងពីអាហារូបករណ៍ល្បីៗរបស់បញ្ញវនទាំង១៥រូបក្នុងសន្និសីទអាហារូបករណ៍លើកទី៧

លើកទី១សម្រាប់កម្ពុជា អំពី “ពិព័រណ៍យន្តហោះ និង បច្ចេកវិទ្យា”

អានអត្ថបទតាមខែ

December 2018
M T W T F S S
« Nov    
 12
3456789
10111213141516
17181920212223
24252627282930
31