អត្ថបទថ្មីបំផុត
ទំព័រដើម > បច្ចេកវិទ្យា > ​iPad របស់ Apple ​នៅ​តែ​ជាប់​ចំណាត់​ថ្នាក់​ថេប្លេត​លេខ១ ​ដែល​ពេញ​និយម​​លក់​ដាច់​ជាង​គេ​លើ​លោកក្នុង​ឆ្នាំ២០១៧

​iPad របស់ Apple ​នៅ​តែ​ជាប់​ចំណាត់​ថ្នាក់​ថេប្លេត​លេខ១ ​ដែល​ពេញ​និយម​​លក់​ដាច់​ជាង​គេ​លើ​លោកក្នុង​ឆ្នាំ២០១៧

យើងតាម​សេចក្ដី​រាយការណ៍​ថ្មី​មួយ​ចេញ​ដោយ​ក្រុមហ៊ុន​វិភាគ​ទីផ្សារ IDC ​ឱ្យ​ដឹង​ថា Apple iPad ​នៅ​តែ​ជា​ថេប្លេត​ដ៏​មាន​ប្រជាប្រិយភាព​បំផុត​លើ​លោក។ ក្នុង​ឆ្នាំ២០១៧ Apple ​បាន​លក់​ថេប្លេត​របស់​ខ្លួន​ដែល​ជា​ស៊េរី​ឧបករណ៍ iPad ដាច់​ច្រើន​ជាង Samsung និង Amazon ​បូក​បញ្ចូល​គ្នា​ទៅ​ទៀត។

Apple បាន​លក់ iPad ​ដាច់​ប្រមាណ ៤៣,៨លាន​គ្រឿង​ក្នុង​ឆ្នាំ២០១៧ ​ដែល​ស្មើ​នឹង​ចំណែក​ទីផ្សារ ២៦,៨% ​ហើយ​ក៏​ជា​បរិមាណ​កើនឡើង​បន្តិច​ផង​ដែរ​ប្រៀបធៀប​ទៅ​នឹង​ឆ្នាំ​ចាស់ (ឆ្នាំ២០១៦)។ ក្រុមហ៊ុន Samsung លក់​ថេប្លេត ស៊េរី Galaxy Tab របស់​ខ្លួន​ដាច់​បាន​ប្រមាណ ២៤,៩លាន​គ្រឿង​ក្នុង​ឆ្នាំ២០១៧ ទទួល​បាន​ចំណាត់ថ្នាក់​លេខ២ ដែល​គីត​ជា​អត្រា​ចំណែកទីផ្សារ​គឺ ១៥,២%។ ងាក​មក​មើល Amazon វិញ គឺ​បាន​លក់​ថេប្លេត​ដាច់​បាន​ប្រមាណ ១៦,៧លាន​គ្រឿង ស្មើ​នឹង​ ១០‍,២% ផង​ដែរ។

Huawei ​ជប់​លេខ៤ លក់​ដាច់​បាន ១២,៥លាន​គ្រឿង ចំណែក​លេខ៥ បាន​លើ Lenovo លក់​ដាច់​បាន ១០,៣លាន​គ្រឿង។ ភាគច្រើន​នៃ​តួលេខ​លក់​បាន​ខាង​លើ មាន​ប្រភព​ចេញ​ពី​ដៃ​របស់​បណ្ដា​ក្រុមហ៊ុន​ចែកចាយ​បន្ត ។ យ៉ាងណា បើ​បូក​សរុប​តួលេខ​លក់​ថេប្លេត​ទាំង​អស់ គឺ​មាន​ការ​ថយ​ចុះ​ប្រៀបធៀប​នឹង​ឆ្នាំ​ទៅ​មិញ (ឆ្នាំ២០១៦) ។

ក្រុមហ៊ុន Apple ​បាន​ឃើញ​នូវ​កំណើន​លក់​ថេប្លេត​នៅ​ឆ្នាំ២០១៧ ​ហើយ Samsung និង Amazon ​ក៏​មាន​កំណើន​ ដូច​ជា​ក្រុមហ៊ុន Huawei ដែរ។ យើង​រំពឹង នឹង​បាន​ឃើញ iPad ​ជំនាន់​ថ្មី​ទៀត​ពី​ក្រុមហ៊ុន Apple ​នៅ​ក្នុង​ឆ្នាំ២០១៨ នេះ ហើយ​យើង​អាច​នឹង​ឃើញ iPad ​ថ្មី​មាន​បំពាក់​មុខងារ​ទំនើប Face ID ដូច​មាន​នៅ​លើ iPhone X ​បច្ចុប្បន្ន​ដែរ។

បើ​តាម​ពាក្យ​ចចាមអារ៉ាម​ថ្មីៗ​នេះ លើកឡើង​ថា Apple អាច​នឹង​ចាប់ផ្ដើម​ចេញ​លក់​ផលិតផល​ថ្មីៗ​របស់​ខ្លួន​នៅ​ខែ​មីនា​ក្រោយ​នេះ ហើយ​យើង​ក៏​អាច​នឹង​ឃើញ iPad ​ជំនាន់​ថ្មី​ផង​ដែរ៕

ដោយ៖ រឹទ្ធិរាជ
ប្រភព៖ IDCMacRumors

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

អ្នក​ណាៗ ឲ្យ​​តែ​​ចេញ​រក​ស៊ី​លើក​ទី​១​តែង​បរាជ័យ ដោយ​សារ​មូលហេតុ​ទាំង​៤​នេះ

​កិច្ចការ​សំខាន់ៗ​ ៧​យ៉ាង​ ​ដែល​បុគ្គលជោគជ័យ​តែង​ធ្វើ​នៅ​ថ្ងៃ​អាទិត្យ​

អាថ៌កំបាំងនៃ​ផលិតភាព​​នៅ​​ពី​ក្រោយ​ភាព​ជោគជ័យ​របស់​មហាសេដ្ឋី​ Bill Gates

ដើម្បី​​​ទទួល​បាន​ការ​គោរព​ពី​អ្នកដទៃ ​​កុំ​ភ្លេច​អនុវត្ត​ចំណុច​ទាំង​នេះ

អត្ថបទពាណិជ្ជកម្ម​

ការប្រើប្រាស់ប្រព័ន្ធបច្ចេកវិទ្យា ដើម្បីគ្រប់គ្រងការលក់ (POS)

ម៉ាស៊ីនបោកគក់ LG ជាជម្រើលដ៏ល្អបំផុតសំរាប់មេផ្ទះសម័យថ្មី

​​គ្រប់គ្រង​ហ្វេសប៊ុក​ផេក​ (Facebook Page) អាជីវកម្ម​ គឺ​ត្រូវ​ការ​អ្នក​ជំនាញ​ពិត​ប្រាកដ

ពិព័រណ៍​ទេសចរណ៍​ (Travel Fair) ​​ប្រចាំ​ឆ្នាំ​២០១៨៖ ដំណើរកម្សាន្តដ៏អស្ចារ្យក្នុង​តម្លៃពិសេស

អានអត្ថបទតាមខែ

August 2018
M T W T F S S
« Jul    
 12345
6789101112
13141516171819
20212223242526
2728293031