អត្ថបទថ្មីបំផុត
ទំព័រដើម > បច្ចេកវិទ្យា > បែកធ្លាយ​រូប​គំរូ​ដើម iPhone X អេក្រង់​ LCD ​៦,១អ៊ីញ​​មាន​ពណ៌​ថ្មីដើម្បី​ស្រួល​ចំណាំ​ជា iPhone ​ធូរថ្លៃ​​ជាង​គេ​ចំណោម​៣ម៉ូដែល​

បែកធ្លាយ​រូប​គំរូ​ដើម iPhone X អេក្រង់​ LCD ​៦,១អ៊ីញ​​មាន​ពណ៌​ថ្មីដើម្បី​ស្រួល​ចំណាំ​ជា iPhone ​ធូរថ្លៃ​​ជាង​គេ​ចំណោម​៣ម៉ូដែល​

ព័ត៌មាន​ហាក់​ច្បាស់​ទៅ​លើ​ម៉ូដែល iPhone X ​ថ្មី​ប្រើ​អេក្រង់ LCD ​ដែល​នឹង​ចេញ​ក្នុង​ឆ្នាំ​២០១៨ នេះ។ iPhone X នេះ​នឹង​មាន​ទំហំ ៦,១អ៊ីញ ហើយ​ត្រៀម​នឹង​បង្ហាញ​ខ្លួន​ដំណាលគ្នា​នឹង​ពីរ​ម៉ូដែល​ទៀត​ដែល​ប្រើ OLED display ​ទំហំ ៥,៨អ៊ីញ និង ៦,៥អ៊ីញ។ ចំណែក​រូប​ប៉ុន្មាន​សន្លឹក ដែល​ទើប​អណ្ដែត​លើ​ប្រព័ន្ធ​អ៊ីនធឺណិត​ត្រូវ​គេ​សង្ស័យ​ថា ជា​គំរូ​ដើម (prototype) ​នៃ iPhone X។

រូប​ប៉ុន្មាន​សន្លឹក​នេះ ត្រូវ​គេ​សន្និដ្ឋាន​ថា ជា​គំរូ iPhone ថ្មី​ដែល​ឃើញ​មាន​ខ្នង​ទូរស័ព្ទ​ក្រាល​ដោយ​កញ្ចក់ និង​មាន​ជម្រើស​ពណ៌​ថ្មី​ចំនួន២ ទៀត​គឺ ពណ៌​បៃតង និង​ពណ៌​ស្វាយ។ ពណ៌​ទាំង​នេះ អាច​ត្រូវ​យក​មក​លាប​នៅ​លើ​ iPhone X ​អេក្រង់ LCD ​៦,១អ៊ីញ​ដែល Apple គ្រោង​នឹង​ចេញ​ចុង​ឆ្នាំ២០១៨ នេះ។

iPhone X ​អេក្រង់ LCD ​ថ្មី​នឹង​មាន​លក់​ក្នុង​តម្លៃ​ធូរ​ជាង​គេ​ក្នុង​ចំណោម​ទាំង​បី​ម៉ូដែល។ វា​អាច​ជា​កំណត់​ចំណាំ​ឱ្យ​ប្លែក​ខុស​គ្នា សម្រាប់ iPhone ​ប្រើ​អេក្រង់ LCD ​តម្លៃ​ធូរ​ថ្លៃ​ ជាមួយ​ការ​លាប​​ពណ៌​ប្លែក​បែប​នេះ ម្យ៉ាង​ដោយសារ​រចនាបថ​ឌីហ្សាញ​របស់​វា​ទាំង​៣ ស្រដៀង​គ្នា​ពេក។

iPhone X អេក្រង់ LCD នឹង​មាន​លក់​ក្នុង​តម្លៃ​ចន្លោះ​ពី ៥៥០ដុល្លារ ទៅ ៦៥០ដុល្លារ ​ចំណែក​ម៉ូដែល OLED ​នឹង​មាន​តម្លៃ​ពី ៨៩៩ដុល្លារ ទៅ ៩៩៩ដុល្លារ។ គេ​រំពឹង​ថា iPhone X ​ថ្មី​ទាំង៣ របស់ Apple នឹង​ត្រូវ​សម្ពោធ​ផ្លូវការ​នៅ​អំឡុង​ខែ​កញ្ញា ឬ​តុលា​ខាង​មុខ៕

សូម​អាន៖ អ្នក​វិភាគថា ​IPhone X Plus នឹង​មាន​លក់​ក្នុង​តម្លៃ $999 ​ចំណែក IPhone X ​ថ្មី​ឆ្នាំ​នេះ​លក់​ត្រឹម $899

​ដោយ៖ រឹទ្ធិរាជ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

មាន​មិត្ត​ស្រី​​អាយុ​​បង​​ខ្លួន​ក៏​ល្អ​ម៉្យាង​ដែរ​ ទាំង​នេះ​ជា​ចំណុច​ល្អ!

ទម្លាប់​អាក្រក់​​ទាំង​ ៥​យ៉ាង​​ ដែល​ធ្វើ​ឱ្យ​អ្នកងើបមុខមិនរូចពី​ក្រ​ ទោះ​បី​ជា​មាន​ប្រាក់​ចំណូល​​សមរម្យ​ក៏​ដោយ​​

ហេតុ​អ្វី​គេ​ផ្ដល់​តម្លៃ​ លើ​​ការ​បន្ត​ការ​សិក្សា​​​ថ្នាក់​​បរិញ្ញាបត្រ​ឬ​អនុ​បណ្ឌិត​​នៅ​បរទេស​ដល់​ម្ល៉ឹង?

Sabay សម្ពោធ​កុនធំ​របស់​ខ្លួន​នៅ​ថ្ងៃទី​២៦ ​មិថុនា​នេះ ​

អត្ថបទពាណិជ្ជកម្ម​

ហេតុផល ៤យ៉ាងដែលអ្នកគួរជ្រើសរើសម៉ាស៊ីនបោក LG Smart Inverter

កិច្ចព្រមព្រៀងផ្តល់អាហារូបករណ៍រួមគ្នារវាងវិទ្យាស្ថានជាតិ NIPTICT និងស្ថានទូតបារាំងប្រចាំកម្ពុជា

Panasonic ចាប់​ដៃ​គ្នា​ជា​មួយ​​ G Gear សម្ពោធ​ទូរក្លាស្សេ​ភេសជ្ជៈ​ស៊េរី​ថ្មី!

ស្រាបៀរអាន់ឆ័រចាប់ឆ្នោតលើកទី២រដូវកាលថ្មីជូនគូស្វាមីភរិយាថ្មី ក្នុងកម្មវិធីអាពាហ៍ពិពាហ៍ស្រាបៀរអាន់ឆ័រឆ្នាំ ២០១៨

អានអត្ថបទតាមខែ

June 2018
M T W T F S S
« May    
 123
45678910
11121314151617
18192021222324
252627282930