អត្ថបទថ្មីបំផុត
ទំព័រដើម > បច្ចេកវិទ្យា > ចក្ខុវិស័យរបស់ Facebook ស្រដៀងនឹងអ្វីដែល WeChat មានជាច្រើនឆ្នាំមកហើយ

ចក្ខុវិស័យរបស់ Facebook ស្រដៀងនឹងអ្វីដែល WeChat មានជាច្រើនឆ្នាំមកហើយ

នាយកប្រតិបត្តិរបស់ក្រុមហ៊ុន Facebook គឺលោក Mark Zuckerberg កំពុងដឹកនាំក្រុមហ៊ុនបណ្ដាញសង្គមយក្សមួយនេះដោយប្រើប្រាស់យុទ្ធសាស្ត្រថ្មីមួយ ដោយផ្ដោតលើកម្មវិធីផ្ញើសារ (Messager) ដែលស្រដៀងនឹងអ្វីដែលមាននៅលើកម្មវិធី Wechat របស់ក្រុមហ៊ុនបចេ្ចកវិទ្យាចិនឈ្មោះ Tencent ជាច្រើនឆ្នាំមកហើយ។

លោក Zuckerberg បានបង្ហាញពីចក្ខុវិស័យរបស់លោកក្នុងការធ្វើឲ្យទំនាក់ទំនងមានលក្ខណៈឯករាជ ដោយរួមបញ្ចូលគ្នាតែមួយនូវសេវាកម្មផ្សេងៗរបស់ Facebook ដូចនេះអ្នកប្រើប្រាស់អាចទំនាក់ទំនងគ្នាបាននៅលើកម្មវិធីតែមួយ។
វាហាក់ដូចជាមានភាពពិសេសខ្លាំងដែលមានលក្ខណៈស្រដៀងទៅនឹងកម្មវិធី Wechat ដែរ ដែលមានមុខងារ និងសេវាកម្មផ្សេងៗនៅលើកម្មវិធីតែមួយ ដោយក្រុមហ៊ុន Facebook នឹងធ្វើការបញ្ចូលគ្នានូវសេវាកម្មរបស់កម្មវិធី Facebook, Messenger, WhatsApp និង Instagram ជាមួយនឹងកម្មវិធី Paypal និង Uber ។

WeChat បានបង្កើតឡើងក្នុងឆ្នាំ ២០១១ ដែលជាកម្មវិធីមានលក្ខណៈសាមញ្ញក្នុងការទំនាក់ទំនងដូចជា ផ្ញើសារ ខលជាសំលេង និងខលជាវិឌីអូជាដើម ប៉ុន្តែកម្មវិធីនេះពុំមានការបំលែងកូដសុវត្តិភាពដូចទៅនឹងកម្មវិធី Whatsapp របស់ Facebook នោះទេ ។

ខាងក្រោមនេះជាលក្ខណៈពិសេសដែលមាននៅលើកម្មវិធី Wechat ៖

ការទូទាត់ប្រាក់តាមទូរស័ព្ទដៃ ( Mobile Money )
ការបូបលុយអេឡិចត្រូនិករបស់កម្មវិធី Wechat គឺជាចំនុចពិសេសមួយដែលបានធ្វើឲ្យកម្មវិធីនេះក្លាយជាផ្នែកមួយដ៏សំខាន់ក្នុងការរស់នៅរបស់ប្រជាជនចិន តាមរយៈការភ្ជាប់គ្នាទៅនឹងប័ណ្ណឥណទាន ឬគណនីធនាគារ ដែលអ្នកប្រើប្រាស់ អាចធ្វើការទូទាត់អ្វីៗបានស្ទើរតែទាំងអស់មានដូចជា ទិញសំបុត្រកុន ថ្លៃសេវាកម្មដឹកម្ហូបអាហារ សំបុត្ររថភ្លើង សំបុត្រឡានក្រុង ទូទាត់រួមគ្នាថ្លៃអាហារជាមួយមិត្តភ័ក្ដ បង់ថ្លៃភ្លើងអគ្គិសនី រក្សាទុកនូវប័ណ្ណសំរាប់បញ្ចុះថ្លៃទំនិញ និងការទូទាត់ថ្លៃទំនិញ សេវាកម្មផ្សេងៗទៀតជាច្រើន ជាពិសេសអាចផ្ញើលុយអោយគ្នាទៅវិញទៅមកបានទៀតផង។

ផ្នែកបណ្ដាញសង្គម ( Social Media )
Wechat ក៏ជាកម្មវិធីបណ្ដាញសង្គមមួយដែលអាចអោយអ្នកប្រើប្រាស់ធ្វើការបង្ហោះ សរសេរ និងចែកចាយនូវរូបថត វិដេអូបានផងដែរ ។ លើសពីនេះទៅទៀតក្រុមហ៊ុន អាជីវកម្ម ទាំងក្នុងនិងក្រៅប្រទេសទាំងអស់អាចប្រើប្រាស់កម្មវិធីនេះសំរាប់ធ្វើទំនាក់ទំនងទីផ្សារ ដោយធ្វើការកំណត់នូវគណនីផ្លូវការមួយ ។

ជាកម្មវិធីទំនាក់ទំនងសំរាប់ប្រជាជនចិនប្រើប្រាស់ ( The Chinese Model )
វាជាកម្មវិធីដែលមានការពេញនិយមយ៉ាងទូលំទូលាយក្នុងប្រទេសចិន និងបណ្ដាប្រទេសនានា ក៏ព្រោះតែថ្នាក់ដឹកនាំរបស់ប្រទេសកុម្មុនីសមួយនេះបានហាមខាត់ប្រជាជនមិនអោយប្រើប្រាស់ Facebook និងសេវាកម្មផ្សេងៗ។

អ្វីៗទាំងអស់ខាងលើនេះគឺជាចក្ខុវិស័យនាពេលអនាគតរបស់ក្រុមហ៊ុន Facebook ដែលវាត្រូវបានគេមើលឃើញថា ស្រដៀងនឹងអ្វីដែលកម្មវិធី WeChat របស់ប្រទេសចិនមានជាច្រើនឆ្នាំមកហើយ៕

ដោយ៖ វឌ្ឍនា

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​កម្រង​គំនិត​សំខាន់ៗ​របស់​ ឡៅ សឺ (​Lao Tzu)​​​ទស្សនវិទូ​របស់​ចិន​

មេរៀន​សំខាន់ៗ​ដែល​​អ្នក​អាច​រៀន​សូត្រ​ពី​​​​សម្រង់​សម្ដី​ទាំង​៨​​របស់​លោក ​Jack Ma មហាសេដ្ឋី​ចិន​​ ​

គន្លឹះ​សម្ងាត់​ទាំង ៦​ ដែល​ជួយ​អភិវឌ្ឍ​ចិត្ត​គំនិត​របស់​អ្នក​ឲ្យ​ដូច​មហា​សេដ្ឋី

គន្លឹះ​ដ៏​មុត​ស្រួច​ទាំង​៣​ក្នុង​ការ​កែ​ប្រែ​និង​អភិវឌ្ឍ​អ្នក​ឲ្យ​ក្លាយ​ទៅ​ជា​មនុស្ស​ថ្មី​មួយ​ទៀត

អត្ថបទពាណិជ្ជកម្ម​

លោក ព្រាប សុវត្ថិ ដឹកដៃកូនប្រុសទំាង២នាក់ធ្វើកក្រើកឆាកតន្រ្តី Tiger Street Football Festival 2019នាវគ្គផ្តាច់ព្រ័ត្រទូទាំងប្រទេស

ក្រុមស្នងការដ្ឋាននគរបាលខេត្តព្រះសីហនុ “A” ឈ្នះជើងឯកនៃ Tiger Street Football Festival 2019 លើកទី៧ ទូទាំងប្រទេសជាលើកដំបូង

អេ អឹម ខេ ត្រូវបានទទួលស្គាល់ជាគ្រឹះស្ថានមីក្រូហិរញ្ញវត្ថុ ដែលជួយឱ្យជីវភាពប្រជាពលរដ្ឋក្រីក្រមានភាពប្រសើរឡើង

ពិព័រណ៍ ឌីជីថលកម្ពុជាឆ្នាំ ២០១៩ បង្ហាញពីទិដ្ឋភាពផ្នែកឌីជីថលនៅអាស៊ីអាគ្នេយ៍ នាថ្ងៃអនាគត

អានអត្ថបទតាមខែ

March 2019
M T W T F S S
« Feb    
 123
45678910
11121314151617
18192021222324
25262728293031