គុណប្រយោជន៍៤យ៉ាងនៃការពិសាទឹកដូង ដែលអ្នកគួរដឹង!
ទឹកដូង ត្រូវបានមនុស្សភាគច្រើនទទួលស្គាល់ថា មានរសជាតិឆ្ងាញ់ពិសា និង ងាយស្រួលទិញនៅតាមទីផ្សារជាមួយនឹងតម្លៃសមរម្យ ដូច្នេះហើយបានជា ម្នាក់ៗចូលចិត្តទឹកដូង។ ជាមួយគ្នានោះដែរ ទឹកដូងមិនត្រឹមតែមាន រសជាតិឆ្ងាញ់ និង តម្លៃសមរម្យនោះទេ វាក៏ផ្តល់ប្រយោជន៍ជាច្រើនដល់យើងផងដែរ។ ខាងក្រោមនេះ គឺជាគុណប្រយោជន៍៤យ៉ាង របស់ទឹកដូង៖
១) មិនធ្វើឲ្យធាត់៖ ទឹកដូង ផ្ទុកនូវសារធាតុដែលមិនបណ្តាលឲ្យធាត់នោះទេ ដូច្នេះហើយ សម្រាប់អ្នកដែលព្យាយាមសម្រកទម្ងន់នោះ គួរតែជ្រើសរើសការពិសារទឹកដូង ដើម្បីបញ្ចៀសការបណ្តាលឲ្យធាត់ និង ឡើងទម្ងន់។ ដូច្នេះហើយ ទោះអ្នកបរិភោគទឹកដូងច្រើន ក៏មិនបណ្តាឲ្យធាត់ដែរ។
២) ជួយឲ្យស្បែកស្អាត៖ ទឹកដូងផ្ទុកនូវសារធាតុពិសេសជាច្រើន ដែលជួយឲ្យស្បែករបស់អ្នក មានភាពស្រស់ស្អាត និង មិនឆាប់ចាស់។ ដោយសារតែបែបនេះហើយ បានជាសាប៊ូ និង ក្រេមមួយចំនួនដែលត្រូវបានគេផលិតដើម្បីជួយឲ្យស្បែកស្អាតនោះ គឺសុទ្ធតែយកដួងជា គ្រឿងផ្សំមួយដ៏សំខាន់។
៣) បំពេញជាតិទឹកដែលខ្វះខាតក្នុងខ្លួន៖ សម្រាប់អ្នកដែលចូលចិត្តលេងកីឡា និង ហាត់ប្រាណនោះ តែងតែហត់ និង អស់កម្លាំងខ្លាំងដោយសារតែ បាត់បង់ជាតិទឹកច្រើន។ ដូច្នេះហើយ ជម្រើសដ៏ល្អមួយ ក្នុងការបំពេញជាតិទឹកដែលបាត់បង់នោះ អ្នកគួរតែពិសារទឹកដូងឲ្យបានគ្រប់គ្រាន់។ សម្រាប់មនុស្សទូទៅ ក៏គួរតែពិសារទឹកដូងដែរ ព្រោះការបំពេញជាតិទឹកក្នុងខ្លួនគឺពិតជាសំខាន់ខ្លាំងណាស់សម្រាប់រាងកាយ និង សុខភាព។
៤) កាត់បន្ថយបញ្ហាសម្ពាធឈាម៖ ទឹកដូងត្រូវបានក្រុមអ្នកស្រាវជ្រាវមួយចំនួនលើកឡើងថា អាចជួយដល់ចលនាឈាមក្នុងខ្លួនរបស់មនុស្សឲ្យដំណើរការល្អ និង កាត់បន្ថយការឡើងសម្ពាធខ្ពស់ខុសធម្មតា។ ដូច្នេះហើយ ការពិសារទឹកដូងគឺជារឿងចាំបាច់សម្រាប់មនុស្សទូទៅ ជាពិសេសសម្រាប់អ្នកដែលមានបញ្ហាសម្ពាធឈាមតែម្តង៕
ដោយ៖ រតនា វិចិត្រ
ប្រភព៖ www.lifehack.org & steptohealth.com
