ទីក្រុងដែលមានកេរ្តិ៍ឈ្មោះល្អផុតលេខក្នុងលោក គឺមិនមែននៅអាមេរិក ឬអឺរ៉ុបទេ
យោងតាមការស្ទង់មតិដែលធ្វើឡើងដោយវិទ្យាស្ថាន Reputation កាលពីពេលថ្មីៗនេះ បានឱ្យដឹងថា ទីក្រុង ស៊ីដនី (Sydney) ជាទីក្រុងដែលមានកេរ្តិ៍ឈ្មោះបំផុតក្នុងចំណោមទីក្រុងធំៗក្នុងលោក ជាពិសេសក្នុងចំណោមទីក្រុងរបស់បណ្ដាប្រទេសមហាអំណាចឧស្សាហកម្មធំៗទាំង ៨។
វិទ្យាស្ថាន Reputation បានធ្វើការស្ទង់មតិ មនុស្សប្រមាណ ១៩ ០០០នាក់មកពីប្រទេសមហាអំណាចឧស្សាហកម្មទាំង ៨ (G8) ដោយធ្វើការដាក់ចំណាត់ថ្នាក់ទីក្រុងចំនួន ១០០ នៅប្រទេសចំនួន ៥៥។ ការដាក់ចំណាត់ថ្នាក់នេះ គឺធ្វើឡើងផ្អែកទៅលើកត្តាចំនួន ៣ គឺ ប្រសិទ្ធភាពនៃការគ្រប់គ្រងរដ្ឋបាល បរិស្ថាន និងភាពជឿនលឿននៃសេដ្ឋកិច្ច។ ជាលទ្ធផលទីក្រុង Sydney ជាប់ឈ្មោះមានកេរ្តិ៍ឈ្មោះបំផុតក្នុងលោក លេខ ២ ទីក្រុង Melbourne លេខ ៣ ទីក្រុង Stockholm លេខ ៤ ទីក្រុង Vienna លេខ ៥ទីក្រុង Vancouver លេខ ៦ ទីក្រុង Barcelona លេខ ៧ ទីក្រុង Edinburgh លេខ ៨ទីក្រុង Geneva លេខ ៩ទីក្រុង Copenhagen និងលេខ ១០ ទីក្រុង Venice៕
ប្រភព៖ Reputation Institute និង Business Insider
