មិន​មាន​អ្វី​ជា​ការ​សង្ស័យ​នោះ​ទេ ដែល​ទូរស័ព្ទ Galaxy ជំនាន់​ថ្មី​របស់ Samsung ម៉ូដែល Galaxy S7 កំពុង​ស្ថិត​ក្នុង​សង្វាក់​ផលិតកម្ម​នោះ ដើម្បី​ត្រៀម​ប្រកាស​ចេញ​នៅ​ដើម​ឆ្នាំ២០១៦ ខាង​មុខ។ ចំណែក​ពេល​នេះ រូបថត​អំពី​សម្បក​ស្មាតហ្វូន Galaxy ជំនាន់​ទី៧ នេះ​បាន​អណ្ដែត​នៅ​លើ​គេហទំព័រ Weibo ហើយ។ តើ​មាន​អ្វី​ខុស​ប្លែក​ពី Galaxy S6?

យ៉ាងណា​ពេល​នេះ គេ​ពុំ​ទាន់​ហ៊ាន​អះអាង​រូប​សម្បក​ខាង​លើ​ថា ពិត​ជា Galaxy S7 នៅ​ឡើយ គ្រាន់តែ​វា​មាន​រូបរាង​ដូច​ជា​សម្បក​ទូរស័ព្ទ​អីចឹង។ សម្បក​ទូរស័ព្ទ​អាថ៌កំបាំង​នេះ ត្រូវ​បាន​ឌីហ្សាញ​មាន​វ័ណ្ឌ​ជុំវិញ​ផលិត​ពី​លោហធាតុ។

គេ​រំពឹង​ថា Galaxy S7 នឹង​ត្រូវ Samsung ប្រកាស​ចេញ​នៅ​អំឡុង​ខែ​កុម្ភៈ ឬ​ខែ​មីនា​ ឆ្នាំ​ក្រោយ។ Galaxy S7 អាច​មាន​អេក្រង់ ៥,១អ៊ីញ​ប្រភេទ Super AMOLED ជាមួយ resolution ទំហំ 1440p ដំណើរការ​ដោយ Android Marshmallow, ប្រើ​កញ្ចក់ Gorilla Glass 5 និង​បំពាក់​ឈីប Exynos 8890 ឬ Snapdragon 820៕