Facebook Messenger អាចឱ្យប្ដូរ emoji ស្អាតៗនៅលើរាល់់ chat ជាមួយ friend បាន
Facebook កំពុងច្របាច់បញ្ចូលមុខងារថ្មីមានអត្ថប្រយោជន៍ទៅក្នុងកម្មវិធីផ្ញើសារ Messenger របស់ខ្លួនមុនពេលបិទទំព័រឆ្នាំ២០១៥ នេះ។ ថ្ងៃនេះ ក្រុមហ៊ុនបណ្ដាញសង្គមយក្ស បានប្រកាសថា Photo Magic ដែលប្រើការទទួលស្គាល់ដោយមុខ ដើម្បីងាយស្រួលដល់ដំណើរការចែកចាយ (share) រូបថតជាមួយ friend របស់អ្នក នឹងអាចប្រើបានទូលំទូលាយគ្រប់ទីកន្លែង។ កម្មវិធី Messenger ថែមទាំងត្រូវបានធ្វើបច្ចុប្បន្នភាពថ្មីពិសេសផងដែរ អាចឱ្យអ្នកប្រើប្ដូរពណ៌ប្រអប់អក្សរ (text bubble) សម្រាប់ការ chat ជាមួយ friend ខុសៗគ្នាបាន។
បច្ចុប្បន្នភាពថ្មីនេះ នឹងជួយដល់អ្នកប្រើដែលឧស្សាហ៍ភ្លេច ផ្ញើរូបថតក្រោយពេលមានពិធីជប់លៀង កម្មវិធីលក្ខណៈគ្រួសារផ្សេងៗ ឬការដើរលេងពេលរាត្រី។ ការ share រូបថតគឺមានលក្ខណៈ ងាយស្រួលជាងមុន ដោយគ្រាន់តែចុចតាបតែម្ដង (single tab) ប៉ុណ្ណោះ។ អ្នកក៏អាចបិទ (turn off) Photo Magic បានផងដែរ ប្រសិនឈប់ចង់ផ្ញើរូប ឬគ្រាន់តែមិនចង់ឱ្យរូបថតរបស់អ្នកស្ថិតក្រោមការគ្រប់គ្រងរបស់ Facebook។
ការអាប់ដេតថ្មីលើ Messenger ថែមទាំងអាចឱ្យអ្នកប្រើ ជ្រើសរើសរូប emoji ថ្មីស្អាតៗផងដែរ។ នៅលើប្រព័ន្ធដំណើរការ Android អ្នកប្រើនឹងមើលឃើញដុំព្រិលធ្លាក់ចុះពីលើ នៅក្នុងផ្ទាំង chat ជាមួយ friend របស់គេនៅពេលណាគេផ្ញើរូប Santa ឬរូប emoji ពាក់ព័ន្ធបុណ្យណូអែល ឬរូបស្ទីកកឺ (sticker) ជាដើម៕
