មិត្ត​អ្នក​អាន​មួយ​ចំនួន​ប្រហែល​ធ្លាប់​បាន​យល់​ដឹង​ច្រើន​មក​ហើយ​អំពី​មុខងារ​ពិសេសៗ​នៅ​លើ iPhone យ៉ាងណា​ក៏​នៅ​មាន​ខ្លះ ទើប​ចាប់​ផ្ដើម​ប្រើ ឬ​ប្រើ​យូរ​ហើយ​តែ​មិន​មាន​ពេល​ស្រាវជ្រាវ​ច្រើន។ នៅ​លើ iPhone មាន​មុខងារ​ពិសេសៗ ជួយ​សម្រួល​អ្នក​ប្រើ​បាន​ថែម​មួយ​កម្រិត​ទៀត​ប្រសិន​គេ​ចេះ​ប្រើ។ ទំព័រ​នេះ BizKhmer សូម​បង្ហាញ​ជូន​គន្លឹះ ៦យ៉ាង​ដើម្បី​ប្រើ iPhone ប្រកប​ដោយ​បទ​ពិសោធន៍​ខ្ពស់។ https://youtu.be/DWFpIH6b72Y ១) បិទ​សារ​ក្រើនរំលឹក (Turn off Notifications) ដើម្បី​កុំ​ឱ្យ​ស៊ី​ថ្ម​ខ្លាំង ម្យ៉ាងដើម្បីកុំឱ្យរំខានពេលអ្នកកំពុងសម្រាក៖ ចូល​ទៅ Settings → Notification Center → Switch off Alerts ២) ប្រើ Siri ដើម្បី​កំណត់​តារាង​ពេលវេលា (Siri Schedule) ៣) វាយ​អក្សរ​បាន​រហ័ស​ជាង​មុន (Faster Typing)៖ អ្នក​អាច​ប្រើ Keybord Bludtooth ភ្ជាប់​ជាមួយ iPhone។ ដើម្បី​ប្រើ​បាន​សូម​ចូល​ទៅ Settings → Bluetooth → រើស​យក​ឧបករណ៍​នោះ (Device)។ ៤) អ្នក​ក៏​អាច​ប្រើ Keyboard Shortcut ដើម្បី​ពន្លឿន​ការ​វាយ​អក្សរ​បាន​ផង​ដែរ។ ដើម្បី​កំណត់​សូម​ចូល​ទៅ Settings → General → Keyboard រួច Add New Shortcut។ ៥) សរសេរ​សារ​វែងៗ​ដោយ​ការ​អាន​សំឡេង (Dictate Longer Messages)៖ ដើម្បី​ប្រើ​មុខងារ​នេះ អ្នក​ត្រូវ​ចុច​លើ​ប៊ូតុង​មៃក្រូហ្វូន​ដែល​មាន​នៅ​ផ្នែក​ខាង​ឆ្វេង​និង​ខាង​ក្រោម​លើ Keyboard។ បន្ទាប់​ពី​ចុច​លើ​ប៊ូតុង​នេះ​រួច មុខងារ​នឹង​ថត​យក​សំឡេង​របស់​អ្នក​អាន និង​កត់ត្រា​ចេញ​ជា​ពាក្យ​អក្សរ​ភ្លាមៗ​តែ​ម្ដង។ ៦) ប្រើ​មុខងារ​ក្រើនរំលឹក​នៅ​ពេល​ទៅ​ដល់​ទីតាំង​ដទៃ (Lacation-based Remider)៖ សម្រាប់​ប្រព័ន្ធ​ប្រតិបត្តិការ iOS 7 ឡើង​ទៅ សូម​ចូល​ទៅ Remider នៅ​ក្នុង Settings រួច​ចុច​លើ​ប៊ូតុង​អក្សរ “i” រួច​បើក​មុខងារ (enable) ត្រង់ Remide me at a location រួច​ចូល​ទៅ Loacation ដើម្បី​កំណត់៕