ក្រុមហ៊ុន​សេវា​ទូរស័ព្ទ​ដឹក​មុខ​គេ​របស់​ចិន China Mobile ថ្មីៗ​នេះ​បាន​អះអាង​ថា កំពូល​ទូរស័ព្ទ Galaxy S7 របស់ Samsung នឹង​បង្ហាញ​ខ្លួន​នៅ​អំឡុង​ខែ​មីនា​ឆ្នាំ​២០១៦ ក្រោយ​នេះ។ ការ​អះអាង​នេះ ធ្វើឡើង​នៅ​អំឡុង​ព្រឹត្តិការណ៍​ថ្មី​មួយ ដែល​ក្រុមហ៊ុន​ធ្វើ​បទ​បង្ហាញ​រំពឹង​ចំណែកទីផ្សារ​របស់​ខ្លួន​នៅ​ប៉ុន្មាន​ខែ​ខាង​មុខ។

លើស​ពី​នេះ China Mobile ថែមទាំង​អះអាង​អំពី​តម្លៃ Galaxy ជំនាន់​ទី៧ នេះ ថា​អាច​ស្ថិត​ក្នុង​ល្បាក់​ជាង ៤៦០ដុល្លារ​អាមេរិក។ ព័ត៌មាន​ស្រដៀង​គ្នា​នេះ​ដែរ ពាក់ព័ន្ធ​នឹង​ស្មាតហ្វូន​ស៊េរី​ក្រោយ​ប៉ុន្មាន​ម៉ូដែល​ទៀត​ដូច​ជា Huawei P9 និង Galaxy A5 និង A7 ក៏​អាច​នឹង​ចេញ​ក្នុង​ពេល​ប្រហាក់ប្រហែល​គ្នា​ផង​ដែរ។ ការ​រំពឹង​ស្ដី​ពី​ការ​ប្រកាស Galaxy S7 ក្នុង​អំឡុង​ខែ​មីនា​ដែល​ធ្វើ​ឡើង​ដោយ China Mobile គឺ​មិន​ខុស​ពី​ការ​រំពឹង​របស់​ព្រឹត្តិបត្រ​ព័ត៌មាន WSJ ឡើយ ដែល​បាន​លើកឡើង​ថា ការ​ប្រកាស​អាច​ត្រូវ Samsung រៀបចំ​នៅ​អំឡុង​ព្រឹត្តិការណ៍ MWC ក្នុង​ខែ​កុម្ភៈ ហើយ​នឹង​ចេញ​លក់​នៅ​អាមេរិក​នៅ​ពាក់​កណ្ដាល​ខែ​មីនា៕