ប្រសិន​បើ​​ពិភពលោក​​ឆ្ពោះ​ទៅ​រក​អវសាន​ កន្លែង​ទាំង​នេះ​ដែលលោក​​អ្នក​គួរ​ទៅ​​



​​​គេហទំព័រ​ Business Insider ​បាន​​ផលិត​ខ្សែ​វីដេអូ​ខ្លី​មួយ​ដែល​​​​មាន​រយៈ​ពេល​ ​១​នាទី​ និង​ ៥០​វិនាទី​បង្ហាញ​ពី​ប្រទេស​​​ និង​​​​កន្លែង​​មួយ​ចំនួន​ដែល​​​មនុស្ស​​គួរ​ទៅ​ដើម្បី​​នៅ​មាន​ជីវិត​រស់​រាន​ ប្រសិន​បើ​ពិភពលោក​ឆ្ពោះ​ទៅ​​រក​អវសាន។ ​អាកាសធាតុ​នៅ​ក្នុង​ខែ​ធ្នូ​ដែល​ទើប​នឹង​ដាច់​ម្សិលមិញ​នេះ​ គឺ​អាច​បង្ក​មហន្តរាយ​​នៅ​តំបន់​មួយ​ចំនួន​​នៃ​ពិភពលោក​​ ខណៈ​វិបត្តិ​ភូមិសាស្ត្រ​នយោបាយ​​​​ពិភពលោក​បាន​ឈាន​ដល់​កម្រិត​​តានតឹង​​​ ដូច្នេះ​បើ​​ពិភពលោក​ជួប​​មហន្តរាយ​លក្ខណៈ​សកល​ ​លោក​អ្នក​អាច​លៃលក​គួរ​ទៅ​​តំបន់​ និង​ប្រទេស​​ខាង​ក្រោម​នេះ៖

  1. ប្រទេស​ដែន​កោះ​​អៃឡែន​ (Iceland) ៖ ជា​ប្រទេស​ដែល​មាន​ស្វ័យ​ការ​ពារ​ខ្លួន​​​ក៏​មិន​គួរ​​​​ឱ្យ​ជឿ។​ ប្រទេស​នេះ​ផ្ដល់​ថាមពល​ដោយ​​កម្លាំង​ថាមពល​ផែនដី​ដែល​កើត​ចេញ​ពី​បន្ទុះ​ភ្នំភ្លើង​​​ច្រើនលើកច្រើនសា។ ​ប្រទេស​នេះ​ក៏​មាន​ធនធាន​សម្បូរ​បែប​ផង​ដែរ​ដូច​ជា​អាហារ​សមុទ្រ​ជា​ដើម។
  2. កោះ​ហ្គាម​ (GUAM)៖ ជា​មូលដ្ឋាន​​កង​ទ័ព​អាមេរិក​ដ៏​រឹងមាំ​ និង​ធំ​​មួយ​នៅ​មហាសមុទ្រ​ប៉ាស៊ីហ្វិក។ ​ដូច្នេះ​កោះ​នេះ​​អាច​នឹង​ក្លាយ​ជា​កន្លែង​សម្រាប់​ភៀសខ្លួន​ដ៏​ល្អ​ក្នុង​ករណី​​បើ​ទំនាស់​រវាង​រុស្ស៊ី-​ទួរគី​ឈាន​ដល់​ការ​ផ្ទុះ​សង្គ្រាម​ និង​អាច​ឈាន​ដល់​សង្គ្រាម​លោក​លើក​ទី​បី។
  3. ទីក្រុង​ Denver៖ ​ជា​ទីក្រុង​ស្ថិត​នៅ​​ចុង​បំផុត​នៃ​ភាគ​បូព៌ា​នៃ​ទឹក​ដី​សហរដ្ឋ​អាមេរិក​ដែល​មាន​កម្ពស់​ប្រមាណ​ ១​ម៉ាយ​​លើ​នីវ៉ូ​ទឹក​សមុទ្រ។ ​ទីក្រុង​មាន​ដី​អំណោយ​ផល​សម្រាប់​កសិកម្ម​ ពោល​គឺ​មាន​ជីវជាតិ​​ប្រសិន​បើ​​កម្ដៅ​សកល​នៅ​តែ​បន្ត​កើន​ឡើង​បែប​​នេះ។
  4. វីប​អង់តាកទិច​៖ ​ទោះ​មាន​សង្គ្រាម​កម្រិត​ណា​ក៏​ដោយ​ ក៏​ទំនង​មិន​អាច​​ទៅ​ដល់​តំបន់​​ដ៏​ធំ​​នៃ​ទ្វីប​អង់តាកទិច​ដែល​គ្រប​ដណ្ដប់​ទៅ​ដោយ​ទឹក​កក​នោះ​ទេ។ ​​ប្រសិន​បើ​មាន​អាហារ​ និង​ជម្រក​សមរម្យ​ ទីនោះ​ហើយ​ជា​កន្លែង​ដ៏​ល្អ​បំផុត​ដើម្បី​គេច​ផុត​ពី​សង្គ្រាម។
  5. ទីក្រុង​ Bern ​ប្រទេស​ស្វីស៖ ជា​ប្រទេស​ស្ថានសួគ៌​មួយ​នា​ពេល​​អតីតកាល​ ព្រោះ​ប្រទេស​នេះ​មិន​បាន​រ៉ាំរ៉ៃ​ដោយ​សារ​សង្គ្រាម​​​លោក​​នោះ​ទេ។ ​​ទីក្រុង​Bern ​​ព័ទ្ធ​ជុំវិញ​ទៅ​ដោយ​ភ្នំ​ Alps ​ដែល​ធ្វើ​ឱ្យ​ទីក្រុង​នេះ​មាន​លក្ខណៈ​អំណោយ​ផល​ពី​ធម្មជាតិ​​ដើម្បី​ការពារ​ខ្លួន​ពី​ការ​វាយ​ប្រហារ​ពី​សត្រូវ៕

ដោយ៖ រតនៈ​វិភូ

X
5s