ហេតុផល៦យ៉ាង បញ្ជាក់ថាការនៅម្នាក់ឯងជួយពង្រឹងសក្ដានុពលរបស់អ្នកកាន់តែខ្លាំង
ពួកយើងគឺរស់នៅក្នុងសង្គមតែមួយហើយវាមានពេលតិចតួចណាស់ដែលយើងមានពេលសម្រាប់ខ្លួនឯង។ តែអ្នកប្រហែលជាមិនដឹងថាការនៅម្នាក់ឯងពេលខ្លះ ក៏ផ្ដល់ប្រយោជន៍ដល់អ្នកផងដែររួមមាន៖
១) អ្នកអាចមានគំនិតឆ្នៃប្រឌិតនិងមានប្រយោជន៍៖ នៅពេលអ្នកនៅម្នាក់ឯងច្បាស់ណាស់អ្នកមិនត្រូវការពឹង ពាក់ទៅ លើនរណាម្នាក់ទេ។ អ្វីៗទាំងអស់គឺអាស្រ័យទៅលើអ្នក ជាហេតុដែលជំរុញអោយអ្នកមានគំនិតជាច្រើនក្នុងការធ្វើអ្វីមួយ។
២) អ្នកខិតខំធ្វើការជាងមុន៖ នៅពេលអ្នកមានមនុស្សជាច្រើនចាំជួយជ្រោមជ្រែងអ្នកធ្វើការអ្វីមួយអ្នកប្រហែលជាមិនខំធ្វើកិច្ចការនោះអោយអស់ពីចិត្តទេ។ ពេលអ្នកនៅម្នាក់ឯងអ្នកនឹងចំណាយពេលជាច្រើនធ្វើកិច្ចការនោះពីព្រោះគ្មានអ្នកណាមកធ្វើកិច្ចការជំនួសអ្នកឡើយ។
៣) ពង្រីកទំនាក់ទំនង៖ ពេលអ្នកទៅក្រៅម្នាក់ឯងអ្នកក៏អាចបង្កើនទំនាក់ទំនងជាមួយមនុស្សប្លែកៗដែលមិនដែលស្គាល់។ អ្នកប្រហែលជាមិនដឹងថាការធ្វើការសន្ទនាជាមួយអ្នកដទៃ ក៏អាចផ្លាស់ប្ដូរជីវិតអ្នកផងដែរ។
៤) បន្ធូរអារម្មណ៍របស់អ្នក៖ ពេលខ្លះអ្នកអាចទទួលបានពេលវេលាសមគួរជាច្រើនសម្រាប់បន្ធូរអារម្មណ៍របស់អ្នក។
៥) អ្នកអាចធ្វើអ្វីដែលអ្នកចង់ធ្វើ៖ អ្នកមិនចាំបាច់ខ្វល់ច្រើនពីអ្នកដទៃហើយងាកមកធ្វើអ្វីដែលអ្នកចង់ធ្វើសម្រាប់ជីវិតអ្នក។
៦) អ្នកអាចសិក្សាពីខ្លួនឯង៖ អ្នកអាចយល់ច្រើនពីខ្លួនឯងក៏ដូចជាដឹងថាអ្នកចង់បានអ្វី។ហើយអ្នកអាចទទួលបានអ្វីដែលអ្នកមិនអាចបាននៅពេលអ្នកធ្វើការជាក្រុមនោះ៕
ដោយ៖ ព្រំ សុវណ្ណកណ្ណិកា
