រឿង​សំខាន់​​​​៤​យ៉ាង​​ ​អ្នក​គួរ​ធ្វើក្នុង​ការ​​​ប្រជុំ​ដើម្បី​​​ឲ្យ​មាន​ប្រសិទ្ធភាព​​ការងារ​ខ្ពស់​



បុគ្គលិក​ក្រុមហ៊ុន​មួយ​ចំនួន​មាន​ការ​ធុញ​ទ្រាន់​ណាស់​នៅ​ពេល​ដែល​មាន​កិច្ចប្រជុំ​ម្ដង​ៗ ​ប៉ុន្តែ​យ៉ាង​ណា​ក៏ដោយ ​ការ​ប្រជុំ​គឺ​ពិត​ជា​សំខាន់​ខ្លាំង​ណាស់​ដើម្បី​អាច​រក​យុទ្ធសាស្ត្រ​ថ្មីៗ​ក្នុង​ការ​ជំរុញ​ឲ្យ​ការងារ​កាន់​តែ​​មាន​ប្រសិទ្ធភាព​ជាង​មុន​។ ​ដូច្នេះ​ហើយ ​ដើម្បី​ឲ្យ​ការ​ប្រជុំ​របស់​អ្នក​ដំណើរ​ការ​ទៅ​បាន​ល្អ ​​អ្នក​គួរ​ប្រើ​​​វិធី​សំខាន់​ៗ​​ខាង​ក្រោម​ ​ដែល​មាន​ប្រយោជន៍​៖

១) ទំនាក់ទំនង​តាមរយៈ​​ទឹក​មុខ​ គឺ​ជា​​រឿង​សំខាន់​៖ ទំនាក់ទំនង​តាម​ទូរស័ព្ទ​​វា​ហាក់​ដូច​ជា​ចំណេញ​ពេលវេលា​តែ​​​វា​បាត់បង់​ទំនាក់​ទំនង​ជិតស្និទ្ធ​​រវាង​គ្នា​និង​គ្នា​។ ទំនាក់​ទំនង​ផ្ទាល់​​ៗ​ អាច​ពង្រឹង​ការ​សហការ​អោយ​កាន់​តែ​ជិតស្និទ្ធ។ ​ក្នុង​ស្ថានភាព​ខ្លះ​​ ​ប្រសិន​បើ​មិន​អាច​ជួប​ផ្ទាល់​ទេ ​គឺ​គួរ​តែ​ប្រជុំ​ឬ ​ជួប​និយាយ​គ្នា​តាម​វីដេអូ​ខនហ្វឺរ៉ែន​ក៏​បាន​ ​ព្រោះ​ការ​និយាយ​ដោយ​ឃើញ​មុខ​គ្នា​​ទៅវិញ​ទៅ​មក ​គឺ​កាន់​តែ​ជួយ​ឲ្យ​ម្នាក់ៗ​ចាប់​យល់​ពី​គ្នា​​ទៅវិញ​ទៅមក​។​

២) ពេលវេលា​ជា​អ្វី​ៗ​ទាំង​អស់៖ ពេល​វេលា​គឺ​ពិត​ជា​មាន​សារៈសំខាន់​ណាស់​​សម្រាប់​ការ​ប្រជុំ។ ត្រូវ​ចេះ​ជ្រើស​រើស​ពេល​វេលា​អោយ​សម​គួរ​សម្រាប់​ធ្វើ​ការ​ប្រជុំ កាល​បរិច្ឆេទ​និង​ទី​កន្លែង​ច្បាស់លាស់​។

៣) បង្ហាញ​សកម្មភាព​អោយ​ច្រើន​ជាង​ការ​និយាយ៖ គួរ​ចែក​រំលែក​ព័ត៌មាន​​ពី​ការ​ប្រជុំ​ចាស់​ៗ​​ឬ​កិច្ចការ​ថ្មី​ៗ​មុន​ពេល​ប្រជុំ។ ប្រើ​ប្រាស់​ប្រព័ន្ធ​អ៊ីមែល​ដើម្បី​ចែក​រំលែក​ព័ត៌មាន​ទាំង​នោះ។ ៤) អោយ​អ្នក​ដទៃ​បញ្ចេញ​មតិ៖ ដើម្បី​ធ្វើ​អោយ​មាន​ការ​ទាក់​ទង​គ្នា​កាន់​តែ​ស្រួល​ជាមុន​​ ​អ្នក​ត្រូវ​ចេះ​ផ្ដល់​តួនាទី​អោយ​​បុគ្គលិក​​គ្រប់​​គ្នា​​ ​ហើយ​ធានា​ថា​​ពួក​គេ​ក៏​អាច​មាន​សិទ្ធិ​ក្នុង​ការ​បញ្ចេញ​មតិ​ផង​ដែរ៕

ប្រែ​សម្រួល៖  ព្រំ​សុវណ្ណកណ្ណិកា
ប្រភព៖ www.businessnewsdaily.com

X
5s