វីដេអូ ៨ពាន់លានបានចាក់នៅលើ Facebook ជារៀងរាល់ថ្ងៃ តែអ្នកមើលមានតែ ៥០០លាននាក់
ក្រុមហ៊ុន Facebook ថ្មីៗនេះបានជំរុញឲ្យមានវីដេអូនៅលើទំព័រFacebook យ៉ាងសន្ធឹកសន្ធាប់ ពោលគឺមានរហូតដល់៨ពាន់លានវីដេអូ ត្រូវបានគេទស្សនាជារៀងរាល់ថ្ងៃ។ នេះបើតាមការអះអាងរបស់លោក Mark Zucherberg ស្ថាបនិកក្រុមហ៊ុនខាងលើ។ យោងតាមសារព័ត៌មាន Bloomberg បានអោយដឹងថា មនុស្ស៥០០លាននាក់បានមើលវីដេអូជារៀងរាល់ថ្ងៃនៅលើ Facebook ដោយសារតែមុខងារ ចាក់វីដេអូដោយខ្លួនឯង(autoplaying)របស់ Facebook។ សូមទស្សនាវីដេអូដែលបង្ហាញពីមុខងារនេះ៖
មូលហេតុដែល Facebook បង្កើតមុខងារចាក់វីដេអូដោយខ្លួនឯង គឺដោយសារតែខ្លួនបានបង្កើតប្រភេទផ្ទាំងពាណិជ្ជកម្មបែប វីដេអូ ដែលភាគច្រើនពាណិជ្ជកម្មប្រភេទនេះច្រើនមានក្នុងកម្មវិធីទូរទស្សន៍ ហើយផ្ទាំងពាណិជ្ជកម្មប្រភេទរូបភាពច្រើនក្នុងគេហទំព័រនានា។ នេះជាចំនុចបន្ថែមទៀតដែល Facebook មានគឺ៖ ១) Facebook មានអ្នកប្រើ ១ពាន់លាននាក់ដែលប្រើប្រព័ន្ធដំណើរការនៅលើ Android ។ ២) ៥០លាននាក់ដែលប្រើកម្មវិធី "Facebook Light” ដែលជាកម្មវិធីសម្រាប់ទូរស័ព្ទស៊េរីទាប និងអ៊ីនធឺណិតកម្រិតទាប។ ៣) រូបភាពច្រើនជាង ៨០លាន ត្រូវបានចែកចាយលើ Instagram ជារៀងរាល់ថ្ងៃ។ ៤) រូបភាពច្រើនជាង ៩.៥ ពាន់លានបានផ្ញើតាមរយៈ Facebook Messenger ជារៀងរាល់ខែ ។ ៥) មនុស្សចំនួន ៩២៥ លាននាក់កំពុងប្រើ Facebook Groups៕
