រឿង៧យ៉ាងដែលបុគ្គលជោគជ័យតែងធ្វើមុនញ៉ាំអាហារពេលព្រឹក
ខាងក្រោមនេះ គឺជាទម្លាប់ ៧យ៉ាងសង្ខេបខ្លីៗរបស់បុគ្គលជោគជ័យ ដែលតែងអនុវត្តន៍ជាប្រចាំមុនពេលញ៉ាំអាហារពេលព្រឹក។ ទម្លាប់ទាំង ១០យ៉ាងនោះគឺ៖
១) ក្រោកពីព្រលឹម៖ ភាគច្រើននៃបុគ្គលជោគជ័យ ក្រោកពីព្រលឹម ពោលគឺមុនពេលថ្ងៃរះ ឬមុនម៉ោង ៦ព្រឹក។
២) គិតពីរឿងវិជ្ជមាន និងសម្ដែងនូវការដឹងគុណ៖ ទោះបីជាជួបឧបសគ្គ ឬបញ្ហាអ្វីក៏ដោយ បុគ្គលជោគជ័យតែងគិតពីរឿងវិជ្ជមាន និងការដឹងគុណ។ សញ្ជឹងគិតថាតើ មានចំណុចល្អអ្វីខ្លះដែលខ្លួនកំពុងមានដូចជាគ្រួសារ មិត្តភ័ក្ដិ ក្រុមការងារ ឬកន្លែងរស់នៅដ៏ល្អជាដើម។ រឿងមួយ មិនត្រូវភ្លេច គឺសម្ដែងការដឹងគុណដល់អ្នកដែលបានធ្វើល្អចំពោះខ្លួន។
៣) ស្វែងរកគោលបំណងមួយសម្រាប់ថ្ងៃនេះ៖ បុគ្គលជោគជ័យតែង ស្វែងរកគោលបំណងមួយសម្រាប់ខ្លួនឯង ដែលត្រូវបំពេញនៅក្នុងថ្ងៃនេះ។ មានគោលបំណងទើប សកម្មភាពដែលធ្វើទៅសម្រេចតាមផែនការជាយុទ្ធសាស្ត្រសម្រាប់ជីវិត ក៏ដូចជាអាជីវកម្មរបស់ខ្លួន។
៤) ធ្វើបញ្ជីសកម្មភាពដែលត្រូវបំពេញប្រចាំថ្ងៃ៖ នៅពេលព្រឹកឡើង បុគ្គលជោគជ័យត្រូវធ្វើបញ្ជីសកម្មភាពដែលត្រូវបំពេញក្នុងថ្ងៃនេះ។ សកម្មភាពនេះនឹងជួយរម្លឹក ក៏ដូចជាដាស់តឿនស្មារតី ថាតើការងារជាអាទិភាព និងមិនសំខាន់អ្វីខ្លះដែលត្រូវបំពេញ និងទុកចោល។
៥) បុគ្គលជោគជ័យចូលចិត្តអានកាសែត៖ នេះជាការបង្កើនពុទ្ធិពីរឿងសង្គម សេដ្ឋកិច្ច នយោបាយទាំងក្នុងស្រុក និងអន្តរជាតិ។
៦) ចំណាយពេលជាមួយគ្រួសារ៖ បុគ្គលជោគជ័យតែងនិយាយពាក្យល្អៗ ទៅកាន់កូន ទៅកាន់ប្រពន្ធ និងចំណាយពេលជាមួយក្រុមគ្រួសាររបស់គេនាពេលព្រឹកព្រលឹម។ អ្នកខ្លះក៏ញ៉ាំបាយព្រឹកនៅផ្ទះជាមួយកូន ប្រពន្ធ និងសមាជិកគ្រួសាររបស់គេថែមទៀតផង។
៧) មិនភ្លេចទេរឿងហាត់ប្រាណ៖ ការហាត់ប្រាណជួយឱ្យរាងកាយ និងសុខភាពមាំទាំ។ បុគ្គលជោគជ័យស្ទើរតែគ្រប់រូប មិនរំលងរឿងហាត់ប្រាណនោះទេ៕
ដោយ៖ រតនៈវិភូ
