វិធី ៧យ៉ាងដើម្បីប្រែក្លាយជីវិតរបស់អ្នកទៅជាមហាសេដ្ឋីក្នុងវ័យខ្ទង់ ២០ឆ្នាំ
BizKhmer បានចុះផ្សាយអត្ថបទជាច្រើនរួចមកហើយ អំពីវិធីប្រែក្លាយខ្លួនទៅជាមហាសេដ្ឋី។ នៅថ្ងៃនេះវិញ សូមនាំយកវិធី ៧យ៉ាងដើម្បីធ្វើយ៉ាងណាលោកអ្នកអាចអភិវឌ្ឍន៍ខ្លួនជាមហាសេដ្ឋីក្នុងវ័យខ្ទង់ ២០។
១) ផ្ដោតទៅលើការបង្កើតប្រាក់ចំណេញដោយវិធីដោយលឿន៖ មានមនុស្សមិនតិចនាក់នោះទេដែលចង់ក្លាយជាមហាសេដ្ឋីតាមរយៈអាជីពដែលគេជ្រើសរើសដូចជាមេធាវី វេជ្ជបណ្ឌិត ឬធនាគារិកជាដើម។ វាអាចទៅរួច ក៏ប៉ុន្តែត្រូវចំណាយពេលរាប់ឆ្នាំទម្រាំអាចអភិវឌ្ឍន៍ខ្លួនទៅបាន។ អ្នកត្រូវចាប់ផ្ដើមដោយការបង្កើតអាជីវកម្ម។ មានមហាសេដ្ឋីជាច្រើនដែលបានក្លាយជាមហាសេដ្ឋីដោយមិនចំណាយពេលរាប់ឆ្នាំដើម្បីសិក្សានោះទេ។
២) សិក្សានៅមហាវិទ្យាល័យ និងការងារក្រោយចប់គឺខុសគ្នា៖ ប្រសិនបើគោលដៅទីមួយរបស់អ្នកចង់ក្លាយជាមហាសេដ្ឋីពិតមែននោះ លោកអ្នកមិនចាំបាច់ជ្រើសរើសការងារដោយផ្ដោតទៅលើអ្វីតែមុខនោះទេ។ បើអ្នកចង់ក្លាយជាអ្នករកស៊ីពិតប្រាកដមែន គឺអ្នកអាចរៀនតាមប្រព័ន្ធអ៊ីនធឺណិតបាន ប៉ុន្តែអ្នកត្រូវដាក់ចិត្តពិតប្រាកដទៅលើការងាររកស៊ី។
៣) លះបង់ជីវិតហ៊ឺហារបស់អ្នកដើម្បីការសិក្សា៖ ជាការពិត ប្រសិនបើអ្នកចង់ក្លាយជាមហាសេដ្ឋី លោកអ្នកគួរតែលះបង់ជីវិតដើរលេងហ៊ឺហារបស់អ្នកទៅផ្ដោតទៅលើការសិក្សា និងអាជីពរបស់អ្នក។ ចំណាយពេលរៀនសូត្រឱ្យបានច្បាស់លាស់ ទៅលើជំនាញ និងសម្រួចដុងរបស់អ្នក និងអភិវឌ្ឍន៍ផលិតផលឬសេវាកម្មសម្រាប់ផ្ទាល់ខ្លួនរបស់អ្នក។ ៤) ត្រូវហ៊ានទទួលយកបរាជ័យ និងកំហុស៖ មិនថាអ្នកដើរតាមផ្លូវណានោះទេ លោកអ្នកមិនអាចគេចផុតពីដើរជាន់បន្លា ឬជំពប់ជើងទេ។ ដូច្នេះលោកអ្នកត្រូវហ៊ានទទួលយកការបរាជ័យ និងកំហុសដែលអាចនឹងកើតមានឡើងជាយថាហេតុ។
៥) ដាក់មហិច្ឆតាឱ្យខ្ពស់៖ លោកអ្នកគួរតែផ្ដោតទៅលើការបង្កើតផលិតផល ឬសេវាកម្មឱ្យបានល្អបំផុត នោះលុយនឹងហូរូលដោយខ្លួនឯង។ ដាក់មហិច្ឆតាឱ្យបានខ្ពស់ ហើយត្រូវខិតខំសម្រេចមហិច្ឆតានោះឱ្យបានដោយបង្កើតបង្កើតផលិតផល ឬសេវាកម្មឱ្យបានច្រើន។
៦) កុំជ្រើសរើសយកវិធីទុច្ចរិតដើម្បីក្លាយជាមហាសេដ្ឋី៖ ដើម្បីបានក្លាយជាមហាសេដ្ឋី លោកអ្នកត្រូវតែមានភាពស្មោះត្រង់ និងអំណត់ ហើយដាច់ខាតមិនត្រូវជ្រើសរើសយកវិធីទុច្ចរិតដើម្បីក្លាយជាអ្នកមានជាដាច់ខាត។
៧) ទាញអត្ថបទទៅលើវិធីដែលកំពុងមានសន្ទុះ៖ ត្រូវចេះមើលវិស័យដែលកំពុងមានសន្ទុះខ្លាំងដែលលោកអ្នកអាចបោះជំហានចូលបាន ហើយអាចកើបចំណេញបានលឿន៕
ដោយ៖ រតនៈវិភូ
