មហាអំណាចសេដ្ឋកិច្ចពិភពលោកផុតលេខទាំង ២០នៅឆ្នាំ២០៣០
នៅពេល ១៥ឆ្នាំទៀតនេះ សហរដ្ឋអាមេរិកនឹងកាន់តែបាត់បង់ឥទ្ធិពលរបស់ខ្លួន ស្របពេលដែលមហាអំណាចសេដ្ឋកិច្ចថ្មីៗជាច្រើនទៀតនឹងលេចមុខឡើង ខណៈដែលមហាអំណាចសេដ្ឋកិច្ចធំៗនៅអឺរ៉ុបនឹងបាត់បង់ឥទ្ធិពលនៅលើ ឆាកអន្តរជាតិ។ នេះបើយោងតាមការចុះផ្សាយដោយ Bloomberg។
យោងតាមការចេញផ្សាយរបស់ក្រសួងកសិកម្មសហរដ្ឋអាមេរិកបានឱ្យដឹងថា ការវាយតម្លៃម៉ាក្រូសេដ្ឋកិច្ចសហរដ្ឋអាមេរិកនៅឆ្នាំ២០៣០ គឺនៅតែជាមហាសេដ្ឋកិច្ចពិភពលោកជាដដែល ដែលមានតម្លៃផលិតផលសរុបប្រមាណ ២៤,៨ទ្រីលានដុល្លារប្រចាំឆ្នាំ។ ងាកមកមើលផលិតផលក្នុងស្រុកសរុបរបស់ចិនវិញ គឺនឹងកើនឡើងធំជាងសព្វថ្ងៃពីរដង ដែលធ្វើឱ្យចិនមានកម្លាំងសេដ្ឋកិច្ចប្រកៀកប្រកិតនឹងសហរដ្ឋអាមេរិក។
មហាអំណាចសេដ្ឋកិច្ចអាស៊ីមួយទៀត គឺឥណ្ឌា នឹងវ៉ាដាច់ប្រេស៊ីល អង់គ្លេស បារាំង អាល្លឺម៉ង់ និងជប៉ុនដើម្បីដណ្ដើមយកតំណែងមហាសេដ្ឋកិច្ចទីបីក្នុងលោក។ តាមការវាយតម្លៃរបស់មូលនិធិអន្តរជាតិ ឥណ្ឌានឹងមានកម្លាំងពលកម្មច្រើនជាងគេបំផុតក្នុងលោកក្នុងរយៈពេល ១៥ឆ្នាំទៀតនេះ។
មហាអំណាចសេដ្ឋកិច្ចទាំង ២០នៅឆ្នាំ២០៣០ គឺ៖
១) សហរដ្ឋអាមេរិក ៖ ២៤,៨ទ្រីលានដុល្លារ
២) ចិន ៖ ២២,២ទ្រីលានដុល្លារ
៣) ឥណ្ឌា ៖ ៦,៦ទ្រីលានដុល្លារ
៤) ជប៉ុន ៖ ៦,៤ទ្រីលានដុល្លារ
៥) អាល្លឺម៉ង់ ៖ ៤,៥ទ្រីលានដុល្លារ
៦)ប្រេស៊ីល ៖ ៤ទ្រីលានដុល្លារ
៧) អង់គ្លេស ៖ ៣,៦ទ្រីលានដុល្លារ
៨) បារាំង ៖ ៣,៣ទ្រីលានដុល្លារ
៩) កាណាដា ៖ ២,៦ទ្រីលានដុល្លារ
១០) រុស្ស៊ី ៖ ២,៤ទ្រីលានដុល្លារ
១១) អ៊ីតាលី ៖ ២,៣ទ្រីលានដុល្លារ
១២) ម៉ិកស៊ីកូ ៖ ២,៣ទ្រីលានដុល្លារ
១៣) ឥណ្ឌូណេស៊ី ៖ ២,១ទ្រីលានដុល្លារ
១៤) អូស្ត្រាលី ៖ ១,៩ទ្រីលានដុល្លារ
១៥) កូរ៉េខាងត្បូង ៖ ១,៩ទ្រីលានដុល្លារ
១៦) អេស្ប៉ាញ ៖ ១,៨ទ្រីលានដុល្លារ
១៧) ទួរគី ៖ ១,៦ទ្រីលានដុល្លារ
១៨) អារ៉ាប៊ីសាអូឌីត ៖ ១,៣ទ្រីលានដុល្លារ
១៩) នីហ្សេរីយ៉ា ៖ ១ទ្រីលានដុល្លារ
២០) ហុឡង់ដ៍ ៖ ១ទ្រីលានដុល្លារ
ដោយ៖ រតនៈវិភូ
