សមាសភាព ៤ យ៉ាងដែលលោកអ្នកត្រូវមានដើម្បីធ្វើឱ្យជីវិតរបស់អ្នកប្រសើរឡើង
យើងមានជីវិតរស់នៅប្រចាំថ្ងៃមិនមែនមានតម្លៃនោះទេ ប្រសិនបើអ្នកមិនបានកែខៃជីវិតឱ្យកាន់តែប្រសើរថែមទៀតនោះ។ ជីវិតប្រៀបបានទៅនឹងសម្ល ដែលត្រូវការគ្រឿងផ្សំជាច្រើន ដើម្បីឱ្យមានរសជាតិឆ្ងាញ់។ ខាងក្រោមនេះ គឺជាសមាសធាតុ ៤យ៉ាងដែលលោកអ្នកគួរមានដើម្បីឱ្យជីវិតកាន់តែប្រសើរឡើង៖
១) ផលិតភាពការងារ៖ មិនមែនខំប្រឹងមួយមុខគឺគ្រប់គ្រាន់នោះទេ។ ការធ្វើការងារគឺទាមទារឱ្យមានលទ្ធផលពោលគឺធ្វើការងារតាមរបៀបមនុស្សឆ្លាតដែលអាចសម្រេចផលបានកាន់តែច្រើនកាន់តែល្អ។ ដូច្នេះផលិតភាពការងារ គឺជារឿងសំខាន់លោកអ្នកត្រូវតែមាន។
២) មិត្តភ័ក្ដល្អ៖ មិត្តភ័ក្តក៏ត្រូវមានការប្រុងប្រយ័ត្នខ្ពស់ក្នុងការសេពគប់ដែរ។ មនុស្សល្អ នឹងនាំអ្នកទៅរកភាពប្រសើរ តែបើចំមិត្តអាក្រក់ច្បាស់ជានាំអ្នកឱ្យអន្តរាយ និងហិនហោចផងដែរ។
៣) ការគាំទ្រពីគ្រួសារ និងសាច់ញ្ញាតិ៖ ការងារអាចជោគជ័យទៅបានក៏អាស្រ័យទៅលើការគាំទ្ររបស់គ្រួសារ និងសាច់ញ្ញាតិរបស់អ្នកដែរ។ ដូច្នេះអ្នកមិនត្រូវភ្លេចពួកគាត់នោះទេ មិនថាឪពុកម្ដាយ បងប្អូន ពូមីង ឬអុំ ឬតាយាយ។ ត្រូវយកចិត្តទុកដាក់ពួកគេ និងត្រូវចេះជំរុញឱ្យពួកគាត់ធ្វើអំពើល្អ។
៤) ស្មារតីរឹងប៉ឹង៖ ស្មារតីរឹងប៉ឹង មិនងាយនឹងស្លុតចំពោះបញ្ហាផ្សេងៗ នឹងធ្វើឱ្យអ្នកក្លាយជាមនុស្សរឹងមាំមួយខាងផ្នែកស្មារតី។ បើអ្នកធ្វើបាន នោះនឹងអ្នកក្លាយជាមនុស្សអត់ទ្រាំ និងរឹងបឹងចំពោះបញ្ហាដែលធ្វើឱ្យអ្នកជំនះបាននូវឧបសគ្គបានច្រើនក្នុងជីវិត៕
ដោយ៖ រតនៈវិភូ
