យុវតីម្នាក់ត្រូវបានសង្សារជាទីស្រលាញ់បំផុតឃុំក្នុងរូងបេតុង ៨ខែឱ្យអាហារ ២ដង/សប្ដាហ៍ ដោយសារជឿគ្រូធ្មប់
យុវតីជនជាតិតង់ហ្សានីម្នាក់មានវ័យប្រមាណ ២០ឆ្នាំត្រូវបានគេប្រទះឃើញនៅក្នុងរូងបេតុងក្រោយពីឃុំខ្លួនអស់រយៈ ពេល ៨ខែដោយមិត្តប្រុសរបស់នាង ព្រោះតែមិត្តប្រុសនាងជឿគ្រូធ្មប់ថា នឹងធ្វើឱ្យគេក្លាយជាអ្នកមាន។
យុវតីម្នាក់នេះត្រូវបានប្រទះឃើញអាក្រាតកាយ បត់ខ្លួននៅក្នុងរូងបេតុង បន្ទាប់ពីមានការរាយការណ៍ទៅប្រាប់សមត្ថកិច្ចថាមានមានមនុស្សនៅក្នុងរូងបេតុងនោះ។ តាមការអះអាង នាងត្រូវបានផ្ដល់អាហារឱ្យញ៉ាំតែ ២ដងប៉ុណ្ណោះក្នុងមួយសប្ដាហ៍។
យុវតីម្នាក់នេះបានថមថយកម្លាំង និងស្គមរីករៃយ៉ាងខ្លាំង ហើយសាច់ដុំឆ្អឹងខ្នងរបស់នាងស្ទើរតែរមូលចូលគ្នា ខណៈដែលភ្នែករបស់នាងមិនអាចសម្លឹងពន្លឺបានទេ។ នាងត្រូវការពេលវេលារាប់ខែដើម្បីព្យាយាម និងស្ដារនីតិសម្បទាឡើងវិញ។
ប្រភពព័ត៌មានក្នុងស្រុករាយការណ៍ថាបុរសម្នាក់នោះជាអ្នកសង់រូងគុកបេតុងដាក់មិត្តស្រីរបស់ខ្លួនដោយផ្ទាល់ដៃ បន្ទាប់ពីមានគ្រូធ្មប់ម្នាក់ប្រាប់ថា គេត្រូវតែកប់មនុស្សដែលគេស្រលាញ់បំផុតដើម្បី បានក្លាយជាអ្នកមាន៕
ដោយ៖ រតនៈវិភូ
