ភាគហ៊ុនក្រុមហ៊ុនអេឡិចត្រូនិកSharp ធ្លាក់ចុះ១៥% ក្រោយពេលក្រុមហ៊ុនFoxconnពន្យារពេលទិញយក
ភាគហ៊ុនរបស់ក្រុមហ៊ុនអេឡិចត្រូនិកSharp បានធ្លាក់ចុះ១៥ភាគរយ ដោយសារតែកិច្ចសន្យាលក់ទៅឲ្យក្រុមហ៊ុនFoxconn របស់តៃវ៉ាន់ត្រូវបានពន្យារពេល។
ក្រុមហ៊ុន Sharpបានប្រកាសកាលពីថ្ងៃពុធម្សិលមិញថា កិច្ចព្រមព្រៀងលក់ទៅឲ្យក្រុមហ៊ុន Foxconn គឺមានតម្លៃប្រមាណ៤,៣ពាន់លានដុល្លារអាមេរិក។ ប៉ុន្តែក្រោយមក ក្រុមហ៊ុន Foxconnបានពន្យារពេលការចុះហត្ថលេខា ដោយទាមទារឲ្យក្រុមហ៊ុន Sharpផ្ដល់ព័ត៌មានលម្អិតបន្ថែមទៀត។
ដូច្នេះហើយ ការពន្យារពេលចុះហត្ថលេខានេះហើយ បានធ្វើឲ្យភាគហ៊ុនរបស់ក្រុមហ៊ុនអេឡិចត្រូនិកSharp ដាំក្បាលចុះក្រោម រហូតដល់១៥ភាគរយ។
សូមបញ្ជាក់ថាSharpជាក្រុមហ៊ុនចំណាស់មួយរបស់ជប៉ុន ដែលបង្កើតឡើងតាំងពីឆ្នាំ២០១២ ប៉ុន្តែក្រោយរយៈពេលប៉ុន្មានឆ្នាំចុងក្រោយនេះ ក្រុមហ៊ុន Sharpហាក់ជួបនឹងបញ្ហាជាច្រើន ជាពិសេសការជំពាក់បំណុល ហើយស្ទើរតែក្ស័យធនទៅហើយកាលពីឆ្នាំ២០១២ ដូច្នេះហើយក៏សម្រេចលក់ទៅឲ្យក្រុមហ៊ុន Foxconnរបស់តៃវ៉ាន់៕
ដោយ៖ អ៊ុន ភក្តី
