រឿងតូចតាចដែលអ្នកគួរតែធ្វើដើម្បីរក្សាសម្ពន្ធភាពល្អជាមួយអ្នកដទៃឱ្យបានយូរអង្វែង
បើសិនជាអ្នកចង់រក្សាសម្ពន្ធភាពរបស់អ្នកជាមួយអ្នកដទៃឲ្យបានគង់វង្ស និងយូរអង្វែង អ្នកគួរតែមិនភ្លេចធ្វើរឿងតូចតាចទាំង ៧យ៉ាងខាងក្រោមនេះ៖
១. ការបារម្ភ៖ អ្នកគួរតែបារម្ភពីគេឲ្យបានច្រើន តែមិនមែនធ្វើពុតជាបារម្ភនោះទេ ហើយពេលខ្លះអ្នកគួរលះបង់ពេលវេលា និងភាពអាត្មានិយមរបស់អ្នកខ្លះប្រសិនបើអ្នកចង់មានទំនាក់ទំនងល្អជាមួយពួកគេ។
២. ការចងចាំ៖ អ្នកគួរតែចងចាំពីថ្ងៃកំណើតរបស់ពួកគេ អ្វីដែលពូកគេចូលចិត្តញាំ ឬអ្វីដែលពួកគេចូលចិត្តធ្វើជាដើម។
៣. ការផ្សារភ្ជាប់៖ ព្យាយាមទៅណាមកណាជាមួយគ្នាប្រសិនបើអ្នកមានពេលទំនេរព្រោះថាវាអាចបង្កើនភាពស្និទ្ធស្នាលនិងអាចធ្វើឲ្យអ្នកយល់ពីគ្នាបានច្រើនជាងមុន។
៤. ការផ្ដល់យោបល់៖ អ្នកមិនគួរសម្របនិងគាំទ្រការសម្រេចចិត្តរបស់គេរហូតពេកនោះទេ ផ្ទុយទៅវិញអ្នកជួយតែផ្ដល់យោបល់ក៏ដូចជាគំនិតដើម្បីឲ្យគេធ្វើការសម្រេចចិត្តបានល្អនិងប្រសើរជាងមុន។
៥. សប្បាយចិត្តនៅពេលដែលឃើញអ្នកដទៃទទួលបានភាពជោគជ័យ៖ អ្នកមិនគួរច្រណែនពួកគេនោះទេ ហើយប្រសិនបើអ្នកចង់ជោគជ័យដូចពួកគេ អ្នកគួរតែចេះអភិវឌ្ឍខ្លួននិងរៀនតាមពួកគេវិញទើបល្អជាជាង។
៦. ស្ដាប់ដោយយកចិត្តទុកដាក់៖ អ្នកត្រូវតែយល់ពីស្ថានភាពរបស់ពួកគេ មិនបាច់ចាំទាល់តែពូកគេនិយាយចេញមកក្រៅនោះទេ។ ហើយស្ដាប់ទាំងអ្វីដែលគេនិយាយ និងមិននិយាយព្រមទាំងចាំគាំទ្រនិងលើកទឹកចិត្តគេរហូតទៅផងដែរ។
៧. ធ្វើឲ្យដទៃញញឹម៖ ទោះបីជាពួកគេមានវិបត្តិឬឧបសគ្គក្ដី អ្នកគួរតែព្យាយាមធ្វើឲ្យគេសើចឬញញឹមឲ្យបានច្រើន ព្រោះថាវាអាចធ្វើឲ្យអ្នកដទៃមានអារម្មណ៍ល្អមកលើអ្នក៕
ប្រែសម្រួល៖ តូច ម៉ាយ៉ារស្មី
ប្រភព៖ www.lifehack.org
