ប្រទេសទាំង៥ក្នុងលោក ដែលមានគំនិតច្នៃប្រឌិតខ្ពស់បំផុត ហើយអូស្ត្រាលីស្ថិតក្នុងលំដាប់កំពូល
ការសិក្សាឆ្នាំ ២០១៥នេះបានបង្ហាញ អំពីប្រទេសដែលមានការច្នៃប្រឌិតខ្ពស់បំផុតនៅលើពិភពលោក។ ការសិក្សានេះធ្វើឡើងដោយ វិទ្យាស្ថានMartin Prosperity Institute ដែលមានមូលដ្ឋានក្នុងប្រទេសកាណាដា។ វិទ្យាស្ថានMartin Prosperity Institute បានសិក្សាលើប្រទេសចំនួន១៣៩នៅលើពិភពលោក។
ខាងក្រោមនេះ គឺជាប្រទេសចំនួន៥ ដែលមានការច្នៃប្រឌិតខ្ពស់បំផុតក្នុងលោក៖
១) អូស្ត្រាលី
២) សហរដ្ឋអាមេរិក
៣) នូវែលហ្សេឡង់
៤) កាណាដា
៥) ដាណឺម៉ាក
មានចំណុច៣សំខាន់ ដើម្បីវាយតម្លៃថា ប្រទេសណាមួយមានកម្រិតច្នៃប្រឌិតខ្ពស់បំផុត។ ទី១ គឺគេសិក្សាទៅលើផ្នែកបច្ចេកវិទ្យា ដើម្បីបញ្ជាក់ប្រទេសទាំងនោះមានការអភិវឌ្ឍន៍ ឬ យល់ដឹងពីបច្ចេកវិទ្យាដល់កម្រិតណា។ ទី២គឺទេពកោសល្យ ដែលចំណុចនេះគេត្រូវមើលទៅលើសមត្ថភាពរបស់យុវជន ទាំងផ្នែកសិក្សា និង ផ្នែកការងារជាក់ស្តែង។ ចុងក្រោយគឺការអធ្យាស្រ័យ។ ការអធ្យាស្រ័យនេះក៏ត្រូវបានគេចាត់ចូលជាចំណុចស្នូលផងដែរ ក្នុងការវាយតម្លៃថា ប្រទេសណាមួយមានកម្រិតច្នៃប្រឌិតបែបណា ហើយវាត្រូវបានគេមើលទៅលើ ឥរិយាបថរបស់ប្រជាជនក្នុងប្រទេសនីមួយៗ ថាតើមានការអធ្យាស្រ័យ និង អត់ឱន ឬ មួយក៏អាចសម្របខ្លួនបានប៉ុណ្ណាជាមួយនឹង ជាតិសាសន៍ដទៃ ជនភៀសខ្លួន អ្នកស្រលាញ់ភេទដូចគ្នា និង ជនជាតិភាគតិចជាដើម៕
