​ប្រសិន​អ្នក​ជា​នាយក​ប្រតិបត្តិ​ក្រុមហ៊ុន​បណ្ដាញ​សង្គម​មួយ ដែល​មាន​អ្នក​ប្រើប្រាស់​ជា​មធ្យម​ខ្ទង់ ២ពាន់​លាន​គណនី​វិញ តើ​អ្នក​នឹង​ធ្វើ​អ្វី​ម្យ៉ាង ដើម្បី​មិន​ឱ្យ​អ្នក​ណា អាច​ប្លុក (block) អ្នក និង​ភរិយា​របស់​អ្នក​លើ​បណ្ដាញ​សង្គម​របស់​ខ្លួន ឬ​ទេ? ​នេះ​ជា ការ​អះអាង​ពី​អ្នក​ប្រើ Facebook ​មួយ​ចំនួន ដែល​សាកល្បង​ចូល​ទៅ​គណនី​លោក Mark Zuckerberg និង​ភរិយា​របស់​លោក អ្នក​ស្រី Priscilla Chan ​គឺ​ថា មុខងារ Block នេះ​មិន​ដំណើរការ​លើ​គណនី​អ្នក​ទាំង​ពីរ​នោះ​ឡើយ។

ជាក់ស្ដែង​ខ្ញុំ​បាន​សាកល្បង​ដោយ​បើក​ចូល​ទៅ​គណនី​ផ្លូវការ​របស់​មហាសេដ្ឋី​វ័យក្មេង និង​ជា​ម្ចាស់​បណ្ដាញ​ទំនាក់ទំនង​សង្គម​យក្ស Facebook នេះ ហើយ​បាន​ចុច​លើ​មុខងារ Block ​ប៉ុន្តែ បែរ​ជា​មាន​​ផ្ទាំង​សារ​​មួយ​លោត​​ឡើង “This profile can't be blocked for now” គឺ​បញ្ជាក់​ថា Profile លោក Zuckerberg មិន​អាច​ត្រូវ​បាន​គេ​ប្លុក​បាន​ទេ​ក្នុង​ពេល​នេះ។ ហើយ​ក៏​មាន​សារ​បញ្ជាក់​ទៀត​ថា “You can report Pages or profiles if you think they’re doing something that goes against our Community Standards. Learn more. If you think you're seeing this by mistake, please let us know”។ ​យ៉ាងណា មាន​ការ​ចោទ​សួរ​នៅ​លើ​ទំព័រ​សំណួរ​ចម្លើយ​របស់ Facebook ហើយ​ខាង​ក្រុមហ៊ុន​បាន​ពន្យល់​ថា មូលហេតុ​បាន​ជា​គណនី​អ្នក​ទាំងពីរ (Mark Zuckerberg និង Priscilla Chan) មិន​អាច​ត្រូវ​គេ​ប្លុក​បាន គឺ​ដោយសារ​មាន​អ្នក​ប្រើ (user) ដ៏​ច្រើន​បាន​ធ្វើ​វា​ពី​មុន​មក​ហើយ។ មាន​ន័យ​ថា ចំនួន​នៃ​ការ​ប្លុក​លើ​គណនី​មួយ​គឺ​មាន​កំណត់ នេះ​គឺ​អាច​ទៅ​រួច​ ប្រាកដ។ អ្នក​នាំ​ពាក្យ​របស់ Facebook បាន​ប្រាប់​សារព័ត៌មាន Guardian ថា បញ្ហា​នេះ គឺ​មិន​ទាក់ទង​ទៅ​នឹង​គណនី​ណាមួយ​នោះ​ឡើយ វា​កើត​ចេញ​ពី​មនុស្ស ដែល​ត្រូវ​បាន​ប្លុក គឺ​ត្រូវ​គេ​ធ្វើ​ឡើង​ក្នុង​ចំនួន​យ៉ាង​ច្រើន​ដង។ វា​ជា​ករណី​កម្រ​ខ្លាំង​ណាស់។ “This error isn’t specific to any one account. It’s generated when a person has been blocked a certain large number of times. In very rare instances, a viral campaign will develop instructing lots of people to all wrongly block the same person"៕ ​ដោយ៖ រឹទ្ធិរាជ ប្រភព៖ techspot