​ប្រសិន​អ្នក​ជា user ម្នាក់​ក្នុង​ចំណោម​អ្នក​ប្រើ ៣៣០លាន​នោះ អ្នក​គួរតែ​ពិចារណា​ប្ដូរ​លេខ​កូដ Password។ បណ្ដាញ​សង្គម Twitter ​ថ្មីៗ​នេះ​ត្រូវ​គេ​រក​ឃើញ​នូវ​បញ្ហា bug ​ដែល​អាច​ឱ្យ​គេ​លួច​ព័ត៌មាន​គណនី​អ្នក​ប្រើ​តាមរយៈ​វា​បាន។ ដំណើរការ​ bug នេះ​គឺ​ត្រូវ​បាន​ប្រើ​សម្រាប់ រក្សា​ទុក​នូវ​ដំណើរការ​ភ្ជាប់​ចូល​បណ្ដាញ​សង្គម (internal logs)។ ក្រោយ​រក​ឃើញ​បញ្ហា​ bug នេះ​ភ្លាម ក្រុមហ៊ុន Twitter ធ្វើការ​ស៊ើបអង្កេត​ភ្លាមៗ​ដែរ តែ​មិន​បង្ហាញ​សញ្ញាណ​ខូចខាត ឬ​ការ​បែកធ្លាយ​ព័ត៌មាន​អ្នក​ប្រើ​អ្វី​នៅ​ឡើយ។ យ៉ាងណា ក្រុមហ៊ុន​កំពុង​ណែនាំ​អ្នក​ប្រើ ឱ្យ​ផ្លាស់ប្ដូរ​លេខ​សំខាន់​របស់​ពួក​គេ​នៅ​លើ Twitter ​ដែល​ជា “ការ​ប្រុងប្រយ័ត្ន​កម្រិត​ខ្ពស់​បំផុត”។

​ប្រធាន​ផ្នែក​បច្ចេកវិទ្យា​លោក Parag Agrawal បាន​ពន្យល់​ថា Twitter ផ្ដល់​នូវ​ការ​ប្រើប្រាស់​តាម​ស្តង់ដារ ដែល​ធ្វើការ​បម្លែង​ Password ​ឱ្យ​ច្របល់​គ្នា ជា​អក្សរ​ចៃដន្យ (random letter) និង​លេខ ដោយ​ប្រើ​ cryptographic process។ ប៉ុន្តែ bug ​នេះ អាច​ធ្វើ​ឱ្យ Password ដែល​មិន​ត្រូវ​បាន​បង្ហាញ បែរ​ជា​ “ត្រូវ​សរសេរ​នៅ​លើ​ឯកសារ internal log ​មុន​ពេល​វា​បំពេញ​ដំណើរការ hashing process” ទៅ​វិញ៕ សូម​អាន៖ ១០​ ​ប្រទេស​ដែល Block បណ្ដាញ​ទំនាក់ទំនង​សង្គម​ទាំង Facebook, Twitter និង Youtube វៀតណាម​ជា​ប្រទេស​ក្រោយ​គេ ​ដោយ៖ រឹទ្ធិរាជ