បើមានសញ្ញាទាំង៥នេះ បញ្ជាក់ថាចៅហ្វាយអ្នកមិនចូលចិត្តអ្នកសោះឡើយ
តើប្រធានរបស់អ្នកតែងតែគិតថាអ្នកជាបុគ្គលិកមិនល្អមែនទេ? អ្នកអាចនឹងមិនដឹងថាខ្លួនឯងមានចំណុចខ្វះខាតអ្វីខ្លះដែលខ្លួនត្រូវផ្លាស់ប្ដូរ។ ហើយខាងក្រោមនេះជាសញ្ញាខ្លះៗដែលបញ្ជាក់ថាប្រធានរបស់អ្នកមិនសូវជាចូលចិត្តអ្នកប៉ុន្មានទេ៖
១) អ្នកតែងត្រូវបានផ្ដល់ការងារយ៉ាប់ៗ៖ នៅពេលប្រធានរបស់អ្នកផ្ដល់កិច្ចការងារផ្សេងៗដល់អ្នក តែអ្នកហាក់ដូចជាបំពេញកិច្ចការងារនោះមិនល្អទាល់តែសោះ វាអាចដោយសារតែការងារនោះជាការងារលំបាកដែលអ្នកដទៃធ្វើមិនកើត ដូច្នេះមានន័យថា ប្រធានចង់ធ្វើបាបអ្នក។
២) មានមនុស្សចាំសង្កេតអ្នករហូត៖ ចៅហ្វាយរបស់អ្នកនឹងមិនបណ្ដោយអោយអ្នកធ្វើកិច្ចការឬធ្វើការសម្រេចចិត្តអ្វីមួយតែម្នាក់ឯងនោះទេ ហើយតែងឃ្លាំមើលរាល់សកម្មភាពរបស់អ្នករហូត ដើម្បីចាំចាប់កំហុស។
៣) មិនសូវមើលចំក្រសែភ្នែកអ្នក៖ តើអ្នកមានដែលកត់សម្គាល់ក្រសែភ្នែករបស់ប្រធានអ្នកនៅពេលអ្នកនិយាយ ពាក្យអរុណសួស្ដីទៅកាន់គាត់ដែរឬទេ? តើគាត់សម្លឹងទៅអ្នកឬក៏ទៅកន្លែងផ្សេង? ប្រសិនបើគាត់មិនចូលចិត្តអ្នកទេប្រាកដណាស់គាត់នឹងងាកមុខចេញពីអ្នកជាមិនខាន។
៤) គេចចេញមិនចង់និយាយស្ដី៖ វាបញ្ជាក់ថា ទំនាក់ទំនងនៅកន្លែងធ្វើការរបស់អ្នកមើលទៅវាហាក់ដូចជាមិនប្រក្រតីទេពីព្រោះអ្នកមិនដែលមានការទំនាក់ទំនងល្អឬនិយាយស្ដីជាមួយប្រធានរបស់ផងនោះ។
៥) អ្វីដែលអ្នកធ្វើគឺតែងតែខុស៖ តើចៅហ្វាយរបស់អ្នកតែងប្រើប្រាស់ពាក្យមិនល្អឬមានគំនិតអវិជ្ជមានទៅលើអ្នកដែរឬទេ? អ្នកគួរព្យាយាមសាកសួរទៅគាត់ថា តើគាត់ចូលចិត្តអ្វី ? តើមានចំណុចអ្វីខ្លះដែលអ្នកគួរកែតម្រូវដើម្បីបំពេញចិត្តគាត់? ប៉ុន្តែបើអ្នកព្យាយាមធ្វើល្អ និង កែតម្រូវបញ្ហាអស់ចិត្តហើយ តែនៅតែថ្នាក់លើមើលមិនឃើញទៀត មានន័យថា ពួកគេមិនចូលចិត្តអ្នកឡើយ៕
ប្រែសម្រួល៖ ព្រំ សុវណ្ណកណ្ណិកា
ដោយ៖ www.cheatsheet.com
