កិរិយាសព្ទទាំង១០ដែលសម្រាប់និយាយពីចលនាដៃរបស់អ្នកក្នុងភាសាអង់គ្លេស
ថ្ងៃនេះយើងនាំគ្នាសិក្សាអំពីកិរិយាសព្ទដែលរៀបរាប់អំពីចលនាដៃរបស់មនុស្សក្នុងភាសាអង់គ្លេស។ តើដៃរបស់យើងអាចធ្វើអ្វីបានខ្លះ ? ខាងក្រោមនេះគឺជាកិរិយាសព្ទទាំង១០ដែលអ្នកអាចប្រើប្រាស់សម្រាប់និយាយពីចលនាដៃរបស់អ្នកក្នុងភាសាអង់គ្លេស៖
១) Wave = បក់ដៃហៅនរណាម្នាក់
ឧទាហរណ៍: Standing on the opposite side of the road, she waved at a motor driver. «ឈរនៅម្ខាងទៀតនៃផ្លូវ នាងបានបក់ដៃហៅអ្នករត់ម៉ូតូឌុប។»
២) Stroke = បំបោសអង្អែលស្បែករបស់នរណាម្នាក់ឬរោមរបស់សត្វ
ឧទាហរណ៍: That little girl stroked a cat gently as it came to her and miaowed at her. «ក្មេងស្រីម្នាក់នោះបំបោសអង្អែលសត្វឆ្មាថ្នមៗនៅពេលវាមករកនាងហើយយំម៉េវៗដាក់នាង។»
៣) Tickle = ប្រើម្រាមដៃចាក់នរណាម្នាក់ដើម្បីឲ្យគេរសើបហើយភ្ញាក់
ឧទាហរណ៍: No matter how I tickle my mom, she won't be tickled easily. «មិនថាខ្ញុំចាក់ម៉ាក់ខ្ញុំឲ្យរសើបប៉ុណ្ណាក៏ដោយ ក៏ម៉ាក់របស់ខ្ញុំមិនរសើបងាយៗនោះដែរ។»
៤) Pat = ប្រើដៃប៉ះនរណាម្នាក់ថ្នមៗនិងមួយភ្លែតៗ
ឧទាហរណ៍: On the day of his friend's grandmother's funeral, he patted his friend's shoulder and consoled him that everything will be fine. «នៅថ្ងៃបុណ្យសពរបស់យាយមិត្តភ័ក្ដិគាត់ គាត់បានប៉ះស្មាមិត្តភ័ក្ដិគាត់ ហើយលួងគាត់ថាអ្វីៗនឹងល្អប្រសើរឡើងវិញ។»
៥) Slap = ទះកំផ្លៀង
ឧទាហរណ៍: No matter how wrong a person is, it shouldn't be to the extent that you slap him or her on a face. «មិនថាមនុស្សណាម្នាក់ខុសយ៉ាងណាក៏ដោយ ក៏មិនគួរដល់កម្រិតមួយដែលអ្នកទះកំផ្លៀងគេចំកណ្ដាលមុខដែរ។»
៦) Punch = ប្រើកណ្ដាប់ដៃវ៉ៃឬដាល់នរណាម្នាក់
ឧទាហរណ៍: He didn't say anything much and suddenly punched the thief in his face out of his anger. «គាត់មិនបាននិយាយអ្វីច្រើននោះទេ ហើយរំពេចនោះគាត់ស្រាប់តែវ៉ៃចោរចំកណ្ដាលមុខចេញពីកំហឹងរបស់គាត់។»
៧) Rip = ហែក
ឧទាហរណ៍: Knowing that the content in the letter was worthless , he ripped it apart. «ដោយដឹងថាខ្លឹមសារនៅក្នុងក្រដាសមួយនោះគ្មានតម្លៃអ្វី គាត់ក៏បានហែកវាចោលបាត់ទៅ។»
៨) Scratch = ប្រើក្រចកទៅខ្វាចលើអ្វីមួយឬនរណាម្នាក់
ឧទាហរណ៍: My little sister scratched me on my face when I took away her beloved doll. «ប្អូនស្រីតូចរបស់ខ្ញុំខ្វាចខ្ញុំនៅលើមុខ នៅពេលដែលខ្ញុំយកកូនក្រមុំតុក្កតាសំណប់ចិត្តរបស់នាងចេញពីនាង។»
៩) Grab = ចាប់យកអ្វីមួយយ៉ាងរហ័ស
ឧទាហរណ៍: She grabbed my hand very quickly and ran away from the fire. «នាងចាប់ដៃរបស់ខ្ញុំយ៉ាងលឿនហើយរត់គេចចេញពីភ្លើងឆេះ។»
១០) Flick = ប្រើម្រាមដៃកណ្ដាលនិងមេដៃដើម្បីផ្ទាត់សត្វល្អិតឬកម្ទេចតូចៗចេញពីលើស្បែក
ឧទាហរណ៍: Many more mosquitoes are coming towards me after I flicked one away. «មូសកាន់តែច្រើនបានហើរមករកខ្ញុំ ក្រោយពីខ្ញុំបានផ្ទាត់មួយក្បាលចេញ។»
ដោយ៖ ស្រីពៅ
