តើ​អ្នក​អាច​និយាយ​បាន​យ៉ាង​ដូចម្ដេច​ខ្លះ​ក្រៅ​ពី​កិរិយាសព្ទ Forget ដើម្បី​បង្ហាញ​ថា​អ្នក​ភ្លេច​អ្វីមួយ ? នៅ​ក្នុង​ស្ថានភាព​ខុស​គ្នា​ដូចជា​ការ​ភ្លេច​រឿងរ៉ាវ​មួយ​យូរៗ​ម្ដង ឬ​ការ​ភ្លេច​ដែល​មាន​លក្ខណៈ​ជា​ទម្លាប់ តើ​ក្នុង​ភាសា​អង់គ្លេស​ប្រើប្រាស់​ឃ្លា​យ៉ាង​ដូចម្ដេច ? ខាងក្រោម​នេះ​គឺជា​របៀប​៧យ៉ាង​ដែល​អ្នក​អាច​ប្រើប្រាស់​ដើម្បី​រៀបរាប់​ថា​អ្នក​ភ្លេច​អ្វីមួយ​ក្នុង​ភាសា​អង់គ្លេស:

១) When I was in school, I didn't do well at math. It often went in one ear and out the other.

To go in one ear and out the other = ប្រើប្រាស់​សម្រាប់​បង្ហាញ​ថា​អ្នក​ឆាប់​ភ្លេច​អ្វីមួយ ដែល​ខ្មែរ​យើង​ច្រើន​និយាយ​ថា ស្ដាប់​ចូល​ត្រចៀក​មួយ​ចេញ​ត្រចៀក​មួយ​ទៀត។

២) She is still young but she has a memory like a sieve. She forgets easily what I have just told her to do a few minutes ago.

To have a memory/mind like a sieve = a sieve គឺជា​ប្រដាប់​ត្រង​ដែល​ញែក​វត្ថុ​រាវ​ពី​វត្ថុ​រឹង។ តាមរយៈ​ពាក្យ​នេះ​អ្នក​នឹង​អាច​ទាញ​យល់​អត្ថន័យ​នៃ​ឃ្លា​នេះ​ថា វា​ប្រើ​សម្រាប់​សំដៅ​លើ​នរណា​ដែល​ឆាប់​ភ្លេចភ្លាំង​អ្វីមួយ។

៣) I'm sorry that I didn't join your birthday party. It just slipped my mind.

To slip one's mind/memory = ឃ្លា​នេះ​ប្រើ​សម្រាប់​ការ​ភ្លេច​ទៅលើ​រឿង​ជាក់លាក់​មួយ​និង​មាន​លក្ខណៈ​បណ្ដោះអាសន្ន ដែល​ខុស​ពី​ឃ្លា​ទី២​ដែល​ប្រើ​សម្រាប់​ការ​ភ្លេច​ដែល​មាន​លក្ខណៈ​ជា​ទម្លាប់។

៤) I can't remember it but I know that it is on the tip of my tongue.

On the tip of one's tongue = មានន័យ​ថា​ជិត​នឹក​ឃើញ​អ្វីមួយ ខ្វះ​បន្តិច​ទៀត​នឹក​ឃើញ ឬ​ខ្មែរ​យើង​ចំណាំ​និយាយ​ថា នៅ​ចុង​មាត់។

៥) My mind suddenly went blank when I was standing in front of many audiences.

One's mind goes blank = ច្រើន​ប្រើប្រាស់​ក្នុង​ស្ថានភាព​ដែល​រង​សម្ពាធ​សម្រាប់​សំដៅ​លើ​ការ​ភ្លេច​អ្វីមួយ

៦) The memory in childhood seems to be all a bit of a blur to me when I try to remember it.

(All) a bit of a blur = ប្រើប្រាស់​នៅ​ពេល​អ្នក​ចងចាំ​អ្វីមួយ​បាន​ស្រពិចស្រពិល។

៧) I have no recollection of what happened to me during motor accident a few years ago.

To have no recollection/memory of something = មានន័យ​ថា​អ្នក​មិន​មាន​ការ​ចងចាំ​អំពី​អ្វីមួយ

ដោយ៖ ស្រីពៅ